逃出魔幻紀
2020/2/16 16:38 
請問網主,我在bigmonster貼樓的某些回帖是否被你刪除了?若屬實,請告知原因。謝謝
抽刀斷水
2020/2/16 21:54 
沒有刪除,翻查記錄亦沒有其他管理員或版主有所動作。
逃出魔幻紀
2020/2/16 22:21 
回覆 2# 抽刀斷水

是嗎?可能是我糊塗記錯了,近來跟別人「打架」打得有點頭昏腦脹,搞錯了,sorry,謝謝。
抽刀斷水
2020/2/16 22:24 
沒關係,有事請揚聲,可能是系統出錯,或者伺服器限額爆滿,如果情況持續就要好好研究。
逃出魔幻紀
2020/2/17 13:07 
本帖最後由 逃出魔幻紀 於 2020/2/17 23:15 編輯
沒關係,有事請揚聲,可能是系統出錯,或者伺服器限額爆滿,如果情況持續就要好好研究。 ...
抽刀斷水 發表於 2020/2/16 22:24

多謝抽刀先生,但我真是覺得被刪除了一些回帖,說不定我患了《我媽在鬧事》中主角所患的精神病(説笑)。你曾對我說過:「 不用道歉,希望你享受在本網的時光」,所以,我還是相信你是斯文公正的班主任,而且關心同學,一向按校規公平處理班務。我是擔心代班主任、其他科任老師、教導主任或班長等對班務有權限者不依校規處理我的回帖。其實你不只是班主任,還是校長,學校是你的私人地方,你可以任意更改校規,或取消所有校規,以任何方式包括胡亂方式管理學校,外人無權置喙。但是如果有公開的校規,就應依規公平處理班務,否則便是吹黑哨。
說老實話,我很享受在你這間學校裏學習,校中從上至校長你下至衆信仰立場迥異的網友,都是我的導師,所有討論內容都是極好的學習材料,包括這次我懷疑被教導主任或科任老師刪除回帖的黑哨事件(可能是我多疑 請原諒),都令我的屬靈智慧有所提昇,屬靈的獲益必然導致我的行為去惡向善的調整。因此,若你日後因更改校規或出售學校等等原因而革除我的學籍,相信我還是會以夜校旁聽生或網上遙距學習形式繼續在貴校吸收知識的。謝謝校長!
抽刀斷水
2020/2/17 23:45 
希望大家都珍惜這片暢所欲言的小天地。
beebeechan
2020/2/17 23:49 
版主應不會刪帖, 以我多年在此頂佢個心, 頂佢個肺, 佢都無刪一帖。
beebeechan
2020/2/17 23:57 
本帖最後由 beebeechan 於 2020/2/18 00:00 編輯
多謝抽刀先生,但我真是覺得被刪除了一些回帖,
逃出魔幻紀 發表於 2020/2/17 13:07


你是發過甚麼帖然後不見了呢?
以我這版躉, 長期滯留既永久居民身份既記憶, 
睇下有無咁既事

我就唔覺你有講過呢乜野, 然後唔見咗
抽刀斷水
2020/2/18 00:40 
版主應不會刪帖, 以我多年在此頂佢個心, 頂佢個肺, 佢都無刪一帖。 ...
beebeechan 發表於 2020/2/17 23:49



    有次你貼露點相,我就隱藏咗嗰個帖囉。
beebeechan
2020/2/18 06:54 
有次你貼露點相,我就隱藏咗嗰個帖囉。
抽刀斷水 發表於 2020/2/18 00:40


下次唔露點, 露械囉
抽刀斷水
2020/2/18 07:48 
下次唔露點, 露械囉
beebeechan 2020/2/18 06:54 提交


    一早知道你咁變態架啦,做乜唔貼上咸網,而要要搞我哋尐良家好網呢
逃出魔幻紀
2020/2/18 09:25 
你是發過甚麼帖然後不見了呢?
以我這版躉, 長期滯留既永久居民身份既記憶, 
睇下有無咁既事

我就唔 ...
beebeechan 發表於 2020/2/17 23:57


最近bigmonster回歸,發帖講啲違反耶穌基督教導嘅似是而非嘅假嘢,我幾乎喺佢每帖都針對性回貼指出佢嘅謬誤,每個回貼幾乎同時追問佢一直未回答嘅兩個核心問題:佢教網友嫖妓同埋講撒旦蛇相同嘅說話是否符合耶和華神同埋耶穌嘅心意?我嘅回帖基本上都喺2/3樓位置。
記憶中,除咗beebeechan 喺佢一兩貼定兩三貼嘅回貼已講出咗我嘅觀點,我冇再認真回帖之外,其他一律作上述操作。
我有個習慣,每次認真回帖之後我會將有關內容截圖或複製以保存作為日後參考之用。前兩日考慮到討論區網頁資料保存完好,無需自己儲存咁多嘢,所以大量刪除咗複製嘅資料。點知我喺流覽討論區嘅時候,發現「熱門主題 最新主題 最新回覆」欄目所載bigmonster嘅發貼中,基本唔見曬我以上風格嘅回帖。2345樓基本上變成咗其他人嘅回帖。所以我感覺到好奇怪,除咗懷疑被刪帖,仲有啲懷疑自己思覺失調,哈哈哈!
我喺自己手機嘅記憶庫入邊東摷西摷,睇下搵唔搵到啲乜嘢痕跡,點知真係俾我搵到一篇關於分別善惡樹嘅回帖複製品(唔係截圖),而討論區內bigmonster嘅《談分別善惡樹, 從創世以來的故事》就唔見有我呢個回貼,呢個現象非常奇怪。
以上事件嘅timing (刪除紀錄、發現回帖消失)如此湊巧,令我反思:我刪除複製紀錄係咪聖神嘅作為呢?我基於捍衛基督真理嘅出發點,對bigmonster窮追猛打,係咪有違愛人如己嘅精神呢?畢竟附魔嘅人都係人啊,呢件事喺愛天主同愛人如己之間有冇一個平衡點呢?點樣做先最合適呢?
再次多謝校長,有時你海量汪涵嘅回覆同鼓勵令我感動,睇到人性善良嘅光輝。
抽刀斷水
2020/2/18 09:29 
再次多謝校長,有時你海量汪涵嘅回覆同鼓勵令我感動,睇到人性善良嘅光輝。
逃出魔幻紀 發表於 2020/2/18 09:25



    我無講過尐咩特別野噃,同埋亦唔代表我偏幫任何一方既言論架下,特此聲明。
beebeechan
2020/2/18 10:13 
最近bigmonster回歸,發帖講啲違反耶穌基督教導嘅似是而非嘅假嘢,我幾乎喺佢每帖都針對性回貼指出佢嘅謬 ...

每個回貼幾乎同時追問佢一直未回答嘅兩個核心問題:佢教網友嫖妓同埋講撒旦蛇相同嘅說話是否符合耶和華神同埋耶穌嘅心意?我嘅回帖基本上都喺2/3樓位置。

逃出魔幻紀 2020/2/18 09:25 提交


    早陣子你的確同一帖(以此為內容)在不同論欄中都貼。派傳單咁。

因為呢個 bigmonster 依家成日開欄,咁多個豬欄你貼漏咗一欄都有可能。
逃出魔幻紀
2020/2/18 13:54 
本帖最後由 逃出魔幻紀 於 2020/2/18 14:49 編輯
早陣子你的確同一帖(以此為內容)在不同論欄中都貼。派傳單咁。

因為呢個 bigmonster 依家成日開欄 ...
beebeechan 發表於 2020/2/18 10:13



    就好似有一個人以建築設計工程界翹楚自居,指出其他人喺淤坭沙灘上打足地基、將足夠嘅樁柱打到落岩層而建築嘅樓宇唔符合建築地基力學設計原則,係危樓唔住得,但當我指出佢show 出嚟嘅設計圖紙缺乏地基、缺乏樁柱,而且係建築喺浮沙上,多番要求佢就此解釋,但佢唔回答唔但止,仲不斷發表論文,說明打到岩層嘅樁柱同地基係樓宇安全嘅首要因素,仲叫全世界唔好信世界上任何建築學院嘅專家講,唔好學其他人嘅建築作品,而只信佢一家之言,依照佢嘅圖紙建築高樓大廈。
噉你話,我係咪應該為咗大廈使用者嘅安全著想,繼續追問佢建築圖紙嘅地基問題呢?
至於其他人批評高樓大廈,唔能夠滿足人類對活動空間、空氣環境、同埋種菜養豬等需要,主張人類應該建築木屋或者平房而拒絕高樓大廈,對此我反而冇興趣太深入討論。
逃出魔幻紀
2020/2/18 13:57 
我無講過尐咩特別野噃,同埋亦唔代表我偏幫任何一方既言論架下,特此聲明。 ...
抽刀斷水 發表於 2020/2/18 09:29


就係因為一個反基者可以做到唔偏幫任何一方,鼓勵開放討論先至難能可貴,令我睇到反基陣營光普嘅多元性。
抽刀斷水
2020/2/18 15:01 
就係因為一個反基者可以做到唔偏幫任何一方,鼓勵開放討論先至難能可貴,令我睇到反基陣營光普嘅多元性。 ...
逃出魔幻紀 發表於 2020/2/18 13:57



    乜你成日論斷我係反基架,我邊度似反基噃。
逃出魔幻紀
2020/2/18 17:44 
我睇表面咋,又睇唔到你嘅內心,你睇你下呢個版周圍的標語,尤其係右上角不停變化嘅口號,係咪反基? 如果我估錯咗,sorry 囉。
抽刀斷水
2020/2/18 20:29 
那些標語已經寫上來自不同的作者喇喎,又唔係我作既:https://exchristian.hk/forum/vie ... &extra=page%3D1
beebeechan
2020/2/18 22:13 
本帖最後由 beebeechan 於 2020/2/18 22:14 編輯
那些標語已經寫上來自不同的作者喇喎,又唔係我作既:
抽刀斷水 發表於 2020/2/18 20:29


咁可唔可以俾人加啲傳教標語呢?

你只挑一方既標語, 一面倒喎
(真係RTHK俾人鬧係黃色咁囉)