返回列表 回覆 發帖

可有熟悉錫安教的人?

本帖最後由 惡多巴斯 於 2010/11/4 03:35 編輯

我女友是錫安教的教徒,早在十多年前,她由內地遷居香港,在天水圍定居...被同學介紹下加入了錫安教,     一直以來,她都不會向我提及自己身邊的人和事,我只知她是"基督徒"..而她在教會的事更是一句起兩句止,及後認識多了才知她是錫安教徒,和我所知的基徒教有點不同......           
      她每星期都會到區內的一個私人住宅單位進行聚會(十多人),在她們口中...是稱作"家聚"...由"家母"帶領,只知道是以分享食物和唱詩歌為主,信徒全是女性..而星期日,就會到九龍灣展貿進行大型聚會(相信有數千人),內容不詳,但所知的是男女教徒是分開坐的
     另外,公司有另一女同事和她是相同教會的,星期日在同一地點聚會,只是家聚的地點不同,在其他同事口中得知,這位女同事是有飲用雙氧水的,但我女友堅稱未試過飲...
      每次問到女友教會的事,她都表示不想回應,好像有不可告人的秘物,而這也間中影響到我們關係....到底會否有熟悉此教派的人知道這教會的背景,因為我覺得有幾點真的很奇怪

1,為甚麼男女要分開聚會?
2,在"九展"的聚會,應該所費不少,有冇古怪?
3,為何女友這麼忌諱談論有關教會的事?教徒不是都喜歡傳福音?
鍚安教...近年沒那麼活躍,不過以前相當出名.
此教當年時常稱末日快到,但從不應驗.又推廣雙氧水療法,稱它為神水,能醫百病.首腦則沒有神學資歷,但會如靈恩派表演靈的擊倒.本港基督教會多稱其為異端(雖然其身亦不正~).所以會出現(3)的情況.

(1)則非常易懂,這樣好控制教徙...

(2)現在不敢肯定,但多數都有...因為以前就在這些場合推銷雙氧水.

基本上我不希望人信耶穌,但如果堅持要信,最少希望她不要信一個教人飲漂白水的異端...
通常這類比較「特別」的教會,都因為被其他「同行」摒棄而變得神秘,且看看同行們如何組織起來對抗他們:
http://www.hkcrm.org.hk/announce/960730.htm

除了雙氧水之外,還有「千年蟲」問題:
http://www.christianstudy.com/data/misc/zionchurch2.html

以前有個由離開錫安教會的人組織網站,有大量資料,但已離線:http://www.freefromzion.com/,現在只剩下這裡:
http://ffaction.cgner.org/index. ... egory&id=1&Itemid=3

以下曾有熱烈討論:
[url=http://www.failforum.net/forum/v ... 44914&extra=&page=1]http://www.failforum.net/forum/v ... 44914&extra=&page=1[/url]

還可參考本網收錄的一名錫安教會離教者經歷:
http://exchristian.hk/home/article/show/149

希望可以幫到你。
支持鼓勵每位離教者 › 閹割神父 刻不容緩 ‹
當年http://www.freefromzion.com/有影片和錄音呢,可惜現在只是死link...
當年http://www.freefromzion.com/有影片和錄音呢,可惜現在只是死link...
日天 發表於 2009/11/8 11:53

根據一些比較邪的教派的一向做法,是會務求以法律、恐嚇等等各種手段,務求令離開的人封嘴的。
支持鼓勵每位離教者 › 閹割神父 刻不容緩 ‹
想起來,這教派沒記錯很守一軛論,對教友談戀愛有很嚴格的限制,kit19kit好自為之...
感謝各大大的回應,特別是抽刀斷水的連結

今日問了女友,她教會是否準許她和我拍拖,她回應:"冇特別規定既,不過最好都係教會內既人啦",咁我又問她她們教會中"印證婚姻"的問題,她表示神會安排她們的婚姻大事,首先是雙方都會在夢中見到大家,而隨著夢到次數的増加,再問教會高層的意見,兩人就會結為夫婦......(很荒謬啊),而她最近也有"姊妹"因著這事而結婚了,在結婚前,眾多"姊妹"們都感應到這人的夢境......(我聽到想笑)....而她亦表示在九龍灣的展廳聚會,是教會以特惠價錢租用...而且有別於一般教會,他們是不會傳"奉獻袋"收取損獻的,.....但當問及錫安教開設十多間空殼公司的問題,她已經感到我說話帶有攻擊性而終止了這個話題........

有種想法,很想參加這教會,之後揭發他們的惡行.....但好像太極端了吧??哈
7# Guest from 203.186.207.x
唔好咁啦,到時壓力好大,如抽水講,佢要對付你,手段多的是...

更何況,先救你女朋友出鍚安教先啦!呢樣本身難度都好高.如果你愛佢,又唔想佢信,都要一步步令佢睇清鍚安教真面目,一時講太多太shock佢可能仲以為你係魔鬼試探佢信心...

如果要打擊鍚安教,都係由佢哋同行出手啦,有效率好多~
好一招借刀殺人。
支持鼓勵每位離教者 › 閹割神父 刻不容緩 ‹
當然~親手處理弄骯髒自己雙手~
點樣由佢地同行出手?

我已經嘗試問佢一D問題,想引導佢諗下教會既真面目,但每個問題佢地都好似早有答案的

例如問佢:做咩唔返正常既教會,佢就話教會成立左25年,從來都好公開,有傳媒訪問佢地,佢地亦公開比人接觸,而亦有明星返佢地教會,只係佢地唔會好似鄭秀文間教會咁高調去話比人知有明星之頖云云.....好似已經有人教佢地背好晒D答案咁,

佢又話,教會呢排宣揚健康訊息,介紹健康產品,佢都唔係全部都買,好自由..唔會迫你....但我覺得呢D係洗腦成功既效果啦...係潛移默化,佢買左果D負離子機,又帶一條頸飾,話會釋放負離子(??!!),連屋企個花灑都話會釋放負離子,呢D一早已經比人踢爆晒係搵笨啦..咁都信,仲話用唔同顏色既水樽去裝水,會有唔同效果.........用綠色水樽裝出黎既水就最健康..講到尾咪又係叫人買野???

但講到尾,最大難處係好難搵到實質既證據去證明呢間教會既衰野,自問唔係能言善辯既人,比佢答下D標準答案,好快我又會諗唔到有咩POINT再講.....所以先想深入了解下~
即係其他所謂正統教會會批鬥錫安教.由於他們人多錢多,又主動(爭生意),效率當然高~

另外,要救你女朋友,挑起佢對鍚安教嘅疑心比較好~
要挑起疑心真係好難~
佢返左呢個教差十年....就係過住每個星期六,日洗腦既日子
而佢除左班教友同一班中學同學外,就好少其他朋友...
但當然平時都係見教友多,而除左返教會外,佢又唔鍾意周圍去
有車車佢周圍去都唔肯,嫌遠........(返教會又唔話遠)
所以佢思想都封閉,一切都係教會行先~
13# kit19kit

一入侯門深似海,要好有耐性才行。

祝君好運。
1# kit19kit

我曾在錫安教會姊妹,在離開後亦重新加入。雖然沒有經歷過千年蟲及雙氧水事件,但卻確切地經歷到種種的攻擊。我覺得...教會的問題多是捏造的罪名,正如馬丁路得被天主教迫害一樣。我不是要說我們是開闢新道路的教會,但是我們的觀念是有些許不同,所以被說是異端。

1,為甚麼男女要分開聚會?->男女是分開坐,而非分開聚會。男女朋友/夫婦可一起坐。目的是避嫌,因教會不是結識男女朋友的地方。但我的家聚,弟兄跟姊妹相處融洽,只需要避免身體碰撞。
2,在"九展"的聚會,應該所費不少,有冇古怪?->九展場地租用費比其他地方低,因為交通不方便。而教會每月的奉獻數字也不少。但我要說明,所有奉獻都是大家自願奉上,不記名。
3,為何女友這麼忌諱談論有關教會的事?教徒不是都喜歡傳福音?->你女朋友不說有她的原因吧,最好你自己問問她。傳福音是所有基督教都重視的工作。
13# kit19kit

忘了告訴你...

你不信教的話,最好有跟她分手的打算。

她很大機會是瞞著教會跟你拍拖。

萬一給教會知道,她必定跟你分手。

參加了十幾年教會,要離開,又談何容易?一離教..真的..什麼也沒有了....
13# kit19kit
參加了十幾年教會,要離開,又談何容易?一離教..真的..什麼也沒有了....
Guest from 203.188.125.x 發表於 2009/11/11 14:54

又不用這麼灰吧,廿多年「教齡」的離教者,都很快樂地生活:
大黃傻貓GARFIELD http://exchristian.hk/home/article/show/159
龍井樹 http://exchristian.hk/home/article/show/140
支持鼓勵每位離教者 › 閹割神父 刻不容緩 ‹
本帖最後由 kit19kit 於 2009/11/11 22:07 編輯

15# Guest from 203.188.125.x

多謝回覆,很有興趣知道閣下離教的原因,為甚又要重返?

1)無可否認,教會是很多別有用心的人,各懷鬼胎,但眼見其他正規教會也沒有這種規定,也不見得有甚麼問題,這似乎是控制思想行為的一種方法,

2)比其他地方低?其他地方是指甚麼?如果是光明正大的宗教團體,應該有很多免費或更便宜的地方供借用,何需選址如此偏遠?這樣一來,教友們的奉獻可用來作慈善用途,但以我所知錫安教也鮮有幫助他人的活動,那麼"數字不少"的奉獻去晒邊?還不是在高層們的袋中?佢地有冇公開過帳目??另外一點,很多地方,團體的捐款,都是不記名的,根本不值一提

3)你地都算係基督教?

最後,都想知,點解比教會知道,要分手???教會可操縱教友既一切??又點解,離教,"什麼也沒有?"........需知道每個人與生俱來都有思想既自由,你可有想過參加教會既目的?係想得到救贖,得永生?係咪信左教就做咩都得??如果希特拉係基督徒,佢係咪可以上天堂?一世行善,但不信,又是否落地獄?....聖經話神會審判...點樣審判??聖經只係人類寫既一本神話故事,我相信以當時原始時代既科技,資訊,....大把人信唔出奇..但以今時今日...又有冇睇清楚佢既真實性???如果當年流傳既書係哈利波特,我相信同聖經既效果一樣....大家都會信以前d人係識用掃把黎做飛行工具.....你地見到咁既情形,又會否覺得好可笑?????信耶穌信咩都好...都唔係問題,但要保持理性思考,唔係人講咩就信咩......多d見識下呢個世界,....去多d郊外地方,親近下大自然,你就會知道,聖經,教會..一切都好渺少.....就係教會令你地既眼光局限左,至會覺得冇左教會唔得
to kit19kit:

唔好咁火,因為203.188.125.x 佢目的只有一個:鍚安係正派教會,你同你女朋友一係加入,一係就分手...

基本上,你先focus返你女朋友先,因為要一個信教嘅人唔再信係極難嘅事,但如果你愛佢,咁樣只要有俾足時間同心機,佢一定會明...

首先,你最緊要係唔好一開始就侵犯佢嘅信仰,不過按你之前嘅post,你第一著就錯咗...anyway,你最重要嘅一步,係你要俾佢知你愛佢.你要從行為上,言語上從心咁表達出黎.你要表達出就算你唔鍾意佢信教,但因為你愛佢,所以你包容佢宗教嘅需要.當中過程應該好肉麻,不過你愛佢的話,愛一定要說出口,仲要不停講.你唔好睇小呢樣,教會之所以留到人,其中一樣就係將死人唔知仲有無嘅愛不停宣說,你係活人,唔係要輸俾個死人呀?呢個時間唔好阻佢返教會嗰啲~放長線下一句係咩?你明啦!

經過一段長時間,佢覺得你唔再針對佢嘅信仰,信任你,就開始設疑啦~記住,你係設疑,唔係搞針對,唔係同佢解釋,你要令佢疑問多多,答案要佢自己搵.方法係同佢一齊係自己嘅地方(eg家中)分享聖經,你同佢一齊睇,然後講出你嘅感受.唔好一面倒插死佢,少反駁佢,多用反問法迫佢思考,又間中讚揚一啲聖經正確嘅事.呢一步係引導佢思考自己信咩,做咩...千萬唔好令佢反感,要多備課,唔係前功盡費.

同一時間,你要擴展佢生活圈子.佢無咩朋友,你應該主動介紹你其他朋友佢識,先係一,兩個好朋友,之後先加上去.又唔好一開始去太遠,先係工作/居住地點附近,之後一步一步遠啲,唔好阻佢返教會,你要令佢feel到你尊重佢,等佢開始去得夠遠,夠多朋友,再拖佢唔返教會啦.

打住咁多先,工作中呢...
錫安官方(?)youtube:http://www.youtube.com/user/ziondaily
我的信念就是太陽!
返回列表
高級模式 | 發新話題
B Color Image Link Quote Code Smilies
換一個