離教者之家 討論區 | 離教百科 | 離教視頻 | 手機版 | Facebook 專頁 | 聯絡電郵 | RSS 訂閱
 
手機檢視本頁 | 简体中文 | 字體縮小 字體還原 字體放大 |

離教者見證

※ 撰寫你的離教見證 ※

主題: 我既離教見證 日期: 2007-03-22
作者: sum910 來源: 本網見證

其實內心掙扎左好耐,因為係度諗點寫,諗下諗下就無左件事。今日下定決心同勇氣寫出我既離教見證。

當時我大概係6年級,岩岩搬左屋,果時功課唔好,加上阿媽要返工,佢就幫我周圍搵托兒補習社,咁岩附近有一間基督教既補習社,順理成章地,我就去左呢間補習社,開始進入成基的第一階段。

六年級的我是個很暴燥的人,,因為那時仲未識得面對憤怒,總之人地激嬲我,我黎手就搵野車佢地--當然,只係作狀式。但係咁,就比到人一種「呢個細佬動不動就打人,真係無家教」呢種感覺。

隨著我升中學,補習社既老師見我就黎走,就同我講:「其實禮拜六我地有團契。」就邀請我返團契。開頭我都唔返,因為覺得無野玩,但係我細佬返左落去話覺得好玩喎,咁阿媽就叫我落去玩啦。

佢地當初都仲係一個大團,我返左一兩次,佢地眼見有一班年紀比較大(即係升左中學果班)決定將我地分開,成立另外一個團。果時我地興高采烈係到諗叫咩名好,結果諗左一個出黎,係一個叫基督教入面叫信心之父既人名。

呢個團成立之後,全盛時期有三十個人出席,到後期走既走,試過有一次得我一個返團契。果時仲日日祈禱,希望神帶佢地返黎,當然我係同空氣講野啦,最後都無實現到。

其後果班所謂導師見時機成熟,就叫我返佈道會啦。係佈道會我作出左一個愚蠢既決定:決志信主。果一刻覺得自己比聖靈充滿左。

呢十年,我做過團長、詩班,我當時更有衝動想洗禮,但過唔到老父果一關。直到開始出黎做野,呢一段係我最傷痛既一段,希望大家包容我既激動。

我曾經係郵局做過,因一時貪念,比一個中學呃左出去做傳銷。係傳銷會度,我都見到佢地有基督徒。我係果到見到人性最陰暗既一面,最難堪係我想搵佢地幫我,佢地竟然一口拒絕。果時無知,覺得搞錯呀,咁都唔幫我(依家睇返都覺得自己好傻,明知比人呃,幫你都傻既),但原來我已經泥足深陷,果時係財務借左錢,大家當然知道傳銷唔係好野,但係我蠢到叫我父母幫我,我係人唔係呀?!當我知道我媽同老父每晚等我歸來,一路等、一路喊,老父更因為我擔心到身體出現問題,最後我決定離開。

當時我參加左教會所舉行的足球隊,仲自告奮勇的當上隊長。其後發生左一件令我極之痛恨基督徒的事。我先前已說我是個暴燥的人,球場上出聲提搶係好平常的事,但領隊說鬧隊友,跟住罰我坐三粒鐘波監,我為左顧全大局,強忍住了怒氣。那個所謂基督徒領隊,自己是打龍門的。當我教緊另外一個龍門出迎既時候要舉高腳,保護自己,防止敵人撞埋黎。點知佢話唔洗舉啦,驚整親對面喎。我又話,唔通人地撞埋黎,你比佢撞啦喎?佢又話對面係基督徒,唔會咁狼既。我火都黎埋:「你無野呀話?我見基督教既所謂聯賽,落鏟鏟後腳乜都出齊,你夠膽死同講唔會咁狼?」佢一時語塞,講唔到野。

我係球隊當中係做聯絡人,下下好似要我求人黎踢波。其實每個人心入面都有自己既一隊波,根本各懷鬼胎。

自此之後,我無再返教會,我亦都拒絕晒同該教會所有人士既電話。即使見到面,都唔會點打招呼。如果唔係咁,我唔能夠忘記佢地帶比我既傷害。

「人人皆可選擇其道,而活其義」係我係醫院一間物理治療室看到的一句說話,激發了我離教的決心!

星期日以後係我自己的!

各位離教者,Hold My Own!堅持到底!


連結本網 離教者之家 2004-2016