返回列表 回覆 發帖

呻兩句...

是日怒髮衝冠但依然平易近人,上壓下頂前舂後插加左右開弓既情況下,廿五年教化廿五年
生聚而練成既辦工室金剛不壞之身幾乎爆煲,好彩公司無用摺櫈,唔係我真係會即時返埋位一手一張摺櫈咁將conference room入面會呼吸既一草一木一兵一卒一鑊熟.


Anyway,更好彩既係女串老婆嫩,抽多口涼氣就知道,我重頂得住!!重有貨!!!




我天生記性唔好,但記仇一流;今日呢單野你班友同我苦口婆心玩金枝慾孽,咁黎緊既日子我
亦可以放開懷抱同你地寰宇風情.

返工既時候我就只會對錢有興趣,但如果你班友俾賺既錢唔夠就安樂囉.今日你玩我唔死就得嘞,總之我擔保他朝君體確不同!
做好男人,是讓身邊所有人開心
做賤男人,只是不想自己太傷心
我嘅外型會令你失望架...唔好煩到少奶lor...個飯盒錢你攞去斬料加餸好過啦...
所以你一講話係鳩躉學府我就聞到陣陣既政治味道啦,果班咁既老校全部都係係個象牙塔瞓咗幾十年先俾人叫出做看更,你叫佢孭鑊就等如叫班讀咗幾十年屎片人去洗屎片,你估佢會唔會拿屎上身吖?

btw,阿花姑...我實在好鍾意你呢句"阻x住晒"...如果你既外型係入於嬌小溫婉型既,我個人願意以一個飯盒既代價誠邀你親口爆呢句粗,再幫你拍埋video send返條link去俾果班無聊人,最多我叫阿少奶幫你化粧又點話XDDDD
做好男人,是讓身邊所有人開心
做賤男人,只是不想自己太傷心
最弊係明明單野係要做,仲有d無聊人阻x住晒,要你自己justify點解自己要做呢壇野,
仲要由班無聊人決定你justify得自己夠唔夠...政治到爆炸...
13# Jennifer

如果係鳩躉學府既就唔駛問乜都要政治正確架啦...咁所謂既政治正確,唔單止係就某事件某政策,而係要就每一件事都要資詢過有關當局,再加上強列既自我審查意識先算得上係合格既管理層吖嘛;

就算係話得事,上面一路無開到綠燈而自己又想做咯,咪開個topic等你地自己死掂佢囉,死得掂上頭又唔詐型既,咪衝出黎話係自己既建議囉;死唔掂既,咪話係你地自把自為將件事搞喎咗囉,到時拉你地出黎鬧吓又好,處分吓又好,自己又可以過到骨,又話到俾人聽有做野,如果件事係對外公開既,就更加可以二三四將隻鑊推晒去你地度,確保咗間鳩躉學府既名聲,嘩...一石三鳥,死得重於泰山呀XD
做好男人,是讓身邊所有人開心
做賤男人,只是不想自己太傷心
Jom 兄...我地呢度係高等學府黎架...老校們話得事就係話得事架啦...係佢地唔肯"咩"飛啫...最好乜q都唔好做丫笨...
>花姑 就算係老校,佢樓上又有董事局,董事局對上,又有班官同班出錢既人,咁你話佢有幾話得到事嘞?佢既權,咪又係執行政策之嘛,如果途中有變又或者處理一尐未侑明確指引既方案既時候,咪又係一隻飛唔起既雀仔....

>實 咁又係呀,我睇人牛鬼蛇神,人睇我都會係三尖八角既啫.本來人不犯我,咁既然你煮到上我頭殼頂既,你班友到時都無位出聲話我好拆你堂架啦.出一份糧,三分一就因為受氣食死貓被篤被插,係要你唔癮至有出糧俾你黎做保償既啫.
正如你話事解,出面風大雨大唔緊要,但返到屋企見到人畜都平平安安齊齊整整有粥食粥有飯食飯.其實都值回票價架啦...
做好男人,是讓身邊所有人開心
做賤男人,只是不想自己太傷心
而家唔好話返工啦, 做人都唔易, 你話啦, 教會滿口仁義道德咪又殺人於無形囉, 只係返工時對住好多牛鬼蛇神同好多唔似人唔似鬼既物體, 攪到人都癲

最重要係你有對你好既屋企人, 返去錫錫抱抱又充過電再殺過, 果d 街外人(包括什麼教友), 都係過眼雲煙

做人又真係咁, 總係有糖有屎, 但我唔信一世都行衰運

互勉啦~~~~~~
金句一: 禱告變咀咒; 聖經變神經
金句二: 基督徙講就仁義道德, 做就傷風敗德
金句三: May God Fuxk u
我講嗰d老細唔係我dept head 呀...聽講呢班友應該係話得事個wor...個 title 有個
"副"+"校"字嗰dlevel黎個wor...但係點解佢地d行徑同你describe 嗰d差唔多嘅?
8# Jennifer

阿花姑我諗你老細有可能唔係真係老細,或者係department head掛.通常呢類老細一般都係咁架啦...要管人但又要同人交待,有錢過手既又唔夠多,有權到手既又唔夠實.你叫佢孭鑊咪即係叫佢攞個頭出黎玩人頭樁囉,但無人孭鑊又一樣要死,諗到無野好諗,咪野就俾你做,情況係點又唔講,落唔落實又叫你問個客或者其他部門,叫佢做決定就一定要問過第個人先,人地話得先得,至於邊個人地,其實都係搵個人孭飛之嘛,唔係上司就係下屬架啦,唔通自己咩.呢尐咪係management囉.

唔好咁谷氣,而家香港都無乜工唔難打架啦;間間公司都想行暴利政策,你幫公司賺既錢/慳既錢多唔過個股市樓市升幅既話,出年就小心啦..政府工就好少少咁啦,但十功唔抵一過,都有佢既難為處架.炒樓炒股啦,只有炒先係王道,再唔係既就搵人嫁咗佢攞綜援.

返工又無尊嚴,攞綜援又無尊嚴,但前者捱到死,後者呢?
做好男人,是讓身邊所有人開心
做賤男人,只是不想自己太傷心
本帖最後由 Jennifer 於 2009/6/8 14:34 編輯

Jom兄應該唔會介意我又搭嗲呻兩句...

份工真係越黎越難做...d 高層又要你同佢賣命,自己又唔肯"咩"飛...成年前接左手一個
新program,都就黎要開,又呢樣嗰樣話驚H1N1,但係自己又唔做決定,要你地班友仔
自己「撐」自己點解要繼續,仲要寫埋份proposal比佢地睇...咁即係點先?如果你地唔敢去馬,一句咪得lor,如果係要做,又為乜要我地掉低手頭所有野黎應酬你要嗰份proposal? 家下係咪玩野先...
6# 訪客得得b

未同你好番,依然記銀住你XD...

今日返到黎,見到一個二個當日有份開會既人呀鬼呀,紛紛走黎補飛,似乎佢地當日真係嚮完全迷失情況下,唔記得咗我既成名絕技-記仇.亦好明顯係唔駛孭鑊既情況下醒返,理解到佢地經已為自己既事業上又埋多個伏兵.概然佢地都咁有誠意黎補飛,咁我都打算一如慣例,祈求上蒼有好生之德,等我可以一刀一個就將佢地逐一煮熟,唔好要我同佢地纏鬥.

突然想起一首詩:
沒有七年之病 不用三年之艾
雲無心以出岫亦為詩 詩若無心花月亦不苦
睏欲眠時晝亦眠 醒欲起時夜亦起
若無登九品蓮台之慾 亦無墜八萬地獄之罪
若盡情活到當活之日 死亡不過是退隱而已
- 一夢庵醜男齋 -

過程係唔重要既,重要既係結果^^做得到呢幾句果一日,都應該會係我離開呢個修羅場既時候.正...
做好男人,是讓身邊所有人開心
做賤男人,只是不想自己太傷心
各位老闆有心,細佬雖然好滾,但亦未至於咁迷失心性同錢作對.本來我個位就係三剎位,俾人圍經已係家常便飯;只係俾幾班人黎圍係個客同廠面前當場圍剿,而且有尐野重係無經過我手的話,以我個人而言實在係未練到呢頭激到彈 ...
Jom 發表於 2009/6/7 21:33


大杯酒 大塊肉 冲左落去算數吧啦
各位老闆有心,細佬雖然好滾,但亦未至於咁迷失心性同錢作對.本來我個位就係三剎位,俾人圍經已係家常便飯;只係俾幾班人黎圍係個客同廠面前當場圍剿,而且有尐野重係無經過我手的話,以我個人而言實在係未練到呢頭激到彈起,果頭係落地前就暑氣全消咁至有黎呻兩句啫...

都好彩頂頭大佬雖然算醒目,無好似平時咁豬即時出聲,唔駛我係萬箭穿心既同時重要再保多個.但事後都算係做咗野,俾番少少係佢個位要做既風範出黎.

我當然會沉得住氣,但都多謝幾位有心.我唔死得就得架啦xd
做好男人,是讓身邊所有人開心
做賤男人,只是不想自己太傷心
1# Jom
君子報仇,十年未晚。沉得住氣,才是大師傅!
支持鼓勵每位離教者 › 閹割神父 刻不容緩 ‹
1# Jom
智取勿力敵,盼 jom 哥謹記謹記! 最多就嚟爆煲時拿某神棍出一出氣,舒緩舒緩,令其有存在之價值也!
有沒有宗教,好人都會做好事, 壞人都會做壞事。但要好人做壞事, 那需要宗教。-- 史蒂文·溫伯格(Steven Weinberg)
咁磬咁火爆的JOM,都係第一次見。
我路過既乍.....
我有一個夢。
離教者之家能夠成為一個讓基督徒認識愛和學習愛的群體,大家言歸於好,主內主外一家,四海皆兄弟。
一切爭戰和怨恨,都是浪費氣力的無聊動作。
大家省回這些寶貴的力氣,便可以為世界作出更美好的建設。

親愛的朋友,有心聲無處傾訴?
主夫人願意成為您的聆聽者。
返回列表
高級模式 | 發新話題
B Color Image Link Quote Code Smilies
換一個