Jom

既然咁唔鍾意呢類人,大可以:
1. 更努力去進步,當比佢更有能力既時候,就可以選擇用邊一種眼光去睇佢,而唔係介意佢點睇;
2. 先反省一吓,佢地話既係咪真係無道理.人可以唔鍾意其他人既表達方式,但唔可以否定事實;

人生中總會遇到呢類人,出得一個咁既post,即係都幾介意呢類人用乜野眼光去睇人,如果未夠成功但又介意既話,努力啦.

如果唔係既,呢類人既唔值得尊重又唔值得討厭,nothing.

Jom

嘩!咁好?俾個識七年既基基男友飛咪可以重生囉!順手過番D要自己面對問題既生活,前途一片光明喎!

有時人就係咁,塞翁失馬.你以為佢好可憐,又唔識戶省又盛,但其實人生路上本來就係希望處處,只要你一日未死,一日都可以憑自己既毅力去擺脫前塵爬番起身.昨非今是,起碼佢都有個新開始啦,好事黎喎!

得閒叫呢位姊妹多D黎呢樹睇吓野,佢好快就會明白乜野叫做我為我生存架啦.

Jom

原帖由 Guest from 210.0.183.x 於 2008-2-3 14:35 發表
似乎死雞撐飯蓋既，不只一人！
事實勝於雄辯。當其他人係傻咩！

好呀好呀,快D攞個事實出黎,我就最鍾意聽事實架啦.

到時睇吓邊班友仔死雞撐飯蓋咁抵死,拖出去左右兩面各星七十個七巴都好喎.呢位世兄/賢姊亦無需用過客身份留言啦,登個靚錄咪等人以為離教既/耶教既做人做事都剩係識得利用互聯網去亂叫一通.

Jom

原帖由 Guest from 219.78.66.x 於 2008-2-24 13:31 發表


叻唔係唔岩，只不過這種人太過自大，鍾意踐踏窮人，話人地"死不足惜"，我先睇唔過眼要話這種人
這種人持住自己有幾本事踐踏無佢那麼幸福(我指他出生有錢家庭)的人，這種人才是死不足惜
當然讀書係駛錢的，但有d人持住出生起富 ...

富貴一定係幸福?無出過國就無前途?人生既出路得一條咩?定係呢個經已係定局,將來無第二個可能性?太膚淺啦掛...

我唔覺得你描述既呢類人值得欣賞,但起碼佢講出咗一個事實,呢個世界的確係"技不如人,死不足惜".你插佢地之餘,會唔會同佢一樣,都係"憎人富貴,厭人貧",只係你兩位一人做一半?

如果俾人話果位唔甘心俾人話既,咁自己努力D囉,到佢有能力既時候,根本就需要介意人點睇佢,反而係佢可以去選擇用乜野目光去睇呢類人.人係無可能去改變際遇既,但如果改變唔到就屈服投降或者單單憤世疾俗既,點會有推動力?

我唔知亦無興趣知點解你要咁嬲,但我自己以前都窮得好緊要,雖然時至今日重未退到休,但托賴都叫做可以安身立命.途中有無數既人報以白眼,亦親身經歷過唔少世態炎涼.老實講,咁多年黎我都只係本住一個諗法繼續行落去,做人好似打牌咁,有人一開始打就贏,有人一開始就會輸;但無論輸贏都好,並唔係一個定局.今日有人話我踩我唔夠好,首先去諗吓自己係咪真係唔夠好先,能力唔夠既咪去強化吓自己囉,人係應該每一日都不停咁成長既;總之我一日未做得好,人地亦有權去質疑我.

至於你講既呢類人,根本就唔需要去理佢;呢種人就任得自己活係自己既世界入面算啦,唔值得討厭更唔值得尊重,根本就可以當佢無到.

Jom

唔該去替人出聲之前,先攪清楚幾點:
1.做清潔同農業既唔一定係窮人,甚至有唔少係發到豬頭咁而無人知.
2.而家唔係嘲笑佢地,而係想佢地唔好自傷自憐啫.呢個社會就係有唔少你呢類佢地咁可憐,我地俾多少少支援佢地啦.以前香港無乜公援福利可言,但個社會就好有生命力,因為好似你話一樣,無人係有能力之下願去做一d又辛苦搵錢又唔多既工種.如果你年紀係三十過外既,你就會知道早二十年前以前,香港重有好多工業既時候,就係香港最繁榮,社會最有生命力既時候.因為果個時候重有好多草根階層,呢一班草根階層好多都係從事工業既生產.甚至唔少殘障人仕亦投身工作而唔係去庇護工場.佢地一樣俾人歧視,一樣俾人侮辱;但佢地又係一個一個咁捱過去,到佢地有能力自給自足既時候,邊度重有人會俾多餘既白眼佢地呀?人地點睇你,社會點睇你係唔重要既,重要既係佢地自己有無莊敬自強既心同行動.有心無力既咪諗吓囉,係呀,唔夠勁就係要搏架啦.一日打兩三份工,自己由小學夜校讀上去,三四十歲先大學畢業既,你知唔知有幾多人係咁呀?點解而家唔得呀?我都係果句,你一日未做到,一日都有可能俾人睇唔起.但一日到黑剩係得個講字,呢類人我唔會睇唔起,係睇唔到囉.
3.呢個世界係無免費既午餐既,佢地唔係義工,要出糧架.出得多與少,咪視乎能力囉.佢地付出過既,有無得到回報先?
4.我眼見呢個post入面無人睇唔起過窮人,亦有唔少本身都係窮人,包括我在內.但我自問我窮我既事,並唔需要社會對我有乜眷顧,亦唔需要人同情.你扶我一把我好開心,唔幫我既我亦無話可說.生命係自己既,點解要等人施捨包容先可以生存呀?
5.你講話有人睇唔起窮人,我無反對亦唔鍾意呢類人.但俾人話果個有無反省過自身既貧窮係因為而黎既呢?出身唔好?自己有無努力過先?係介意人點睇之前,有無先做好自己,天天進步呀?如果無既,唔該諗清楚:人睇唔起你有時未必係因為你既貧窮,而係你既態度.一句好醜命生成,就一日到黑怨天尤人.你睇吓幾多新移民,一落到黎香港就同個大自己幾十年既老公攞公援,生埋一班本來就係能力以外既細路.咁又一句我條命唔好,嫁錯人咁呀?窮人有好多種,窮得黎自重自強既,睇唔起佢地既人唔少但欣賞佢地既人就更多.

Jom

第一,"技"並唔等於"體",係嘛?唔明有乜分別既去查吓字典;網上有唔少免費字典;無錢買字典或電腦既既可以去公立圖書館,免費架;

第二,唔係我殘忍,係個世界殘忍;你試睇吓如果你係傷健人仕,入到去個森林度,睇吓可唔可以用隻跛咗既腳去同獅子老虎講數?我無意去踐踏任何傷健人仕,但我成長既日好入面,眼見過唔少人身體有缺憾都一樣要去搵食.無人會特登去同情佢地,佢地亦自己搵自己食,唔需要人去同情.唔好講香港,你有無聽過柬埔寨?你知唔知佢地國家既傷殘比例超過6%?長期病患既話,有無聽過湖南既愛滋村呀?嚴重精神病患同弱智人仕,你知唔知世界上最少有三千萬人每日都係神志清醒同神志不清之間徘徊?如果話我幸福,香港既傷健人仕亦唔差得去邊.霍金都係嚴重傷殘,佢都有大條道理放棄,但佢明白到佢有更多既野可以做.係香港,如果一個傷健人仕有志於各方面既發展,政府資源係好有限,但並唔等於零.大把人幸福過自己,大把人又不幸過自己,點解唔將生命中既唔公平化為力量呢?

第三,如果個topic set做"對社會不公平既控訴",我一早就會list埋呢類傷健人仕同老人入去個pool到.但而家講緊既係財富資源分配既唔公平,你到底知道個post講緊乜未?

最後,我唔怕話過個案俾你知.呢個網入面,有位兄弟身患怪病,每日都抬住個計時炸燀咁,唔知幾時大限將至,返工又久不久要請假,身體支持唔到.有段時間將所有時間放晒落去一d無乜意義既寄託上面,正式話頭係等死.有一次我地出黎食野,佢俾人好狠咁媽咗佢一餐,大概係話佢一日未死,無論情況幾惡劣,佢都要繼續做人,最少做個盡晒全力既人,最少對自己都有個交待.果次之後,佢清醒咗好多,最少佢肯放低個心理包袱,一份工做唔長,搵第二份;七千搵唔到就搵六千,六千唔得既五千五都殺,無話因為咁而放棄過.屋企人對佢唔體諒,其他人睇佢唔起,佢唔開心收埋,變成一種推進力.年多之後再見番佢,怪病依然無好,但佢己經可以有一份穩定既工作同照顧到自己.我問佢份工開唔開心,佢就答我:有糧出就得啦,話之佢.

呢個post一開波講既係有d人唔同情低收入既人,唔係傷殘與否.但你咁講到,我亦無妨加埋落去.香港既福利制度根本就應該只係留番傷殘(包括長期病患,嚴重精神病),孤兒同老人果一part,其餘所有公援都應該取消,將資源集中.

你話我唔人道,我唔反對,要係世上生存本來就係一件唔會人道既事.開善堂,都要有個底先可以開到;要同情人,等你有能力去解決佢地既問題先再講吧啦.不問情由,唔顧現實咁一味施以同情,咁唔係好心,係叫做好心做壞事.

Jom

原帖由 天煞孤星 於 2008-2-25 19:24 發表


當我聽到這句「技不如人，死不足惜」，我替這些遭遇不幸的人難過。為什麼這些人完全不會憐憫不幸的人?? 有錢有什麼了不起?? 我不羨慕富貴人家，因為他的心地太差了，越有錢越沒有寬容之心，為什麼上天不去懲罰這些沒有同情心 ...

星女,你睇清楚個之前個post講乜先同佢癲啦

Jom

唉...你都未睇晒,我地本來一路講開係話有人有錢睇唔起窮人,而唔係講緊話有特別需要既人,你睇晒先啦.

我都知你個case,但你既康復過程當中,去到最後可以真係幫到你自己既人唔係自己又係邊個吖.到你好返,回頭望返現實生活,呢句說話既難聽之處係因為佢太真實,真實到幾乎無人走得甩.

唔係話唔應該有同情心,只係太多既同情心,有時幫到唔到人之餘重會俾咗個位人自己自傷自憐.咁又點叫做幫到人呢?

Jom

- well,一個心智正常既成年人都應該分清楚下乜野係現實乜野係逃避現實...咁都分唔清既,係侮辱佢自己同個社會...如果單係一個窮而決定佢可敬與否,咁係膚淺既;但單係因為一個人窮而覺得要去關懷甚至由得佢既,咁就係無知.好多人窮係因為某客觀因素影響,但更多人窮係因為自己無去解決呢D客觀因素而以此作為借口.前者係可敬既,但唔等於佢用既方法無問題,但起碼唔會好似後者咁令人望之生厭.

- sorry,飯我就唔食啦,折現會好d.跟住你想去邊我幫你唔到.我女友長駐我屋企.同埋小心,你個頭像有人認咗頭,黃咗架啦,因住衙差拉你.

[ 本帖最後由 Jom 於 2008-3-1 02:03 編輯 ]

Jom

P仔:唔好妒忌,自己快D上,對於不明來歷既散裝蚱蜢,無論公乸我都係避之則吉既.而且我無福消受,受唔得起呀.但你食時食,帶定三寶-杜老師,平安鐘同殺他死至為之首要呀.

沙兄:算把吧,我都唔明,講咗幾版都話窮唔係罪過,但就唔好介意人點睇,自己努力向上咪得囉.但就唔明乜得咁多人都好似做八婆週刊出身咁,睇一兩句作幾頁紙.唉,我以為無讀過書文盲啫,點知有讀果班就重盲,文盲都算啦,心盲先大大鑊.咁大個人連性器官同人都分唔到.你話香港既教育制度真係幾咁成功呢.

Jom

咁有廢問題咪對返個廢答案囉,正常吖