Jom

我就比較喜歡這首,林生的手筆可是不賴的.

光天化日

我對著青空許願　找一個寬廣平原
不需要磚　不須要穿　跟你　幸福戀愛

赤腳踏過青草地　烈日憑甚麼好奇
風箏要飛　相戀至死　天公都造美

＊含著笑　我宣佈　共你高貴地擁抱
　除下最漂亮錦袍　至少比蚯蚓驕傲
　由我宣佈　共你於赤道起舞
　誰若有十字架　請找愛比武的　去殉道＊

愛裡找不到恐懼　只恐找不到愛侶
相戀有福　幸運無罪　應高呼萬歲

REPEAT＊

我很好　就算因快樂嘔吐
誰若有十字架　請找缺少愛的　去衰悼

Jom

.....我又唔係咁喎,水哥.....

原帖由 抽刀斷水 於 2008-9-2 20:23 發表

我認為這首是訴說一軛之苦（許志安【非基】VS 鄭秀文【基基】）

苦中作樂
作曲：陳輝陽＠好好笑
填詞：林夕
編曲：陳輝陽＠好好笑
監製：陳輝陽＠好好笑

某次　某晚　生命中某人  <曾經有個人
臨分手也狠　說世界誰比我親　　←　一軛論的基督徒，常說耶穌比愛侶更愛他 <分手既時候,都重話我知呢個世界無人好似我同佢咁親
我信那兩秒的我　曾經是最開心的人 <諗反轉頭,果一剎我真係覺得我係呢個世界上最幸福既人
幸福純屬偶然　誰介意沒永生　←　非基一方並不相信在天堂得享永生的幸福 <同佢係埋一齊既時候我覺得好開心,雖然最後都唔可以開花結果

＊還記得幸福的感覺　苦中可作樂　已堪稱快樂 <曾經有過幸福既回憶,係分開既時候,果份感覺依然令我可以苦中作樂
　誰為寂寞戀愛　將來也許更寂寞 <無必要要為而家既寂寞而再去投入一段新既關係,因為咁只會令自己更寂寞
　能記得受苦的知覺　苦中總有樂　還祈求甚麼  <係唔開心既日子裡面,總會有其他既快樂事情,我重求乜吖?
　若永久一起無方　我也懂得難過  <唔可以再係埋一齊,當然係好難過
　已證明　曾發生的不算幻覺＊ <但最少亦證明到,雙方都為呢段關係付出過

你說每次見到我　良心便再得到試煉　←　愛與不愛的交戰，對受一軛論支配的基督徒來說，的確是試煉 <因為你知道要同我分手,所所你話每次見到我,都覺得良心受到責備
熱戀容或偶然　朋友永遠發展　←　一軛論只適用於愛情，但卻對友誼無影響？<但算啦,做唔成情人,都可以做朋友啫
Repeat＊

你能對我講　曾真心喜歡著我  <最後你都鼓起勇氣話我知,曾經真心咁鍾意過我
亦已真心不喜歡我　還求甚麼  <但亦發理而家無咗果份鍾意我既感覺,已經係一個最清楚既交待,重想點吖?
Repeat＊

一軛論：《林後》6:14「你們和不信的原不相配，不要同負一軛」，引申為不准許或不鼓勵信徒與非信徒拍拖及結婚，假如出現這情況，會因為彼此理念不同而最終導致慘淡收場。
- 呢首歌我反而覺得係有個人用最阿Q既態度去面對一關係既結束多過講一軛. 而耶會既一軛,已經俾班耶徒變咗另一樣野 - 一個冠冕堂皇既分手借口....

Jom

黃耀明唱,林夕詞,但唔記得邊個作/編

Jom

....苦中作樂呢隻歌係2003暑假派台,而鄭秀文係2007年底歸耶既,據佢個見證,佢個見證就話用咗三年幾時間去中阿老耶既招.就時間上好似有成年既空白期喎.咁早就講一軛...anyway,我同你都無匿係佢兩個床下底,無得judge.

但就詞面上黎講,無錯的而且確有出現過一d既耶教常用既字眼,但以寫詞而言,尤其是廣東歌,好多時都因為就音而乜詞都用,甚至有時因為段melody太難就,幾乎連詞性都唔理,成首歌用大量既借代黎寫.

至於果句"臨分手也狠,說世界誰比我親."我估個意思會係:
其實對方都經己要分手啦,但都重要講出"這世界誰比我親";即係無論我有幾重要,都要同我分手,咁真係幾狠,亦唔會再有商量既餘地.
呢句對應返最後果段既"你能對我講 曾真心喜歡著我 亦已真心不喜歡我 還求甚麼",亦道出咗點解會咁親都要分手,就係因無咗鍾意果種感覺.去到咁既地步,就算點求都無用.而且感情上一講到做衰人個個都係可免則免,但對方都咁手起刀落,除咗說明咗佢真係唔再鍾意自己,亦講明咗對方唔想再拖住自己.

但眼見既耶徒,一去到一軛前面,有幾多個唔係拖得就拖架.

Jom

咦,咁就奇嘞....我睇佢個見證就話係2007年12 月決志,話之前用咗大約三年多既時間去認識呢阿老耶....竉物呢隻歌係出自一套唔q記得乜名既電視劇,講既野應該唔係老耶喎.

林夕實在係一位不凡既填詞人,但比起黃老霑同林振強我始終有種珠玉在前既感覺.誠如以前sit-in過黃霑既堂,佢亦開宗明義咁講過:"用廣東話填詞既時候,九韻已經係一個問題,但加埋平仄就更加攞人命,所以好多時都出現詞性合適但聲唔啱情況,係呢個時候借代就成為咗最多詞人選擇既解決辦法."呢個係廣東話既先天不足,唔係話阿林生手野唔得,當然亦有另一個效果,就係填得好既,好容易就會俾人記得.無論幾神,佢總唔可以將原本"平音"既變咗"升聲"嘛.