返回列表 回覆 發帖

[原創作品] AAA

類似的學說之前也聽過不少,要是將耶經中"神"的存在肯定,得出來的假設結論是"人存在正是為彰顯神的愛及榮耀",說得直接點就是:人一生營營役役,穿梭來回喜樂和悲傷中就是"神"的一份作品/成績表;人家能力的確認.

在這前提下,對於人的存在價值其實是零,因為萬物存在都只是:
1.基於"神"的一己私慾,滿足自己,又或者
2."神"有更高層次的主管/主宰體位/理由,要以這世界的演化/進行而作交待.

之所以有這假設是因為耶經多次強調老耶是"過去/現在/未來永遠的",似乎是它是在四次元或更高階次元的體位,而同時可以控制三次元世界中時間/物質/力量的設定/產生/重組,以至可以控制每一件事/物的成因,發生及結果.

所以大家在使用電腦的同時,其實亦是摸疑一個"神"的位置:在電腦中你可以將資訊進行"設定"(setting),"產生"(create/new file/folder/project/database)和"重組"(editing/delete/save).而在電腦世界/資訊網絡中,時間是沒有意義的,例如只要你會輸入適當"指令"(command),你就可以在今天發一個昨天或明天的電郵.

即是說"假如老耶是真的"和"我的神是老耶"兩點同時成立的話:這賊老耶只當大家是sim city中看不見的市民,生死於它無關痛痕,總之你要做好你的那份,不要讓它頭痛;所有戰爭/飢餓/仇恨通通都是它在開始設定時,覺得只有和平和愛的世界不夠彰顥其能力而加入的.但相對而言,要在和平和愛裡彰顯它的話,有天使就已經夠了.要再高層次的表現,實在少不了這一群苦命集團的存在.

--------------------------------------------------------------------------------------------------------------------------------------------------------

但若果以理性化去解讀這所謂"神"的物體,我只可以先將它歸類為"因為恐慌引發傳染性人類自我保護而作出逃避現實的自我催眠症候群".開始時是古代人對不能解釋/捉摸不了流程/軌跡的事/物/自然現象產生恐懼,而強加上去的理由.及後演化成當權者作為一種有效的統治手段,編造了一系列的故事,去將族群/團體/社區/國家中的主流價值觀統一,從而控制受制者的意願及力量.

在這假設中,人的存在基於"物競天擇,適者生存"這條件,開始是巧合,但後來得以繁衍則是進化中淩駕了其他物種.
原帖由 Guest from 219.76.240.x 於 2008-1-22 10:29 發表
營營役役 :

神創造人原設不是要人營營役役, 乃是要管理世界萬物, 犯罪使人虧缺神的榮耀, 失落了神造人原設的角色...

就算是這樣, 人 "營營役役,穿梭來回喜樂和悲傷中" 是人在世暫存因著現有 "失落神價值觀" 的觀 ...


咦?呢位老細有d要求喎...

就咁,根據耶經既描述,老耶當初設定人的而且確係唔駛捱既,日日係伊記行行企企食吓野果咁又一日.

要捱,係因為阿蛇昆阿夏娃去扇阿當.

咁請問:

1. 阿老耶擺蘋果樹係伊記為乜呢?係地型需要/美觀/手痕留番樣野黎玩人類呢?照耶經講到阿老耶咁勁,無理由唔知阿當會偷食喎.
2. 阿老耶放阿蛇落伊記又係所因何事呢?又話阿蛇係佢管既,但又由得佢鼠落黎玩野,點架?照耶經講到阿老耶咁勁,無理由唔知阿蛇會玩野喎.
3. 阿老耶乜事幹咁多舊魚要整多件師奶過阿當嘆呢?照耶經講到阿老耶咁勁,無理由唔知呢個師有幾無知喎.
4. 管理就當然唔同控制,但乜解究佢連做個禁區唔俾阿當兩公婆入去都唔做?係唔記得?技術上既問題?定係因為阿當係照老耶自己個款砌出黎,唔想俾人話物似主人形就求其俾個莫須有就將罪名質俾人/蛇呀?照耶經講到阿老耶咁勁,無理由會有呢D位俾人入到之餘重要做得咁肉酸喎.
5. 綜合以上幾點,好明顯成個case係有連鎖性既管理失當啦.如果真係有心管理好既,又點會照耶經講到阿老耶咁勁,無理由唔一個debug果喎.

咁即係話:
一係就老耶唔係耶經吹到咁全能;
一係就老耶有心玩人;
一係就老耶根本係一件老作;

咁人丟老耶架...亦其實係老耶丟自己架??!!哦...唔怪得知週不時聽到有人講"面係人俾,架係自己丟既"呢句金句啦...

----------------------

你所講既"失落神價值觀"係咪既係話無老細照就會好徬徨呀?...大人大姐...東家唔打咪打西家囉...

----------------------

時間對老耶有乜意義我就唔知啦,但對世人就相當具意義,好話唔好聽你又可以試吓去基系企業返工,每日因為要做善事/做老耶應許既事而係咁遲到,返到去重同老細講話"時間對神可能係無意義"既...我諗佢一定加係你係天上既人工...又幾好喎又...

回復 16# 的帖子

問題其實係有三/四個,唔分點好似又剩係三言兩語講唔明乜事...耶經咪又係一章章一兩句都分晒節咁...

老耶如果唔防人犯罪,好似你話俾信心咁;咁即係話佢係一早預咗人會有機會去"丟佢架".咁到底為乜佢唔去避免呢樣野呢?"俾信心令佢唔會發生"同"有能力唔俾佢發生"係兩件事黎果喎...咁到底係人丟佢架定老耶丟自己架呢?聽耶經口吻,阿老耶似乎都唔係好想人丟佢架喎...但咁既setting...得咩?而家既耶徒都唔得啦...

事情發生咗,又話呢野係原罪...哦...你係咪話阿老耶係有心等人犯事,從而成長為全人/從失敗中成功而更榮耀阿老耶呢?即係話做爸爸既見個仔學行,個仔跌倒...跟手個爸爸就應該踢個仔出街,等佢自己係彌敦道人來人往既大街學行?但因為阿老豆係開porsche既,咁你係我個仔/我件作品就算跌跛腳都要行得快過架porsche先叫光宗耀祖咁呢?如果唔係就係丟個老豆架,一世都要仰個老豆既鼻息做營養咁呢?

而且阿當兩公婆係未食蘋果之前,係無善惡之心既.阿老耶按照自己個款造人,好嘞,跟手又搵阿蛇黎扇佢兩個.咁請問係無善惡之心既阿當兩公婆,為乜一向聽老耶話,突然又轉向聽阿蛇話呢?咁阿蛇既惡念又從何而黎?好似話阿蛇都係老耶既產品,咁我地係咪應該憐憫阿老耶佢手藝唔夠好,整件次貨出黎搞彎咗成個伊記以至地球呢?

如果講到管理,點會無風險管理架?又話點愛阿當兩公婆,但又任得人四圍走,又擺晒危險品係附近,明知食完會出事,但又乜都唔理,交帶一句就算...你做人爸爸媽媽都唔會任由個無智商既仔/女走入廚房玩石油氣掛?定抑或係唔駛收番好D漒水哥士的,任得個仔/女大時大節趁高興攞出黎猜咗佢咁呢?如果你話叫管理唔代表要落手落腳去做,咁最少都叫阿獅子老虎是但一件去門口mark實吖,定抑或係伊記既獅子老虎無而家既咁肥壯,阿當可以一手捽死佢地咁呢?

佢當然有辦法,講黎講去咪又係得三種:
打開個厠所蓋按"洪水"沖走晒你班友,一乾二淨,好似未開發呢個世界之前咁;
一把火燒晒所有野,咪搞掂囉;
將所有人回歸到去阿當果個level,始終都係無智商既易管;

講黎講去,耶經話係阿老耶做人,但做咗出黎,對佢有乜作用從都來無講過.要榮耀神,天使點都好過人多多聲,又乖又唔會偷食.咁做呢堆次貨出黎係為乜?大量生產成本低D咁話呀?諗住出口去邊樹架?產地証寫地球定銀河系呀?

大家都係估估吓,但估之前,先分返成件事既莊閒."老耶做人與否","有無老耶"根本對人或者對老耶(如果有)都係無關痛癢既,因為大家既layer唔同,以耶經講老耶係高高在上既,你下面既蟻民生死,就好似你對細菌既存亡無也感覺一樣.

但如果呢個老耶係教會老作出黎,作為自己凝聚力量既工具,咁人生存既意義就真係被扭曲啦.明明你返工係為咗出糧;但有管理層又話你知你返工唔係為出糧而係為咗令企業壯大,咁為咗令企業更壯大,你係唔應該出糧既;到你真係唔出糧都返工但做錯咗野時,管理層又話你點解做錯野咁唔專業,你會唔會覺得好輸打贏要呢?

回復 20# 的帖子

根據耶經所描述,人/蛇既有幾多/有無知識權限/有無善惡之心唔係人話事,係老耶話事.所以一早就己經講話如果呢個真係神既setup,咁就佢自己既能力問題.如果唔係能力問題的話,即係佢有心去營造一個或缺既情況,好似做實驗咁.但一條都幾簡單既道理,佢要做實驗即係話佢想"確定"一d係佢知識以外/以內既事情.要從咁既方向去得到"確定",似乎耶經講佢既"全知"/"全能"只係對於人而言,而並唔係全次元既全知喎.

- 到底係"學似神咁分善惡"定"接近神/有限度咁分善惡",呢個問題係要係"神存在"同"神造世人"同時成立先可以去傾,係呢兩點未被確認前,我就覺得放埋一邊先都唔遲.

- 善惡既定義亦係同一個point.但我同意一點,就算只係以人既角度,呢樣野都係無定論,我既善對你黎講可能係惡,但我總唔可以將自己既價值/道德觀去強加諸你身上.

- ...人之所以可以叫做分辦善惡,係因為基於兩方面setup:知識同感覺...耶經描述,當夏娃同阿當食完蘋果見到對方同自己都無著衫就怕羞閃埋一邊,我相信呢個係佢地第一個因感覺而造出反應,從而得出要著衫呢個知識.感覺同知識就係咁樣互相影響而產生既,有時係知識先,有時係感覺先.但耶經就實牙實齒話係經由蘋果而人得智慧係因為食咗禁果;咁我就真係想將個問題回歸到原點.乜解究,人未有善惡之心就好地地,老耶就特登setup一個有犯事機會去破壞人同佢既關係既位呢?重要佢係有放阿蛇出去,而由阿蛇誘佢兩公婆中伏果喎...如果唔用耶教既精神"不要問只要信"呢種咁接近阿當既智能,好難令人入信喎又係...

我無判老耶死刑,只係未有人具體地以第一身黎locate到佢咁話啫...但係實在證實到佢存在而同時又證實到人同佢既關係之前就要人信佢...對人都幾唔公平吓喎

沙老兄言重啦,呢度又唔係法庭,大家都係講吓常理(common sense)啫
老耶開大會,叫齊所有天使埋位,一開波就話要佢地除咗管理晚舞既時段外(天堂),重想佢地全組人做埋茶舞(人世).

大班阿加二話不說就將隻腳戙上枱:"老耶,你咪以為我地唔知.茶舞班友又咸又污糟又無文化,一時又話要洪水沖身,一時又話要大開殺戒,厭惡性部門喎.做唔係唔得,但我地而家齋做茶舞都夠食,你開到個乜野盤口俾我地先?"

老耶面有難色:"但係你地都知你地晚舞因為member only,入場又貴,又唔送果盤又無色情成份咁,好多年都無增長喎.你知啦,家陣乜都講資源增值,再係咁要cut你地head count喎."

阿加聽到就更火上加油:"我挑!咁鍾意食生果就返屋企種,呢度係成人遊樂場.要色情成份咪去街囉,無野收又要俾人搞,我不如返屋企對住老公算吧啦,駛返黎開工?你估車錢平呀?"

老耶心知不妙,突然眉頭一縐,計上心頭:"不如咁啦,你地做開一晚六千年命,咁啦,full package茶舞連晚舞兩次六千年命,但唔駛做足十二粒鐘,做九粒算啦,比起而家都係做多三粒鐘啫."

"你唔好傻啦!"阿加不屑,"你估我命少得過你咩?我一晚出一次街都多過你出糧俾我啦,真係等你果份就米都有得乞呀.咁啦,一係以後街鐘代支全部歸返我地,咁都重可以同你捱多兩粒鐘既.但講明先呀,我地無特別服務架,咪一陣又水又火咁我地唔做架.你身賤咋,我地唔係呀,如果真係要做既你自備皮褲親自上陣呀."

老耶聽到呢度,不由得左手抹汗右手揞住往面既出入口:"...我唔得架大姐,上個世紀我後面恆星大爆炸熱氣到而家呀,大夫話我個瘡仲有六十億年發熱發亮呀.而且你地係街鐘數先係我呢係既主要收入喎,你地收返晒我就係齋食西北風,食得多唔掂喎."

"你唔得就係人都知.咪扮野啦,"阿加更不屑,"原本茶舞個大班阿路路(Lucifer)因為串你擔唔起你就吠人,結果佢就拖埋成組人去開第二度,我鬼唔知你家吓疴碌夾碌咩?果度差唔多成個聽既三份一人架,而且佢地又爛做,歌又精舞又勁,就算你叫我地頂住大家都唔同瓣數啦.我地賣個殼,佢地賣功架,點頂呀?"

老耶心知阿加講既係事實,但又直係無計可施,一時間都無晒主意.

"你咁七點做大架?"阿加串到佢暈"仲話做話事人,做阿頭唔係咁做架,我做阿二都唔得咁啦.嗱,咪話唔幫你,見大家同一個單位我都唔想你死.改改佢啦,將茶舞改為金魚缸,將個場係茶舞時間整到有咁黑得咁黑,再出去買個細細地既缸返黎,擺幾件落去,搵盞spot light打落去,加埋幾塊反光板,咁就幾醜既都幾到飯得杯落啦.另外,我知阿路路係出面都唔係幾掂,我幫你叫佢扮野改過個名返黎插飛,以前既野咪當粉筆字抹咗佢囉."呢位阿路路,後尾就改咗名叫旦旦,成為咗呢個金魚缸既第二把交椅,繼續日日去串阿老耶唔得.

老耶聽到咁眉頭一鬆,但又諗起另一個問題,"但做金魚缸...唔夠人又唔夠budget買燈買反光板喎."

阿加無晒氣,"用吓腦啦pk,你個腦用黎坐既咩?定係裝屎架?無人咪求其做幾野出黎囉,樓吓裝條緊有紅毛泥呀.燈...用你個瘡囉,頂到六十億年都ok啦,做住先,到時做到數咪叫上面加budget囉.反光板重簡單,我呢道有串石仔錬,你拆開佢舖開咪得囉.用吓你個死人腦啦,你份糧無分俾我駛架!點呀?而家掂啦!徒我時間,弟兄姊妹,我地閃!"

阿加走咗,老耶因為有辦法交到差而滿心歡喜,落樓下攞咗少少紅毛泥,就諗住整幾個人出黎,點知原來都好難整,又無model,就只好跟住自己個款整啦.整咗先醒起無女...紅毛泥又用鬼晒,無辦法,唯有係個男度攞少少泥出黎加多D水搓個女既,為咗報跟手要日日同有牙齒印既路路合作時又要再睇佢面色,就將個女既造到路路咁既樣,重要日日俾個男既插...

終於,個茶舞金魚缸開幕...

"創1:1 起初,神創造天地...."
返回列表
高級模式 | 發新話題
B Color Image Link Quote Code Smilies
換一個