離教者之家 討論區 | 離教百科 | 離教視頻 | 手機版 | Facebook 專頁 | 聯絡電郵 | RSS 訂閱
 
手機檢視本頁 | 简体中文 | 字體縮小 字體還原 字體放大 |

離教者見證

※ 撰寫你的離教見證 ※

主題: 教徒太假 日期: 2006-05-31
作者: 教主 來源: 本網見證

我信過基督教十多年,用了數年時間才漸漸完全脫離教會,十多年要放棄談何容易,我的最青春時間都在教會中渡過。

初返教會以為D人好好,有好多同齡教友,以為好開心,我當時也太天真將自己性情表現無遺,可能自己性格比較討厭,同佢地混唔入,但佢地無排斥我(表面上),同佢地都有一齊活動。

同佢地一齊慢慢覺得自卑,覺得自己好差佢地好好咁。但現在睇番佢地發覺其實佢地好假。佢地表面上接納我,其實係扮出黎,有D咩教會以外的私人活動係完全唔會預我,如果係真正的朋友,覺得我有問題時,係咪應該指出黎?咁等我知道自己有咩問題可以改善、可以進步,我用真性情對佢地,但佢地就用表面接納我暗地當我死,結果我係嗰幾年越返教會就越自卑、唔開心及無進步。

做人一定要進步,返十多年教會期間我發覺自己知識無咩進步過,做人處事等都進步唔大、識野少。無他,所有朋友都係唔會對你講真心話的教徒,每星期六日又係教會度聽佢地講廢話,根本無其他時間接觸其他朋友,個人又點會有進步?

無返教會呢幾年係我人生中進步最快的時間,由過去做基督徒時的自卑唔開心、人際關係差……總之無樣好,變到今日無論在事業、處事、人際關係、愛情、知識、信心上都有很大進步!奇怪嗎?連我自己都覺得怪,咁重返教會黎做咩?不如好好努力面對人生吧~


連結本網 離教者之家 2004-2016