周浩鼎論壇灑淚 被質疑是否做戲
立法會新界東補選周日舉行,無綫昨晚播出選舉論壇,在最後一節中,公民黨楊岳橋問民建聯周浩鼎,若非泛民在立法會「拉布」,網絡23條的四方會議則不會召開,又說:「晨早網絡23條就過咗啦,唔好再喺度呃香港人啦。」
周浩鼎嘆氣說,四方會議是由黨友陳鑑林促成,又稱已「無氣」、「唔想再拗」來回應,重申他參選是為香港的未來,更突然感觸流淚說,「呢段時間,好多人喺網上面抹黑我,有冇人考慮過我同我屋企人嘅感受?」「唔係日日你打我、我打你,香港唔係咁㗎!(用紙巾擦鼻)我信教,大家都係主內嘅弟兄,如果大家能夠坐番埋傾,我希望大家可以做番朋友咋!」
「呢滴淚為香港流」
梁思豪則諷刺周浩鼎:「你真難過定做戲咋?」又說若周如此輕易流男兒淚,日後在議會如何為港人發聲。
哽咽的周浩鼎其後為失儀致歉,但強調:「我流嘅呢滴眼淚,係為咗成個香港去流,我相信好多香港市民,係唔鍾意見到鬥爭。」又重申,相信很多港人亦不喜歡看見鬥爭,希望大家可坐下慢慢傾。
其他候選人還包括新思維黃成智、西貢區議員方國珊、本土民主前線梁天琦、劉志成。
http://www.metrohk.com.hk/index.php?cmd=detail&id=303298 |