返回列表 回覆 發帖

分享 - 2008唐崇榮博士佈道大會

各位大佬好, 小弟是新人來的, 我叫阿基但我係反基, 送份見面禮給各位, 就係同各位分享剛剛星期日到紅館聽那個佈道會 - 耶穌是誰?

可惜小弟記性不好, 又沒有寫筆記, 只好記到多少就講多少.

佈道會開始之前, 大會播了一段唐"博士"以前演講的片段, 就係話上帝係萬物的設計者, 就例如蜜蜂, 有一個器官來清理D花粉, 否則就會透唔到氣, 另外又如蒼蠅, 它的起飛方法比任何人類的飛機都要先進.
他又說, 達爾文的進化論入面, 最後都承認係有"造物者".

佈道會一開始, 就係唱歌時間, 一時全部唱, 一時又左邊唱, 一時又右邊唱, 一時又男唱...女唱.. 重唱..企係度.. 坐係度...朗誦一次先唱...  真係控制到D人全情投入~

那些音樂, 老實說, 係好聽的, 帶唱人係真係識唱歌, 佢地真係有各方面的人材.

之後就開始講道, 以下係部份我記得的內容, 但未必100%準確, 其實佢講野都係"一輪咀", 都冇乜組織, 但氣氛控制得好, 有自信, 唔會令人眼訓.

1. 點解D戲院要錢就咁多人睇, 而講道唔駛錢就冇人聽? 因為D人鐘意聽假野, 而且D人認為唔駛錢等於冇價值, 所以唔聽.

2. 聖經係神既書,  而人寫既書係有缺憾的, 例如, 邊本經濟書最偉大? 就係馬克思寫既, 但係用實行這段理論既國家, 全部破產, 中國, 蘇聯..etc. 但邊個國家最發達, 就係英國, 因為英國係佢既大憲章中, 說明上帝才是權力最高的來源.

3. 四川地震中, 我地中國有個好總理, 但捐款的人卻不多, 因為中國係無神論國家, 缺乏愛心, 捐款大多都是基督教國家. 而上次南亞海嘯回教國家之間都冇幫忙, 也是靠基督教國家.

4. 佢將所有聖人和宗教既理論都一一比較, 發覺基督教才是最好, 而耶穌講的說話, 不可能出於人之口, 所以佢係神的兒子. 其他宗教, 又鼓吹暴力, 提倡聖戰, 上到天堂仲可以有好多美女相伴. 有D宗教, 沒有講到人死後既去向, 只係話涅槃, 甚麼也沒有. 基督教對於"人是甚麼", "我應該做甚麼", "死後會點"等等的問題都有一個答案.

至於耶穌那part, 我就冇留心, 因為都係老生常談, 聽過幾百次, 話佢點為世人死, 之後又復活~

(其他唔記得了)

最後, 佢叫信既人出去, 咁我就走人. 雖然佢之後有5分鐘答問時間, 但係無謂啦, 我既口材咁差, 廢事比佢串到一棟都冇, 佢又大聲, 又面皮厚...
返回列表
高級模式 | 發新話題
B Color Image Link Quote Code Smilies
換一個