返回列表 回覆 發帖

[新奇發現] 驚世準確大預言

預言日本地震核災 運程書被狂搜刮
李丞責忽然走紅中環

2011年03月28日


中環友最近嘅熱門話題,離唔開日本大地震同核危機,但家陣喺中環最紅嘅人唔係菅直人,而係丞丞大師李丞責!

上個禮拜,有個「賓架」朋友 forward咗一封電郵畀華華,話日本大地震之後,有人心血來潮揭返李丞責舊年推出一書兩冊嘅《 2011兔氣揚眉》同《兔年行運秘笈》睇,發現丞丞大師喺《 2011兔氣揚眉》裏面準確預言日本今年嘅危機。

李居明都有講日本地震

雖然之前玄學家李居明嘅《兔年運程》都有句預言,話日本兔年有 8級大地震,但李丞責就連地震導致核危機都預測埋!

有冇咁準?有憑有據 o架,書入面有個 chapter叫「 2011年世界大預言」,當中提到「大爆炸」,話喺今年大約年中左右,全世界要面對一個重大嘅衝擊,「它活像一個巨型大炸彈在爆炸,入骨入肉的切膚之痛,將展露在世人的眼前。」

雖然喺時間上有啲偏差,未到年中就出事,但對災難嘅預測就好準,「一股神秘的病毒或另類細菌,將會在東半球出現,而且情況陷於失控。它存在於任何一個角落,人們只感受得到,但肉眼是看不見的。」如果舊年睇呢本運程書,可能唔知講乜,但家陣就好理解,令情況陷於失控、肉眼睇唔到嘅原來係核輻射。

最 impossible嘅係,本書直指出事嘅係日本。當講到各地區今年運程時,開首就話,「今年世界有一個麻煩特點,就是某一個曾經人口熙來攘往的地方,將會遇上突發性的麻煩,在短時間內,人口大量遇險或躲藏起來。」喺提到日本時,話「整體而言,日本的運程是勉勉強強的好,但要小心地底下、海水中、或因地震而洩漏出黑黑黃黃的氣體或液體,所以要特別留意藏在地下的設施是否安全。」

據聞李丞責呢本運程書喺中環已經缺貨,中環友仲喺電郵呼籲,如果見到邊度有得賣,唔該通知聲。

為港股把脈 兔年先低後高

丞丞大師李丞責突然以一個「大爆炸」預言紅遍中環,相信中環友同華華一樣,除咗關心佢嘅預言仲有幾多會實現之外,最重要梗係想知佢點睇今年個股市啦!

華華翻查資料,發覺丞丞大師喺 2月初時,已經對兔年股市做咗個預測,大家真係要一齊溫故知新吓。大師話,所謂「狡兔三窟」,呢個兔年最忌進攻,最重要係搵出路;加上兔仔耳長聽覺勁反應快,大師估計,股市會好似兔仔咁跳吓跳吓,即係會因為消息而波動,而且上半年會繼續牛皮,走勢先低後高,最好嘅投資時間係 7至 9月,年底個市先會比較穩定。

大師仲話,今年係南北韓衝突最劇烈嘅一年,最好買黃金。樓市方面,佢估計一般住宅樓價升勢會放慢,豪宅都會轉淡,但估計要到 2014年或者 2015年先見底。

http://hk.apple.nextmedia.com/template/apple/art_main.php?iss_id=20110328&sec_id=15307&subsec_id=15320&art_id=15113505&cat_id=6271925&coln_id=6339612
支持鼓勵每位離教者 › 閹割神父 刻不容緩 ‹
回復 4# 64891687


    其實所謂「假先知」係咪即係發放失實既預言但同時又話自己估得好準果隻?
邊個當啟示錄係預言書咁鬼蠢架?
支持鼓勵每位離教者 › 閹割神父 刻不容緩 ‹
幾時先中返次?仲難中過六合彩!

http://goldbugbug.tripod.com/setter.htm
支持鼓勵每位離教者 › 閹割神父 刻不容緩 ‹
返回列表
高級模式 | 發新話題
B Color Image Link Quote Code Smilies
換一個