離教者之家 討論區 | 離教百科 | 離教視頻 | 手機版 | Facebook 專頁 | 聯絡電郵 | RSS 訂閱
 
手機檢視本頁 | 简体中文 | 字體縮小 字體還原 字體放大 |

離教者見證

※ 撰寫你的離教見證 ※

主題: 都成十年前了 日期: 2013-12-21
作者: 3cheng 來源: 三屋基版

當時我天天在這裡和「反基」們開火,當然,我覺得我o岩哂啦。聽到反基們的理論,我覺得好難聽,好慶!

久別再臨,估唔到今日連我都會變左唔信。有個識左二十幾年的「弟兄」叫我回轉,我話我「回轉」左了。而家先係有「真自由」。


其實一直都好多懷疑的,但教會黎講,懷疑 = 小信 = 你靈性唔好,唔明 = 你唔熟聖經 = 靈修唔夠。無人夠膽講,探討呢d野的。所以咁多年來知道有問題,但都用教會個d萬能 key 術語去麻木自已。

但多了解大自然、科學,讓我知道呢個世界唔一定係由神創作的,我才慢慢開放自己,去思考關於無神、無耶和華呢樣野,咁你細心去想,基督教個種薄弱就好快不攻自破了。


好多時,所謂神,只係人創造出黎使自己好過一點,

你受苦時,就會想神有安排;

你落難時,神要鍛煉我;

你開心時,神比恩典我;

其實係將個處境 key 落神的安排。係唔係真,無人會知。

聖經的不合理處?唔好理啦。聖經不是解答問題的百科全書。(我就係比呢個觀點害的)


連結本網 離教者之家 2004-2016