其他

Jennifer

好好睇
其他人睇左未？入黎討論下劇情？

Jennifer

喂...遲d都得卦...話得有實比你嘅

Jennifer

嗱...劇情呀...

個故事係由漫畫改編，所以套戲都有d漫畫感 (例如天馬行空的槍戰，成架火車跌落山谷d
主角都唔死得之類)，仲有幾多笑位 (真係笑得出嘅笑位)。

故仔係環繞一個幾失敗的青年wesley，佢自細冇左老豆老母，同女友住紐約一個好殘嘅
neigborhood (隔離係火車路，朝朝早比火車嘈醒)，女友同佢嘅 best friend 兼同事鬼混，
佢明知都唔敢出聲，做份無聊account工，日日喺公司比肥婆上司插都唔敢駁咀，仲要靠
食藥減壓，總之灰到爆...一日wesley喺便利店遇上好索嘅angelina jolie (佢個角色叫"fox")
同一個想殺wesley嘅殺手"cross"，從此就踏上人生新旅程...

[ 本帖最後由 Jennifer 於 2008-7-5 15:16 編輯 ]

Jennifer

本人認為離教者必看！會有好多共鳴 (如果肯細心睇而又會消化下d劇情的話)
睇完就會明點解套戲嘅中譯會係《殺神特工》(英文原名"wanted")

[ 本帖最後由 Jennifer 於 2008-7-6 00:02 編輯 ]

Jennifer

咁仲想唔想我爆劇情??

Jennifer

因為我了解離教者的心lor
好...正經嘅...戲裡面有好多關於身份認同，信仰，信心等等的問題真係值得諗下架

Jennifer

應該咁講...就係因為我估到如果我send類此你post出黎條link嘅資料比教會中人會有乜
後果，所以我唔會嘗試喺教會裡面挑起咁「激」嘅討論。你可以話我冇膽，但係有d野
明知會搞到好煩就唔想"徙"時間啦...

Jennifer

團契已經冇返啦...主日崇拜仲會間唔中返下嘅 (一個月一次到啦)。

佢地「確信」我好忙 (工作+part time 進修) 同埋冇人關心我都ok架，所以團契
冇人搵過我lor  ...都唔係exactly冇人搵過我嘅，對上嗰次有個姊妹搵我 (三個禮拜前)，
問我借場打badminton (我住嘅地方有場借的...) lor

但係，最搞笑嘅係d傳道人竟然仲會問我有冇時間教主日學 & 一d培訓兒童嘅課程lor
(我以前有教開嘅) 我諗佢地都幾等人用下...

我諗間唔中show下face同埋幫手做下d唔等駛野，就可以fulfill到「經常聚會+熱心事奉」
呢個「基本條件」，咁就唔會有人成日煩住你問你點解唔番教會架啦...

[ 本帖最後由 Jennifer 於 2008-7-7 12:30 編輯 ]

Jennifer

(此post一次回Peter & 抽水...可以慳d時間 )

唔離教唔係因為「心軟」，而係因為「怕麻煩」，好似有d男人唔分手/唔離婚一樣，
因為要同太多人解釋太多野，而既然唔離教都冇人會關心我的所謂「屬靈光景」如何，
又可必高調地宣稱自己已離教，來忽然「撩起」教會中人對我的「關心」呢？

「如果你唔信就可以走架」...基督教本身的排他性同埋「信與不信」的二元對立，真係
好難令到唔信嘅人同佢地有溝通嘅餘地架...但係又唔怕話阻人做生意嘅，你睇「必瘦站」
咁衰都有大把人幫襯啦

趁有時間再講多少少...

其實如果我要教會嘅人「關心」下我，我大可以將我喺呢到講嘅野post喺團契website
或者email-to-all就可以，但係我諗，冇理由要你打正「離開」或者「反對」嘅旗號先至
有人理，反而你正正經經、四平八穩就「老奉」比人駛你做乜做物架？不過，話分兩頭，
呢個現象又係咪一般社會組織 (或社會本身) 的慣性行為模式呢？

[ 本帖最後由 Jennifer 於 2008-7-7 15:44 編輯 ]

Jennifer

有幾爛...講黎聽下

Jennifer

oh...你覺得唔好睇...真係sorry晒
不如下次你介紹番一套我覺得唔好睇嘅戲當無數啦?

Jennifer

多謝! 我試下搵番黎睇先
睇完如果覺得唔好睇可唔可以x番你轉頭......講笑咋!

Jennifer

喺我嘅教會唔駛花好多時間架咋...大家都「忙」丫嘛...邊有人check住你番左幾多崇拜？

Jennifer

喂...有人打黎先算啦

唔通人地要book場打波都唔理人咩...

[ 本帖最後由 Jennifer 於 2008-7-7 23:14 編輯 ]

Jennifer

hidden? 老老實實，我都唔知wor...不如你試下估下?

Jennifer

睬!! 我地團契冇晒單身 (而又ok) 嘅弟兄好耐啦...

Jennifer

你未死過呀...提倡喺教會搞婚外情
非單身個d，大部份做得我老豆lu...
唔係講笑，曾經有一個朋友 (佢係基督徒) 「勸籲」我去另一間「多d弟兄」嘅教會架...
不過當時我拒絕左，因為唔想只係為左「搵老公」而轉教會

話時話，喺我呢個年紀仲係單身嘅弟兄，我見過嘅，ok欠奉，「ok 騎呢」就大把wor...

[ 本帖最後由 Jennifer 於 2008-7-8 11:55 編輯 ]

Jennifer

唔止外形騎呢...思想都騎呢wor...

Jennifer

嗯...多謝你提出嘅可能性...撫心自問下先...

1. 懶於改變現狀...都岩，正如我所講，怕煩丫嘛。其實唔單止要同教會中人解釋，就算
    同自己未信主嘅父母/ 親人/ 朋友解釋自己對信仰睇法嘅改變都好難架 (仲難過傳福音 )   
    可能佢地會"tum"番我返教會都唔定，我諗，一日未到 "life & death situation" (如果
    有的話??) 我都未必會「的」起心肝做d野

2. 恐怕仍有些「老死」在離教後絕交...我的教會在家附近，雖則不會怕有人「尋仇」，
    但離教後如果喺街見到...可能都會有d唔自然卦...絕交我就唔怕嘅 (我又唔係冇其他非教會
    朋友 & 家人)，我只係有d唔想「親身經歷」其他離教者提及過，離開後的人情冷暖啫...
    不過我都明嘅...呢個世界邊有「再見亦是朋友」咁so...所以如果一日真係「撇」，都預
    左會「寒天飲凍水」架啦...

3. 仍對離教有些莫名的恐懼或罪疚感...問心，對信仰 (或者對神)，我冇所謂嘅罪疚感...
    對人，就點都會有d唔好意思...我唔想太張揚自己嘅決定，就係怕影響其他仍然相信
    的人，我不想任何人不開心或受困擾，既然他人選擇了留在信仰的甜夢，我又何必
    一定要佢地陪我一齊「扎醒」？

4. 循序漸進...對的，我正努力地悄悄離開，不帶走一片雲彩...祝我好運啦！

5. 或者等你未來男朋友／老公既慢慢誘導，咁會離教離得開心d...hohoho，你點知冇人
    誘導緊我呀

Jennifer

講個例子，有個n 咁耐前跟人返過團契一排嘅弟兄，近排無啦啦email我同埋另一個團契
嘅姊妹，話要教我地打tennis...佢乜都諗好晒，要買乜，搵個點嘅教練，幾時開始，幾時
練到咁上下可以join佢同埋其他人打 (佢email裡面有timeline架...認真到呢...)問題係我由
頭到尾都冇話過我要學tennis，如果佢為左要"friend"我嗰位姊妹 (我唔信佢嘅target係
我 )，都先打聽清楚個姊妹身邊邊個friend有興趣打先「扮」約埋一齊玩啦...

我覆佢都費事...而好似另外嗰位姊妹都冇reply過...