沙文

原帖由 抽刀斷水 於 2007-3-6 18:44 發表
培養正確的思維模式
◎楊 釗
　
幾種「成功思維」方式：
　
一、PMA黃金思維
　
凡事往好的方面想，不向壞的方面想。同是身陷窘處，一個人看到的是周圍的沙漠，枯燥無味、度日如年；一個人卻看到美麗的藍天，感謝上天的恩賜，令他有機會靜下來看到大自然的美麗，珍惜獨處的時光，回味人生美麗的一面。
與人相處，多看對方優點、長處，少看對方缺點、短處，這樣才能長久相處，否則，很容易分開。所以，在管理學中的其中一項重要原則是「用人之道，但取其長，不計其短」。

師伯，有時呢啲即食麵式的思維，就唔好用在人生中每一方面。例如，買隻股票，點知第二天跌25%。

凡事往好的方面想，不向壞的方面想，實有趁低吸納，它會止跌回升的.........第三天，跌50%。凡事往好的方面想，不向壞的方面想，已跌了50%，計net assets都抵啦，實唔會再跌............

沙文

原帖由 Step.King 於 2007-3-7 21:24 發表


咁我知道第三天要講咩啦
第三天跌至10% 向好的方面想  感謝主 令我明白金錢不是我的一切
我蒸發了九成資產還是這樣平安喜樂 阿門!
然後就會學精 下次買股票時會買埋對沖 ...

股票唔係一定hedge到既契弟。如果得，咁您即係話有一個方法係可以保證買股票唔會輸錢啫，您諗下有冇？

沙文

原帖由 抽刀斷水 於 2007-3-12 08:05 發表
嗯，內容幾好喎，可以參考。

嘩, 人地話劉邦點好點叻，您唔可以亂咁認同喎，我會誤會您想殺功臣喎。

沙文

原帖由 Guest from 219.77.99.x 於 2007-3-12 17:02 發表
美國鋼鐵大王卡耐基更是聲稱：“你可以把我所有的廠房、資金、設備和市場統統拿去，隻要保留我的骨干人才，過四年，我又是一個鋼鐵大王。”

咁有冇人將卡耐基的所有廠房、資金、設備和市場統統拿去，隻要保留佢的骨干人才呀?

沙文

原帖由 抽刀斷水 於 2007-3-12 18:06 發表
「故良將無棄才，明主無棄士」這段寫得真好。每個人都有他的優點，假如不斷著眼於人的缺點而棄用，就不能善用人才。

多些欣賞別人，缺點亦是優點，視乎觀點與角度。 ...

寫得好都要寫得啱。魏延之反係三國演義情節，並無史據。

《三國志》：原延意不北降魏而南還者，但欲除殺儀等。平日諸將素不同，冀時論必當以代亮。本指如此。不便背叛。」
《資治通鑒・卷第七十二》：「始，延欲殺儀等，冀時論以己代諸葛輔政，故不北降魏而南還擊儀，實無反意也。」

沙文

以上三國志係卷四十 蜀書十 劉彭廖李劉魏楊傳第十, 漏左出處, sorry sorry
http://www.hkedcity.net/project/ ... tml?section_num=040

沙文

原帖由 抽刀斷水 於 2007-3-12 19:31 發表

我係話《貞觀政要》果段寫得好咋喎～
不過沙文兄既考證態度，真令小弟心悅誠服。

咁您話, 如果李世民發現有條友做皇帝好過佢, 又會唔會好欣賞佢既優點呢？俾個咩位佢好呢?

[ 本帖最後由 沙文 於 2007-3-12 21:17 編輯 ]

沙文

原帖由 抽刀斷水 於 2007-3-12 21:58 發表

李世民就唔知了，至少我就會啦。

咁,劉邦都幾欣賞項羽既

信謝，因問王曰：「今東鄉爭權天下，豈非項王邪？」漢王曰：「然。」曰：「大王自料勇悍仁彊孰與項王？」漢王默然良久，曰：「不如也。」

【史記‧淮陰侯列傳第三十二】

沙文

原帖由 Step.King 於 2007-3-13 02:09 發表


老大 咁明成祖都唔差丫  明代英名之主  可惜都開了重用宦官先例 送了明代基業
王振  汪直 劉僅 魏忠賢  等輩那個不是猧國殃民  說是道非 賊喊捉賊 殘害異已的無恥之輩??? ...

劉謹。我認為佢起碼好過正德皇。太監都唔一定衰既，都可以有寇連材。不過多數係衰既上位

沙文

原帖由 kc 於 2007-3-13 11:12 發表


那就不是「故良將無棄才，明主無棄士」了。

冇錯。有時皇帝都會拍屬下馬屁，佢呢句野，係有政治背景既，並唔單止係用T/F既原則，佢係錯，但係有「錯的作用」。

沙文

原帖由 vincenthychow 於 2007-3-13 17:07 發表
我又貼下文先

不過亦有d人..不得不妨....
一個鍾意搬弄是非...造謠生事既人..
不論佢有乜野本事...佢都只係識得將佢既本事用於破壞之上..


“ 亲 贤 臣 ， 远 小 人 ， 此 先 汉 所 以 兴 隆 也 ；

咁又不妨諗下，「先漢」的賢臣包括咩人。陳平算是君子嗎？佢出果條離間計整蠱范增，第日在九泉之下，大家問下孔夫子，是否「搬弄是非...造謠生事」？

創立先漢的劉邦自己，又算係君子定小人？

沙文

原帖由 抽刀斷水 於 2007-3-13 18:04 發表
睇電影「門徒」，我都學精左，甚麼小人、好人，通通都要「防」。

vincent 你放心好了，所有聲音我都會聽，我只是不會聽說是說非、中傷別人的說話而已。 ...

皇帝的冠冕, 兩旁有一塊玉垂在耳邊，叫做「充耳」。亦是成語「充耳不聞」的由來。意謂有讒言要用之塞住耳仔，充耳不聞。

師伯明白此理，距帝皇之業不遠矣！

沙文

原帖由 Step.King 於 2007-3-14 04:14 發表



老大所言甚是  看歷史絕不能單看表面三言兩語

想劉拜當年還不是找部下頂包  故弄玄虛  才可以在滎陽兵敗時檢回一命
於楚漢訂約之後 更乘項羽不備起兵襲之  這種笑裡臧刀之事
可說是古今小人的表表者!
惜今天道德 ...

所謂「親賢臣遠小人」，表面上，諸葛武侯係說教，凡係說教都要有咁神聖講到咁神聖，實則又要開基創業，又要賢，邊有啲咁既事嫁？自鳥生魚湯之後都冇得咁嫁啦。但細心留意下，諸葛武侯說教都幾隱晦，佢叫劉禪親賢臣遠小人，但冇叫劉禪自己賢埋一份喎。

但係佢冇劉邦咁厚面皮, 講唔出「臣要賢,皇帝自己要奸」。劉邦呢條友真係厚臉皮得來幾好玩，被下屬當面鬧佢「桀紂」都好得戚。佢有個同鄉叫周昌，性耿直，做御史大夫，一次找劉邦奏事，撞到佢攬住戚夫人依泣，周昌正欲退出，被劉邦捉住，騎在他頸上，問：「朕這個皇帝做得怎樣？」周昌話：「陛下係桀紂之主。」劉邦嘻嘻嘻咁放左佢。

【史記卷96張丞相列傳】
昌嘗燕時入奏事，高帝方擁戚姬，昌還走，高帝逐得，騎周昌項，問曰：「我何如主也？」昌仰曰：「陛下即桀紂之主也。」於是上笑之，然尤憚周昌。

所以, 皇帝自己賢唔賢, 其實真係冇所謂既, 美國佬都好明白, 總统咸濕係冇所謂既。唔好再鬧David, 淪落到同景教徒一般見識啦。

[ 本帖最後由 沙文 於 2007-3-14 13:18 編輯 ]