關於基督教所謂信d乜,可以參考自早期教會流傳至今的《使徒信經》:
我信上帝﹐全能的父﹐創造天地的主﹔
我信我主耶穌基督﹐上帝的獨生子﹔因聖靈感孕﹐由童貞女馬利亞所生﹐在本丟彼拉多
手下受難﹐被釘於十字架﹐受死﹐埋葬﹔降在陰間﹔第三天從死人中復活﹔升天﹐
坐在全能父上帝的右邊﹔將來必從那裏降臨﹐審判活人死人。
我信聖靈﹔
我信聖而公之教會﹔
我信聖徒相通﹔
我信罪得赦免﹔
我信身體復活﹔
我信永生。阿們。
至於點解要寫到明「我」信乜信物?因為早期教會太多「異端」,所以開左幾次大會黎
搞清楚信仰共識,同埋踢走d 唔「正統」嘅思想 (如有興趣可以上網打「教會歷史」
search 下開會傾左d乜),而呢d《信經》就係班大佬 "comp" 掂左之後嘅產物啦。
至於上帝於末世對信徒及傳道說:「我不認識你」是否可悲?有否想過可能反而會係
信徒及傳道於死後說:「原來我從未認識上帝」?我們今日所認識的上帝(信仰),大部份
是來自類似上述方法達成「共識」而得出的信經,甚至聖經 (知否今日流傳的聖經裡面的
66卷書由邊個決定擺落去?亦可以上網search 下「聖經正典」) 的內容。如果,當時的
爭論由「異端」勝出,今日的信經 / 聖經又會是何模樣?
同樣道理,所謂「真正神所承認的基督徒」亦然...「因信稱義」只係神學觀念;所謂
「口裡承認,心裡相信」並非出自耶穌之口 (雖然佢有講過類似「我是道路、真理、生命」
; 「我是活水」等等的說話) ,而是出於保羅書信。(題外話:好奇怪,同耶穌相處過
的使徒,反而冇保羅呢個未真正「見」過耶穌嘅使徒寫咁多解釋神學觀念嘅教會書信?)
神學觀念會唔會有錯 / 有偏差?我唔敢肯定...神所「承認」的基督徒特質是否像刻在石版
上的「金科玉律」,我們又能否100% 確定?
係,愛一個人係會由行為表現出來...不過你又有冇試過愛得太深而甘願扭曲自己迎合對方,
最終失去自我?愛得太深會痛...點解離教者大都對基教「憤憤不平」,或者就係因為愛過,
痛過...最後只遺恨... |