公主

沙文

琴日，薏蘊公主帶班姊妹返屋企唱K，吩咐我斟茶招呼佢地。我奉茶之時，醒起心中一直有個疑問，曾經問薏蘊公主，但係基於某個或多個我唔知道嘅原因，佢唔答我，我就趁此機會請教下姊妹們嘞。

一個人無論唱歌唱得幾肉酸，一旦佢歸信移鼠大聖，都会被要求在敘會時唱詩贊美主。對於此現象，我認為惟一合理嘅解釋係，只要有心，就算唱得肉酸，神都唔會介意。

但係，如果係咁，到教会揀choir成員之時，應該係人拍心口都可以加入，例如，如果我話要加入都應該得嘅。但似乎事實又唔係咁喎，入得choir嘅人，歌喉大概都唔會太難听。究竟點解会咁樣嘅呢？

正當佢地思考緊点答我嘅時候，薏蘊公主竟然話：「妳地咪鬼睬佢啫。仲唔拎埋啲糕點出來？」咁，佢地就話：「hehehe，妳老公真係風趣嘅啫.........」下面再話我咩我就唔知嘞，而我呢個咁嚴肅嘅問題亦被再次擱置，收尾我又要做伴唱，冇機会再次提出，佢地亦都好似完全唔記得我咁樣問過。

熟悉景教音樂的阿婆版友，唔知可唔可以解俾我听呢？

沙文

冇理由嘅！您可以話：「既然你地話我唔可以用詩歌事奉，咁崇拜果陣亦冇理由俾我一齊唱嘅啫？上帝幾時有話過我唱得衰喎？」

沙文

移鼠大聖帶頭搞衛生，可見此事工何等重要。而我，甘心放棄重要事工而做冇咁緊要的唱歌仔音樂事工，都算偉大啦卦？您冇理由唔count me in啦卦？

沙文

原帖由 Jom 於 2008-2-3 21:36 發表


你去洗地啦,阿教牧話你洗地拿手呀...做耶徒要聽話,唔做得自把自為架

一早已論證咗唱詩係唔駛拿手咖嘛，事奉神係只要有心就得啦。教牧唔洗地要我洗，難道係佢冇心咩？

沙文

冇根據嘅嘢教牧係唔会亂講嘅。我常在崇拜時同其他會眾一起表演唱歌，但大家都唔知我洗地洗成點茄

沙文

有一次，參加一位教友嘅poolside party.發現姊妹嘅裝朿係咁嘅：


而弟兄則係咁嘅：


本來呢個現象好平常，但係一查經就發現，其實經文話原祖食咗果果後發覺自己剝光豬醜死鬼，並無透露上帝幫佢地整唔環保嘅mink來著，係有男裝女裝之不同：
3:21 耶和華神為亞當和他妻子用皮子作衣服、給他們穿。

咁樣理解，應該係男女暴露程度之標準係一樣嘅。
咁請問，教徒憑什麼認為弟兄去游水有權打出兩粒linn頭呢？

沙文

根據經文： Unto Adam also and to his wife did the LORD God make coats of skins, and clothed them.

coat係上身外套 -- 1 a: an outer garment worn on the upper body and varying in length and style according to fashion and use b: something resembling a coat
http://www.m-w.com/dictionary/coat

咁如果當時上帝係encouraged佢地著衫唔著褲，今日嘅弟兄姊妹就唔会咁樣游水啦，應該弟兄同姊妹都有bra但唔駛著褲。但点解而家係姊妹有bra有褲，弟兄則只有褲而打出兩粒linn頭咁奇嘅呢？

沙文

上帝幾時有話過女性既linn連帶兩整份乳房係性徵而男性嘅linn頭則唔係呢？

沙文

據稱，南韓景教徒多到就算死咗一半，景教仍是該國最多人信嘅教：
http://infoshare.icedsolo.com/NWO/others/o159.html

但係，南韓國旗係用我國道家徽號，八卦及太極：


點解佢地又肯制嘅呢？而家十字架好唔見得人咩？
點解八卦又出唔哂，只用乾、坤、坎、離4卦，唔出銳、震、巽、艮呢？

沙文

現在係時候改國旗啦，難道10架的榮耀蓋不過4卦？4比10都係吾中華上國贏？

如果8卦出齊，咪唔得了！怪不得4卦治天下

沙文

真係無人知道為何南韓國旗只有4卦？

此網無人！此網無人呀！

沙文

今日，陪公主去買餸。我地去到一間燒臘鋪，有好多燒鵝一隻隻咁掛响度，而我以敏銳的觀察力，發覺燒鵝係用鐵鉤掛住嘅。

當有人買燒鵝，檔主阿牛叔就會將燒鵝從鉤上拿下來，佢係唔會連鵝帶鉤賣俾人嘅。賣咗一隻燒鵝之後，個鉤就會用來掛另一隻燒鵝。

由此，我就諗起古羅馬刑場一個管理上極為不合理之處。

十字架，就好似掛燒鵝嘅鉤咁，係可以recycle嘅，釘完令狐史京，可以釘抽刀斷水，然後又可以釘得得B，冇理由每釘一個犯都整一個十字架俾佢專用。咁，何解佢地釘移鼠大聖時，要叫佢由衙門運個十字架去刑埸呢？如果係有咁嘅制度，即是話，上次釘完得得B之後，啲羅馬佬將十字架特登搬返去衙門，等下次要釘人時又叫佢搬去各各他，有冇啲咁戇居嘅兵咖？

沙文

小蓮同小蘊都係咁樣話我咖，阿B，您唔會又係愛上咗我吖嘛？

凡執法人員帶犯出街，有兩大顧忌：一‧驚佢突然發難逃走二‧驚有同黨接應將之劫走

所以，佢地一定會諗辦法限制犯人行動，唔係用囚車就係擔枷戴鎖。而叫佢自己抬十字架就不能用上述兩項，冒極大風險，為蹤橫歐、非二州的羅馬帝國所不取。

而釘死移鼠大聖，固非彼拉多所屑為者，當時只視之為街頭街尾多嘴仔一名，係啲猶太佬民憤難平，好似現今網友再三要求留言咁，眾人三叩首佢先致下釘殺令之嘛，根本不是什麽大事，在彼拉多向黨中央述職公文中亦冇提過此事。而要收震懾之果效，莫過於長期楝個十字架在各各他，民眾行過自銘記於心矣；故此，法場有十字架方為合理。至於經濟考慮之民生方面，若然羅馬佬果真愛民如子，猶太佬就唔會以七大恨告天，揭竿起義，佢地最concerned者不過第一有神拜、第二有飯食之嘛。黑金理論嘛，應該著眼於大茶飯才夠格，幾見有咁細眉細眼者？鬥木佬此等窮鬼，能有幾多油水，不如去聖殿擺個thomas cook換人民幣

沙文

唔緊要。上帝好似仲戇居過您。佢做嘅决策總是只有3種:
1.在錯誤的時機做正確的决定
2.在正確的時機做錯誤的决定
3.在錯誤的時機做錯誤的决定

沙文

有個少年人問移鼠大聖點樣得永生，移鼠大聖叫佢賣晒成副身家分俾窮人，結果佢唔制，掉頭就走。

其實，橫掂都係冇人肯咁戇居，點解唔提出一個更高嘅理想，令更多窮人受惠(或受惠之窮人數量不變但受惠量更多)
唔通以移鼠大聖嘅才智，咁都諗唔到？

--------------- 除了賣身家外，借埋錢去分給窮人

沙文

係唔會有，但係唔駛理有冇。移鼠大聖講呢句說話，根本唔係想講俾少年富户聽，而係講俾啲窮鬼聽。佢係明知冇人會咁戇居，佢係度撈取群眾基礎之嘛。
咁橫掂都係齋talk，不如煲大佢，顯得更為草根階層著想。

沙文

呢種情形係用「倒果為因分析法」。若然佢地唔係咁戇居，就唔會窮啦

沙文

嗱，小弱雞承認係離教者，即係佢嘅人生之中，係有「曾經信大秦景教」此污點、一段不光彩的過去啦。咁，我話佢戇居，冇話錯佢喎。
只要佢迷途而未遠，覺今是而昨非，回頭是岸，前途仍有一片光明。而佢之所以至今仍未脫困境，皆因大秦景教餘毒未清啫，係需要一段時間recover，呢種情形係正常嘅，無需過度憂慮。在XCA財神阿B的輔助下，終衰有日龍穿鳳，唔通日褲穿窿？

沙文

而家係您一個唔服啫，難以成「眾」喎。
而本網理念，除咗您之外，的確係個個都可以違反 -- 我又冇同您開過會，宣誓「我，沙文，捍衛本網理念。」而您，又冇話違反咗會點樣處置，咁，我違反咗，您都吹我唔脹喎？

而我之所以違反，係因為我有一個比本網理念更崇高嘅理念 -- 勸阻未入教者。
離教者雖已離教，但其從前入教的行為始終都係唔啱，這一點是不容否認亦無須逃避，是要面對的。指出其唔啱，乃是愛之深，責之切；唔通昧著良心話「您以前入教是一個很醒目的行動」才是支持離教者lu喎？
即係咁計，對於一個不再採花的採花賊，吾人仍然要指出其從前的採花行為是不對的，咁樣，對社會、對國家、對廣大人民、對祖宗、對皇天后土、對世道人心，才有積極意義，其他人因我咁樣話啲採花賊，如有意欲採花者，就自會三思矣。

所以，我有冇hurt小弱雞呢？有，我係為咗一個比本網的理念更崇高、更偉大的理念，忍痛而為之嘅！
點解我要咁做呢？為的就是要補本網理念之不足，唔客氣講，本網理念係先天性跛腳嘅，佢只能消極地等待人離教，若無人離教，則本網無事可為，而大秦景教依舊屹立不倒或苟延殘喘。
人離得教，多少都已有一點覺悟，您安慰佢、支持佢，都不過是錦上添花。比之高一等的層次，係勸人離教；再高一層次係勸人莫要入教。

我將目標定在此二者之內，我以我血薦軒轅。

沙文

Isa7:14        因此、主自己要給你們一個兆頭、必有童女懷孕生子、給他起名叫以馬內利。〔就是神與我們同在的意思〕

我唔明點解上帝要俾個咁難搞嘅兆頭。
個女人是否童女，憑肉眼係睇唔出，一定要用電筒配合endoscope驗清驗楚塊處女膜，才可斷定。
而且，呢樣嘢係好personal嘅，即使step.king驗咗，話俾我聽瑪利亞係處嘅，我都不一定信step.king，必需要由我親自驗先得。
若然話不准驗，我講，你就要信；都並非不可，但既然我咁信您，您又何必要給我們一個兆頭？您給唔給，我都係信咖啦。

您地話咁樣係咪5餅3魚呢？