Board logo

標題: [原創作品] 主說: 當寬恕和孝敬父母 [打印本頁]
作者: Dalvm    時間: 2019/6/18 12:11     標題: 主說: 當寬恕和孝敬父母

主的說話:
我們就是遵著神的命令出去，我們還是不能盼望不遇見患難的;
這些門徒聽從主的命令出去，他們還是遭遇了頂危險的暴雨，甚至他們大聲急呼主的拯救．

是要使我們的信心經過試煉，而更增強; 使我們的禱告更加虔誠; 使我們得拯救的渴望更加迫切;
使我們從此更重視主的拯救．

主給他們一個溫柔的責備，說:「你們的信心何在?」意思就是說: 你們為什麼不向狂風怒濤誇勝說:「你們不能傷害我們，因為主在船上呢!」

在日光中信靠，比在風波中信靠，容易得多．
若不放我們在試煉中，我們決不會知道我們自己有多少信心．所以救主要一同與我們坐船．
倘若你經常因主而堅強起來，你的力量將在暴風雨中誕生．

基督耶穌說:「我們渡到那邊去罷．」祂不是說任憑我們沉在水裡．

-------------------------

相信有很多的人，也曾經與自己的父母吵過架． 回想起你們那些現在仍能一家人相處融洽，是因為你們早已經忘記了，或是已經寬恕了過去爭吵的事件． 學會寬恕和忘記彼此的過犯，現在不是能一家人生活得十分愉快嗎?

政府是人民的父母，當你們成為了父母的時候，就會明白當初父母一片苦心．
或許父母也有會出錯的時候，如果希望香港也能一家人生活相處融洽，學會寬恕和忘記彼此的過犯，
在恩典之下的家庭就能得到上帝祝福了．
作者: 旁觀者    時間: 2019/6/19 03:03

移鼠教訓徒眾：
        「弟兄要把弟兄、父親要把兒子，送到死地。兒女要與父母為敵，害死他們。」《馬太》10：21
        「人的仇敵，就是自己家裏的人。」《馬太》10：34
        「人到我這裏來，若不恨自己的父母、妻子、兒女、弟兄、姐妹和自己的性命，就不能作我的門徒。」《路加》14：26
作者: beebeechan    時間: 2019/6/19 08:26

移鼠教訓徒眾：
        「弟兄要把弟兄、父親要把兒子，送到死地。兒女要與父母為敵，害死他們。」《馬太 ...
旁觀者 發表於 2019/6/19 03:03


你係唔知經中有要孝敬父母，　兄弟和睦既句子囉。
作者: 逃出魔幻紀    時間: 2019/6/19 23:27

回覆 1# Dalvm
呢個話題其實好大好複雜，我仲未搞得掂。我曾經問過唔少資深嘅修女同神父，因為所有配件嘅都有天主授權，我哋係咪要服從金正恩，票投民建聯？得到嘅答案亦都好唔統一。呢幾日望彌撒嘅時候，本堂神父講遊行，佢話當年支持反英抗暴收屘發覺唔妥，今次亦都係，人多嘅未必係啱嘅，我哋要小心要由聖神帶領，仲用登山寶訓打咗面遞右面，要去愛而唔係憎恨詛咒你嘅仇人，呢啲條文嚟講，我就即時喺教堂問心問自己究竟喺呢次反送中我應該企乜嘢立場？當場就知道自己嘅立場係：當年嘅反英抗暴係由撒旦教徒馬克思創造嘅共產黨所操縱嘅活動，我選擇企喺暴徒嘅反面，支持政府；今次送中條例亦都係撒旦教徒背後操縱，所以我選擇企喺遊行人士一面。不過作為基督徒 ，真係要好小心處理，我哋大家包括神父主教修女等等嘅諗法五花八門各有千秋，邊個啱邊個唔啱，最後都係要自己親自向耶穌交代。
作者: 旁觀者    時間: 2019/6/19 23:51

送中條例係天誅教徒鄭月娥提出嘅，天誅教香港堂口嘅頭頭陳日君等等都未有異議。
        理性思維者會問：這些人，是否閣下口中嘅「撒旦教徒」﹖
作者: beebeechan    時間: 2019/6/20 00:35

回覆  Dalvm
呢個話題其實好大好複雜，我仲未搞得掂。我曾經問過唔少資深嘅修女同神父，因為所有配件嘅都 ...
逃出魔幻紀 發表於 2019/6/19 23:27


政見立埸與信仰係兩回事嚟
同宗教信仰都可以有唔同政見。

呢位基督教朋友看來就唔多認同反送中

真正的基督徒林鄭與她的十字架
https://exchristian.hk/forum/viewthread.php?tid=13341&extra=page%3D1

其中一段話民眾為反一個人，　寧可釋放一個殺人犯。。。。不要公義
我幾認同喎。

經書中的對對錯錯，　經常都在日常生活中重重復復發生。
作者: beebeechan    時間: 2019/6/20 00:45

本帖最後由 beebeechan 於 2019/6/20 00:47 編輯
送中條例係天誅教徒鄭月娥提出嘅，天誅教香港堂口嘅頭頭陳日君等等都未有異議。
        理性思維者會問： ...
旁觀者 發表於 2019/6/19 23:51


吓，，，，，陳日君等等都未有異議？
乜你新聞觸覺咁遲鈍呀！（可能睇得《辟邪紀實》太多，　人都蠢咗）

陳日君有出嚟遊行㗎喎
作者: beebeechan    時間: 2019/6/20 01:36

証明呢位旁觀者係盲從一族
作者: 逃出魔幻紀    時間: 2019/6/20 15:42

其中一段話民眾為反一個人，　寧可釋放一個殺人犯。。。。不要公義
我幾認同喎。
size=2]beebeechan 發表於 2019/6/20 00:35 [/quote]
我摷唔到林鄭與他的十字架嗰篇嘢，如果冇進一步解釋，我對上述嗰段話嘅觀點有保留，本人嘅觀點基於對兩個事件嘅比較：

殺耶穌放殺人犯事件中，猶太人考慮嘅係：耶穌幫唔到或者唔肯幫佢哋現世即刻復國，亦都保護唔到佢哋免受羅馬攻擊，淨係識搞搞震去搗亂街市鞭打兌換店老闆，而且話佢個神幾威佢自己係猶太君王噉話，所以佢唔死勢必激嬲羅馬皇帝屠殺猶太人，因此必須殺耶穌以免禍，呢度有害怕同討好羅馬帝國嘅成分。講唔定佢哋要放嗰個殺人犯，係受到大家同情同支持嘅奮銳黨成員。

而反送鐘事件就唔同，香港人要求殺死嗰個係羅馬嘅大官，釘死佢反而會激嬲帝國，唔釘死佢自己又玩完，順又死逆又死，冇得揀，所以香港呢次就係相當於一次起義，盡地一煲睇下搏唔搏到一線生機。至於嗰條臺灣殺人犯，放咗佢大家損失唔大，好過第日咁多人俾人老屈無辜辜變成殺人犯。
作者: 抽刀斷水    時間: 2019/6/20 18:56

政府是人民的父母
Dalvm 發表於 2019/6/18 12:11



    但有些人認為政府是人民的公僕，仲食緊人民既糧餉。

對待僕人，應該就無對待父母咁客氣了吧。
作者: 逃出魔幻紀    時間: 2019/6/20 19:33

就算“人民的父母”係真嘅話，古今中外有唔少騎籬古怪嘅父母，遠到遠古嘅妲己，近到食人嘅烏干達總統，同埋北韓嘅金仔……點搞呢？
作者: 逃出魔幻紀    時間: 2019/6/20 20:12

因為呢個“人民的父母”問題對我都有啲困擾，所以稍為再認真諗下，又諗到兩個近代好頂癮嘅極品父母：大西國皇帝張憲忠，同埋太平天國皇帝洪秀全，啊，仲有，柬埔寨波爾布特赤柬政府。
作者: beebeechan    時間: 2019/6/20 21:23

本帖最後由 beebeechan 於 2019/6/20 22:59 編輯
至於嗰條臺灣殺人犯，放咗佢大家損失唔大
size=2]beebeechan 發表於 ...
逃出魔幻紀 發表於 2019/6/20 15:42


嗯。。。。。
又不是我的女兒給謀殺了，
的確「損失不大」。


（那麼，第日也不一定是我的親朋戚友會「俾人老屈無辜辜變成殺人犯」，玩咁激，玩到咁大。。。為乜？）


香港人唔係成日上大陸消費玩樂，嫖。。。。又唔驚既？
要屈你
跟本唔使乜逃犯條例

要為政治目的而整你的話，就算是民主法制建全的英美加，歐洲。。。。都是一樣的黑暗，手段挪碴, 亦不需要甚麼逃犯條例才可入手。
作者: beebeechan    時間: 2019/6/20 21:32

但有些人認為政府是人民的公僕，仲食緊人民既糧餉。

...
抽刀斷水 發表於 2019/6/20 18:56



公僕是全人民夾份出糧俾佢地，
    不過，有啲人就要公僕只係服侍佢一個，要優先處理佢既需求
作者: beebeechan    時間: 2019/6/20 21:54

殺耶穌放殺人犯事件中，猶太人考慮嘅係：耶穌幫唔到或者唔肯幫佢哋現世即刻復國，亦都保護唔到佢哋免受羅馬攻擊，淨係識搞搞震去搗亂街市鞭打兌換店老闆，而且話佢個神幾威佢自己係猶太君王噉話，所以佢唔死勢必激嬲羅馬皇帝屠殺猶太人，因此必須殺耶穌以免禍，呢度有害怕同討好羅馬帝國嘅成分。
size=2]beebeechan 發表於 ...
逃出魔幻紀 發表於 2019/6/20 15:42



呢段分析有啲予盾。

一邊說當時猶太人期望有個默西亞，幫佢地趕走羅馬人，光復以色列。

下邊又說驚呢個耶穌默西亞「激嬲羅馬皇帝屠殺猶太人」「必須殺耶穌以免禍」？

咁當時猶太人想唔想推翻羅馬統治咁呢？


即係只想用和平示威 （最多掟幾嚿磚唶），係談判桌上使羅馬人徹出以色列的福地？
作者: 逃出魔幻紀    時間: 2019/6/20 23:01

呢段分析有啲予盾。

一邊說當時猶太人期望有個默西亞，幫佢地趕走羅馬人，光復以色列。

下邊又說驚呢 ...
beebeechan 發表於 2019/6/20 21:54

呢樣嘢其實係噉嘅：嗰啲猶太人鋪曬啲衫同埋啲棕櫚枝喺地下高呼賀珊娜賀珊娜嘅時候，佢哋係諗住盼望左好耐嘅默西亞終於唔思思縮縮，進入耶路撒冷大顯神威喇，即刻可以復國喇！
點知耶穌一入城，經過城門右邊嘅羅馬兵營，冇打佢哋一獲甘反而過門而不入，反而走咗去左邊個大笪地街市聖殿揼咗啲兌換店唱錢佬一身，所以咪覺得耶穌冇q用，一齊話要釘死佢囉。至於驟技耶穌有組織能力兼話自己係猶太人嘅君王（呢個係羅馬帝國嘅死罪），驚住連累成個民族舐嘢嘅主要係法利賽人經師，嗰班人，聖經有記載佢哋嘅相關談話。
作者: 逃出魔幻紀    時間: 2019/6/20 23:25

嗯。。。。。
又不是我的女兒給謀殺了，
的確「損失不大」。


（那麼，第日也不一定是我的親朋戚友會「 ...
beebeechan 發表於 2019/6/20 21:23

歐美冇咁易，首先係價值觀唔同，冇咁容易幫你，你睇賴昌星案就知道搞咗咁多年；，其次係香港政府同大陸係從屬關係，根本冇得say no，我60歲人經過好多事，今次睇逃犯條例三部曲嗰三條片，拍得一啲都唔誇張，嗰種肅殺氣氛，未經歷過嘅人係根本體會唔到嘅，你睇黃榮基劉鑾雄一早著草就知啦。
作者: beebeechan    時間: 2019/6/20 23:36

其次係香港政府同大陸係從屬關係，根本冇得say no，
逃出魔幻紀 發表於 2019/6/20 23:25


咁２０４７年一到，　又根本唔使逃犯條例，　
送中無得反。
今日點撐，　最多俾你玩多２８年。

咁２０４７年前，　快啲走？
作者: beebeechan    時間: 2019/6/20 23:52

本帖最後由 beebeechan 於 2019/6/21 00:00 編輯
呢樣嘢其實係噉嘅：嗰啲猶太人鋪曬啲衫同埋啲棕櫚枝喺地下高呼賀珊娜賀珊娜嘅時候，佢哋係諗住盼望左好耐 ...
逃出魔幻紀 發表於 2019/6/20 23:01


其實高呼賀珊娜賀珊娜，　又係咪同要釘死耶穌，　係同一班百姓呢？

耶穌背負十字架時，　路加福音中有此描述：
有許多人民及婦女跟隨著耶穌，婦女搥胸痛哭衪。
耶穌轉身向她們說：「耶路撒冷女子! 你們不要哭我，

如百姓都是想耶穌死，　抵佢死既心態，　應該係叫賀珊娜賀珊娜，
唔係『搥胸痛哭』
作者: 旁觀者    時間: 2019/6/21 00:17

回覆  Dalvm
今次送中條例亦都係撒旦教徒背後操縱
逃出魔幻紀 發表於 2019/6/19 23:27

    閣下能否告訴我，「今次送中條例亦都係撒旦教徒背後操縱」，那些「撒旦教徒」是誰﹖
    由此又引出理性思維者嘅疑問，妖酋曾怒批梵蒂岡18宗罪；全球各處「神父」雞奸兒童，而當地教會百般維護，他們是否「撒旦教徒」﹖
    理性思維者又有疑問，那麼整個天誅教是否「撒旦教」﹖天誅教徒不就是「撒旦教徒」﹖
作者: beebeechan    時間: 2019/6/21 05:05

妖酋曾怒批梵蒂岡18宗罪
旁觀者 發表於 2019/6/21 00:17




https://kknews.cc/world/qey56g.html
原本只係15條 ，去到你到就加碼。。。。？
三條係利息？
作者: beebeechan    時間: 2019/6/21 05:26

忠告：借錢梗要還，　咪俾錢中介
呢到都要加呢種忠告：
轉載梗要查，　咪俾人呃哂
作者: 逃出魔幻紀    時間: 2019/6/21 12:17

咁２０４７年一到，　又根本唔使逃犯條例，　
送中無得反。
今日點撐，　最多俾你玩多２８年。

咁２０４ ...
beebeechan 發表於 2019/6/20 23:36

你噉諗都冇錯，不過螻蟻尚且偷生之類嘅人性就係噉，好多人生癌都繼續醫，捱得幾耐得幾耐兼希望有奇跡出現，事實上世事難料奇跡常在，羅家英生癌都存活咁耐好精神啦。我隨時可以移民，但係鍾意呢度就好似唔捨得自己個身體一樣，我好多謝嗰兩百萬零一人，畀我可以喺呢度留耐啲，我希望可以喺度終老。
作者: 逃出魔幻紀    時間: 2019/6/21 12:23

閣下能否告訴我，「今次送中條例亦都係撒旦教徒背後操縱」，那些「撒旦教徒」是誰﹖
    由此又引出理 ...
旁觀者 發表於 2019/6/21 00:17

我咪講左撒旦教徒係馬克思囉，如果你唔明你認真再諗下就會明架啦，我唔想同你喺度畫公仔畫出腸，我都唔想坐洗頭艇或者第日比人引渡。你都想喺度自由吹水吹得耐啲嘅係咪？至於你講強姦雞姦嗰啲轉移焦點嘅話題我曾經搭過好多，唔想再重複喇。
作者: beebeechan    時間: 2019/6/21 13:21

我都唔想坐洗頭艇或者第日比人引渡。
逃出魔幻紀 發表於 2019/6/21 12:23


呢個星期，　睇班憤青既暴行，　泛民的咀臉。。。。
真係比送中更可怕囉
作者: 逃出魔幻紀    時間: 2019/6/21 13:42

其實高呼賀珊娜賀珊娜，　又係咪同要釘死耶穌，　係同一班百姓呢？

耶穌背負十字架時，　路加福音中有此 ...
beebeechan 發表於 2019/6/20 23:52

我哋唔喺現場，認唔到啲人樣，所以衹能用邏輯分析，我估計係噉樣嘅：

人群之中有耶穌嘅信徒，亦有只係渴望默西亞打救嘅普通人（呢種人應該係除咗既得利益嘅法利塞人之外嘅幾乎全部猶太人，所以佢哋高呼“快來拯救我們”（賀珊娜）），高呼賀珊娜嘅人包括咗以上兩種。城外高呼嗰個moment 嘅社會情況，有D似大部份人投票比保皇黨希望社會穩定大家有飯食兼打殘美英帝國及其走狗噉樣。

入城之後的復國主義者睇見唔對路，覺得耶穌係掃把星，所以就附和法利塞人話要釘死佢以免惹禍上身，可能仲有得畀耶穌呃咗要大報復嘅心理。呢個moment 釘死派已佔多數。耶穌被捕之後好多信徒都走咗佬，但係走佬可能只係因為怕死，並唔一定代表背叛，呢班少數派極有可能就係捶胸痛哭嗰班。

如果情況唔係噉樣，就好難解釋萬人空巷迎接耶穌入城，之後又有壓倒性多數比例嘅人群向總督施壓釘死耶穌呢兩個moment 之間嘅大矛盾。唔通千千萬萬嘅耶穌門徒住喺城外，千千萬萬反耶穌嘅百姓住喺城內？而且根據聖經，反耶穌嘅基本上係既得利益者法利塞人。
作者: 逃出魔幻紀    時間: 2019/6/21 15:56

本帖最後由 逃出魔幻紀 於 2019/6/21 15:58 編輯

[quote]“呢個星期，　睇班憤青既暴行，　泛民的咀臉。。。。
真係比送中更可怕囉 ...”

各人有各人睇法啦，後生仔社會經驗少，血氣方剛感性思維多D，好正常，我自己都後生過，好理解佢哋。
我唔贊成暴力，但係一個銀有兩面，如果12號淨係好多斯文人圍住立法會，警察一喝一放催淚彈就就開左條路，噉12號咪即刻開會通過咗囉。
D後生仔好可憐，我哋呢啲老嘢喺搵到食嘅年代上左岸，而家為左自己個飯碗票投保皇黨以求社會和諧安居樂業。但係而家啲後生仔要喺社會上向上爬仲難過中六合彩，佢哋乜都冇，連希望都冇，就剩返喺高登連登呢啲地方自由吹水發洩二次創作閙下689777，這種僅餘嘅自由基夫就係佢哋人生嘅全部，呢20年嚟睇住這種自由小啲小啲再少啲，今次睇怕都滅頂啦，你諗下，佢哋做人仲有乜嘢意思？佢哋係咪嘈得有啲道理？
作者: beebeechan    時間: 2019/6/21 17:34

呢20年嚟睇住這種自由小啲小啲再少啲

逃出魔幻紀 發表於 2019/6/21 15:56


講真，　又真係唔覺喎
２０年來，　亂翕亂港既人愈嚟愈勁就真，　
啲人鐘意翕乜就乜，　
（好似呢個壇上既人咁。。。。好自由喎）
作者: beebeechan    時間: 2019/6/21 17:38

但係而家啲後生仔要喺社會上向上爬仲難過中六合彩，佢哋乜都冇，連希望都冇，

逃出魔幻紀 發表於 2019/6/21 15:56

係咪呢個先係主角嚟呢？
依家出埸勒
作者: beebeechan    時間: 2019/6/21 20:34

各人有各人睇法啦，後生仔社會經驗少，血氣方剛感性思維多D，好正常，。

逃出魔幻紀 發表於 2019/6/21 15:56

就係咁先至好煽
作者: beebeechan    時間: 2019/6/21 20:36

但係一個銀有兩面

逃出魔幻紀 發表於 2019/6/21 15:56

依家班在警總，　入境處大樓既憤青，　
只係準擲銀時開公，　唔要字。
只睇一面
作者: beebeechan    時間: 2019/6/21 21:14

呢個moment 釘死派已佔多數。

逃出魔幻紀 發表於 2019/6/21 13:42


猶如依家反送中咁？
作者: beebeechan    時間: 2019/6/21 21:21

本帖最後由 beebeechan 於 2019/6/22 02:25 編輯
唔通千千萬萬嘅耶穌門徒住喺城外，千千萬萬反耶穌嘅百姓住喺城內？

逃出魔幻紀 發表於 2019/6/21 13:42


都有理據㗎。
古代城市人口分佈不同今日的都會。
古代城市，　是窮人住在城周邊，　麻瘋病者更要住到武雷公咁遠
社會上的上層人仕，　經師，　祭司就住城內中心，　愈近大殿，　總督府，　皇宮就愈有體面。
呢班人係在羅馬統治下的既得利益者。
當然反對默西亞，　司祭又反對耶穌稱天主子，　拉走佢既客。

猶如送中，　反送中，　一時呢邊把聲大聲咗啲咁囉
作者: beebeechan    時間: 2019/6/21 21:43

耶穌死後，
有人拎出家族的一個新墓
有人唔怕，　向比拉多要攞番耶穌條屍
有人帶沒藥及沉香調和的香料，約有一百斤來殮葬耶穌
說明耶穌都有上層社會既支持者既，　只係唔夠人多勢兇，　無圍堵癱瘓總督府
作者: 逃出魔幻紀    時間: 2019/6/21 23:08

講真，　又真係唔覺喎
２０年來，　亂翕亂港既人愈嚟愈勁就真，　
啲人鐘意翕乜就乜，　
（好似呢個壇上 ...
beebeechan 發表於 2019/6/21 17:34

你冇嘢吖嘛？睇嚟你都好鍾意閱讀個喎，點解冇留意呢20年嚟一張張噉全部轉曬去一邊，剩返一張係第二邊，重俾689胸佢啲廣告商添，仲有以前書店嗰啲五花八門嘅政治書而家都剩返幾本冇嚟文味嘅嘢，林榮基都著咗出去臺灣，仲有啲大政治議題嘅研討會、唔啱阿爺口味嘅演唱會等等都冇人夠膽租場畀佢哋，你有政治立場唔緊要，個個都有嘅啦唔係左就右，但係你觀察唔倒呢啲嘢我就覺得比較奇怪。
都係唔好講政治話題喇，對立嘅政治立場比對立嘅宗教立場更加難溝通，而且而家冇咗免於恐懼嘅自由，我唔想講太多。
我睇咗林鄭的乜乜十字架嗰篇文章，我同作者嘅立場大纜都扯唔埋，講唔到。
有一樣輕程啲嘅政治話題，如果你知道可以賜教一下：我用咗多年時間，費盡九牛二虎之力，問咗好多人，可唔可以明白左派同liberal 係乜嘢人，佢哋個心諗啲乜嘢。佢哋係我喺呢個地球上唯一唔明白嘅兩類人。
作者: beebeechan    時間: 2019/6/21 23:42

我同作者嘅立場大纜都扯唔埋，講唔到。
.
逃出魔幻紀 發表於 2019/6/21 23:08



唔需要扯埋既，
各抒己見
作者: beebeechan    時間: 2019/6/21 23:45

唔啱阿爺口味嘅演唱會等等都冇人夠膽租場畀佢哋

逃出魔幻紀 發表於 2019/6/21 23:08


有邊個藝人租唔到埸地，　係因為『唔啱阿爺口味』既呢？
具體啲得唔得？
依家中有２８年一個兩制，逃犯條例又『暫你老母』了。
（一國一制時你都『終老』咗哩。。唔驚喎）　
作者: beebeechan    時間: 2019/6/21 23:48

如果上邊係因說咗反話而郁你。。。。
真係有排都未輪到你。
作者: beebeechan    時間: 2019/6/21 23:50

本帖最後由 beebeechan 於 2019/6/21 23:51 編輯

上邊既制度係未完善，　
不過亦唔好太妖魔化

好似版上有啲人為了揚佛而踩基
作者: 逃出魔幻紀    時間: 2019/6/22 00:09

有邊個藝人租唔到埸地，　係因為『唔啱阿爺口味』既呢？
具體啲得唔得？
依家中有２８年一個兩制，逃犯條 ...
beebeechan 發表於 2019/6/21 23:45

你成好似有好多資料來同人哋討論，但係好似對社會狀況唔係好瞭解噉嘅。你啲資料係咪因應話題喺維基度臨時搵返嚟架？同你嘅資訊量好矛盾喎。
關於政治話題，點解扯唔埋而唔係討論嘅問題，建議你睇《動物農莊》。民主嘅美國同共產中國各抒己見又有乜嘢後果呢？就係睇下對方有乜虛位趙佢囉，最後睇下邊個食咗對方囉，唔通傾到佢合意嘅共識出嚟咩？！
作者: 逃出魔幻紀    時間: 2019/6/22 00:16

上邊既制度係未完善，　
不過亦唔好太妖魔化

好似版上有啲人為了揚佛而踩基 ...
beebeechan 發表於 2019/6/21 23:50

妖魔快又好，佛基又好，我認為討論問題要從全局概念嚟討論好喲，角度宏觀D，咁樣討論大家都舒服，都互相學到嘢。如果互相咬住一句還一句噉樣講咩，感覺上好似街市豬肉佬同賣魚婆炒蝦拆蟹嗌交噉，大家勞氣兼冇得益，仲畀旁觀者笑添。
作者: beebeechan    時間: 2019/6/22 00:44

如果互相咬住一句還一句噉樣講咩，感覺上好似街市豬肉佬同賣魚婆炒蝦拆蟹嗌交噉

逃出魔幻紀 2019/6/22 00:16 提交

呢啲唔係乜咬住一句，一字
係你所講既「針對性回覆」。




我唔識點樣喺人哋篇文章度整一段說話出嚟作針對性答覆
作者: beebeechan    時間: 2019/6/22 00:47

妖魔快又好，佛基又好，我認為討論問題要從全局概念嚟討論好喲，角度宏觀D，咁樣討論大家都舒服，都互相學 ...
逃出魔幻紀 2019/6/22 00:16 提交


    其實係咪合你心意既觀點先係「宏觀」呢？
作者: beebeechan    時間: 2019/6/22 00:55

本帖最後由 beebeechan 於 2019/6/22 02:36 編輯
民主嘅美國同共產中國各抒己見又有乜嘢後果呢？就係睇下對方有乜虛位趙佢囉，最後睇下邊個食咗對方囉，唔通傾到佢合意嘅共識出嚟咩？

逃出魔幻紀 2019/6/22 00:09 提交


    我就見國際間談判，多數都係要各退一步，
雙嬴既。唔會只得一邊擸哂啲好野離檯。
除非係征服者同被征服者間，才無價講。
作者: beebeechan    時間: 2019/6/22 05:15

本帖最後由 beebeechan 於 2019/6/22 05:31 編輯
如果互相咬住一句還一句噉樣講咩，感覺上好似街市豬肉佬同賣魚婆炒蝦拆蟹嗌交噉，大家勞氣兼冇得益，仲畀旁觀者笑添。
逃出魔幻紀 發表於 2019/6/22 00:16



找個機會又講講耶穌。
論壇上的爭拗，　社會上的爭拗。。使我聯想起經上巴貝耳塔的故事。

巴貝耳塔的故事，　雖然在經上只是短短的九句，　卻說出人性。
正如你，　我。。。大家都在說中文，　廣東話，　宗教信仰也接近，
有時都不能溝通似的。
你誤會我的話，　我誤會你的話，
何況是說不同的語言？

深層一點，人與人之間的意見，　永遠都有分歧。

合一，　大同。。。這些美事
原來一早，　在史前，　就給上主收回了。人無法得到。
作者: 逃出魔幻紀    時間: 2019/6/22 16:48

回覆 45# beebeechan

你講嘅呢樣嘢，亦都係呢輪我諗嘅問題。佢困擾咗我好耐，《羅馬書》13章，講掌權者都係天主慨僕役，不會無故帶劍，反抗權柄嘅人就係自取處罰，噉我哋係咪應該絕對服從共產黨服從金仔、希特拉、波爾布特、烏干達亞明總統、張獻忠皇帝、洪秀全皇帝……暫時未諗到一個令自己信服嘅答案，呢幾日開始祈禱問耶穌 ，但佢未必一定即刻答我。點都好，我相信世界所發生嘅一切都係天主嘅一盤棋，就好似當年利用亞述巴比倫羅馬黎教訓以色列一樣。

不過我有一個邏輯性嘅問題諗唔明：如果簡單化噉將目前嘅形勢，分成愛國陣營同反共陣營（雖然噉樣分唔正確），如果反共陣營贏咗（譬如有真普選），外國陣營想要嘅嘢，會保留唔會失去（除非佢哋真係想一國一制），但係如果愛國陣營贏咗，反共陣營想保留嘅一貫嘅生活方式就會去如黃鶴，噉愛國陣營究竟驚乜嘢呢？
我之所以推薦《動物農莊》，係因爲我相信如無意外，最終都會係拿破崙勝利，不過從來冇跟佢叫過“四隻腳行路係好人，兩隻腳行路係壞人”，因爲我知道佢最後都會用兩隻腳行路。
雖然我好鍾意關心政治，但係都係儘量將眼光放係天主耶穌度好啲，因為成局棋係由佢掌控。
作者: beebeechan    時間: 2019/6/22 20:51

本帖最後由 beebeechan 於 2019/6/22 21:59 編輯
逃出魔幻紀 發表於 2019/6/22 16:48
你講嘅呢樣嘢，亦都係呢輪我諗嘅問題。佢困擾咗我好耐，《羅馬書》13章，講掌權者都係天主慨僕役，不會無故帶劍，反抗權柄嘅人就係自取處罰，噉我哋係咪應該絕對服從共產黨服從金仔、希特拉、波爾布特、烏干達亞明總統、張獻忠皇帝、洪秀全皇帝


經上智慧篇第6章, 也說『請掌權者研究智慧』,
大前提也是帶劍有權柄的都是行天主的路, 是「天主慨僕役」。

金仔、希特拉、波爾布特、烏干達亞明總統、張獻忠皇帝、洪秀全皇帝唔係以天主既愛嚟管治人民啵。
所以，　佢地既權柄便被取替，　廢掉罷，
正如經上以達味取替了撒烏爾。

擺番落今日既送中問題上，
支持將犯罪者送回原地服法，　唔見得是甚麼違背良知，　反上主心意的事。
作者: beebeechan    時間: 2019/6/22 20:52

本帖最後由 beebeechan 於 2019/6/22 21:53 編輯
逃出魔幻紀 發表於 2019/6/22 16:48
不過我有一個邏輯性嘅問題諗唔明：如果簡單化噉將目前嘅形勢，分成愛國陣營同反共陣營（雖然噉樣分唔正確），如果反共陣營贏咗（譬如有真普選），外國陣營想要嘅嘢，會保留唔會失去（除非佢哋真係想一國一制），但係如果愛國陣營贏咗，反共陣營想保留嘅一貫嘅生活方式就會去如黃鶴，噉愛國陣營究竟驚乜嘢呢？


擺番落今日既送中問題上，
我都會比喻。

我個女曾得嚴重肺炎，　住院時要用一隻幾勁既抗生素。
我老婆就懶有醫學知識同遠見咁問個兒科醫生：
哇。。。。啲抗生素係咪會有副作用既呢？

個兒科醫生話：　係。有可能。
不過，　有副作用出咗嚟先搞哩，
目前，　你個女既身體係需要抗生素去醫理。

你話堅持因為怕有副作用而唔用抗生素啱，　
還是兒科醫生講得啱？

逃犯條例。。。係會有副作用卦。
係咪要驚得咁緊要，　驚到走火入魔
作者: 逃出魔幻紀    時間: 2019/6/22 21:31

回覆 48# beebeechan
我唔係講緊送中，我係講緊導致送事件嘅根本背後原因，正如倪匡所講：“言論自由係一切自由之母。”
作者: beebeechan    時間: 2019/6/22 21:49

本帖最後由 beebeechan 於 2019/6/22 21:50 編輯
回覆  beebeechan
我唔係講緊送中，我係講緊導致送事件嘅根本背後原因，正如倪匡所講：“言論自由係一切自 ...
逃出魔幻紀 發表於 2019/6/22 21:31


哦.....
咁係咪呢個星期香港發生既事,
逃犯條例...只係借口, 導火線...
啲人係反『事件嘅根本背後原因』,
若果係為咁, 根本同逃犯條例無關囉.......亞潘小姐更加沉冤難雪
(鬼叫你係唔啱政治氣候下俾人謀殺, 你唔好采)
作者: beebeechan    時間: 2019/6/22 21:51

本帖最後由 beebeechan 於 2019/6/22 21:56 編輯
回覆  beebeechan
“言論自由係一切自由之母。”
逃出魔幻紀 發表於 2019/6/22 21:31


你覺得香港依家言論好無自由咩?
作者: beebeechan    時間: 2019/6/22 21:54

本帖最後由 beebeechan 於 2019/6/22 21:55 編輯
回覆  beebeechan
我唔係講緊送中，我係講緊導致送事件嘅根本背後原因，正如倪匡所講：“言論自由係一切自 ...
逃出魔幻紀 發表於 2019/6/22 21:31



    其實, 將逃犯條例就等如『送中』
呢個已經係有扭曲法例既精神, 原意, 有失真既成份哩
作者: beebeechan    時間: 2019/6/22 21:55

叫送台....得唔得?
作者: beebeechan    時間: 2019/6/22 22:02

回覆  beebeechan
噉我哋係咪應該絕對服從共產黨服從金仔、希特拉、波爾布特、烏干達亞明總統、張獻忠皇帝、洪秀全皇帝…

逃出魔幻紀 發表於 2019/6/22 16:48


希特拉、波爾布特、烏干達亞明總統、張獻忠皇帝、洪秀全皇帝, 仲有ISIS...
呢啲在人歷史上, 都只是曇花一現既政權嚟, 幾年, 十年便玩完
(你都唔好話唔係上主的手做了事囉)

金仔, 就唔知仲可以玩幾耐勒
作者: 逃出魔幻紀    時間: 2019/6/22 22:14

希特拉、波爾布特、烏干達亞明總統、張獻忠皇帝、洪秀全皇帝, 仲有ISIS...
呢啲在人歷史上, 都只是曇花一 ...
beebeechan 發表於 2019/6/22 22:02


噉列寧斯大林毛澤東又幾多年？佢嘅統治期內嘅非正常死亡人數可能分別都多過上邊嗰堆皇帝嘅殺人總和。再介紹你睇一本書：吳思著 - 《血酬定律》，好正！佢寫嘅《潛規則》同埋呢本書，曾經係我最鍾意嘅書，而家呢個位置已經被《聖經》取代。
作者: beebeechan    時間: 2019/6/22 22:20

本帖最後由 beebeechan 於 2019/6/22 22:32 編輯
噉列寧斯大林毛澤東又幾多年？
逃出魔幻紀 發表於 2019/6/22 22:14


咁今日既大陸, 蘇聯......仲係咪行緊列寧斯大林毛澤東既路線呢?

今日列寧復活翻生, 都唔會話中國係共產國家嚟哩

所以，你既〖動物農莊〗，係有啲過咗時
作者: 逃出魔幻紀    時間: 2019/6/22 23:10

你覺得香港依家言論好無自由咩?
beebeechan 發表於 2019/6/22 21:51

其他人嘅感覺我唔講，就我自己嚟講，我呢幾十年鍾意睇嘅報紙有好多張：包括明報信報成報東方日報蘋果報甚至以前香港時報我都睇，因為各種報紙暢所欲言各適其適，而家？！得返一張堅持自己立場嘅報紙，畀宇宙強大勢力撚到得返細半條命仲喺度堅持，其他全部變曬化咗妝嘅文匯大公。
其實現今情況亦都係大自然嘅心態嗻，冇乜奇怪，一切事情可以用“搵食”兩個字解釋，雖然噉樣講侮辱咗唔少真係有理想為大眾嘅人，林鄭同埋一班官員盧偉聰之類為咗人工長糧兼日後政協中央官職聯合國官職，立法會議員為選票，當然保皇黨議員選票來自阿爺，梗係要擦鞋啦，商人同埋比較穩定嘅打工仔梗係希望社會安和諧唔好阻住搵食養家供樓供鋪, 每級警察都希望喺自己屬下面前立威，並喺上級面前立功以便升職加薪前途無限, 後生仔包括高登仔連燈仔想保護嘅只係佢哋高登連登式嘅生存空間, 以上所講嘅係基本人群,  其它懷著各種理想包括坐輪椅企起身聽唱國歌嘅抗日阿婆我就唔講喇。
作者: 逃出魔幻紀    時間: 2019/6/22 23:16

咁今日既大陸, 蘇聯......仲係咪行緊列寧斯大林毛澤東既路線呢?

今日列寧復活翻生, 都唔會話中國係共產 ...
beebeechan 發表於 2019/6/22 22:20

過唔過時，你睇咗先啦，然後從左中右再研究下中國呢70年嘅歷史，然後再對照下香港呢21年發生嘅每件事幹，可能覺得本書講得幾盞鬼呢，可以再對比下書中角色同而家香港每種人/人群，非常有趣。如果有時間可以睇埋《1984》，不過冇《動物農莊》咁生鬼。
作者: 抽刀斷水    時間: 2019/6/22 23:23

談起言論自由，之前本網畀祖國封鎖，我以為是容許太多談keyword的言論。作為網站admin，我需要考慮的是，面對十三億人民，我是要進行言論審查，以吻合國策和「進入」大陸，服務內裡的大多數，仰或堅持自己的信念，捍衛言論自由？

請好好珍惜現有僅餘的。
作者: beebeechan    時間: 2019/6/22 23:26

本帖最後由 beebeechan 於 2019/6/22 23:29 編輯
過唔過時，你睇咗先啦，然後從左中右再研究下中國呢70年嘅歷史，然後再對照下香港呢21年發生嘅每件事幹，可能覺得本書講得幾盞鬼呢，可以再對比下書中角色同而家香港每種人/人群，非常有趣

逃出魔幻紀 發表於 2019/6/22 23:16


呢個, 有待你具體地, 用書中既內容對比下香港呢21年發生嘅每件事幹, 同大家講下『盞鬼』「有趣」既地方係邊到.

唔好淨係叫人『你睇咗本書就知道』
正如反基睇聖經
你睇聖經,
同一本書, 都會睇出唔同野既
作者: beebeechan    時間: 2019/6/22 23:31

談起言論自由，之前本網畀祖國封鎖，我以為是容許太多談keyword的言論。作為網站admin，我需要考慮的是，面 ...
抽刀斷水 發表於 2019/6/22 23:23


咁查實係現在祖國鎖少咗, 空間大咗丫,
定係你跪低咗?
作者: beebeechan    時間: 2019/6/23 00:10

仰或堅持自己的信念，捍衛言論自由

抽刀斷水 發表於 2019/6/22 23:23


捍衛言論自由, 也不等如無法又無天, 無規無矩既..
這點, 你是應該認同罷

看:


網主註：因樓主在基督宗教區也有相同貼文，相關討論請移步至該區。



網主你封鎖咗我篇文章《人生列車的方向與燃料》，我心有不服，但係又唔知點樣上訴，所以喺呢度向你表達我嘅 ...
逃出魔幻紀 發表於 2019/6/17 15:29

本人裁定樓主文章《人生列車的方向與燃料》按版規總則第F5條應移往適當版區（即基督宗教區），因該區亦發現 ...
抽刀斷水 發表於 2019/6/17 19:58
作者: beebeechan    時間: 2019/6/23 00:12

你在執法, 捍衛版規
但人地就話你濫用權力, 打壓自由發表喎
作者: 逃出魔幻紀    時間: 2019/6/23 00:14

呢個, 有待你具體地, 用書中既內容對比下香港呢21年發生嘅每件事幹, 同大家講下『盞鬼』「有趣」既地方係 ...
beebeechan 發表於 2019/6/22 23:26

呢個亦都係事實，係我心入邊對你嘅睇法（希望唔屬於論斷）：我哋每個人接收知識都係選擇性嘅，大家睇同一張報紙同一篇文章，A君睇到佢有興趣嘅abc內容而忽視def，B君就相反，佢嘅興趣係def，所以佢直接無視abc，呢種原理可以解釋到點解你同埋同你證件相同嘅人，對好多人認為香港這20年來各種自由縮下縮下就嚟渣都冇得剩嘅現像毫無感覺視而不見，就等於我睇報紙嘅時候，對於今年蛇齋餅粽嘅質量遜於去年，中學生去井岡山參拜革命先烈嘅報導完全唔會睇入眼記入腦。不過唔睇唔等於我唔知，因爲我同拿破崙係各種場合相處過好多時間，佢趷起條尾我就知佢想點,。譬如講: 嗰篇乜乜林鄭的十字架，同埋近來喺網上流行嘅《港兒，你媽到底欠了你什麼？8問香港》，都帶住非常詭異嘅統戰氣氛，大陸人執筆嘅痕跡非常明顯，分分鐘係收工男嗰班人掟出嚟嘅。
作者: 逃出魔幻紀    時間: 2019/6/23 00:17

談起言論自由，之前本網畀祖國封鎖，我以為是容許太多談keyword的言論。作為網站admin，我需要考慮的是，面 ...
抽刀斷水 發表於 2019/6/22 23:23

認同！雖然前景好悲觀。
作者: beebeechan    時間: 2019/6/23 00:20

本帖最後由 beebeechan 於 2019/6/23 00:24 編輯
分分鐘係收工男嗰班人掟出嚟嘅。
逃出魔幻紀 發表於 2019/6/23 00:14



    那論壇上, youtube 瘋傳的反送中, 警察柒樣, 為年青人心痛, 好同情.....又有無收工男代筆,掟出嚟呢?

五毛黨, 網絡宣傳.....係今日鬥爭必備, 必爭之地

所以, 我睇網, 係更加要小心, 用多啲智慧, 唔好隨便俾人亂點

例如:
真正的基督徒林鄭與她的十字架
#2
作者: beebeechan    時間: 2019/6/23 00:29

同埋近來喺網上流行嘅《港兒，你媽到底欠了你什麼？8問香港》，都帶住非常詭異嘅統戰氣氛，大陸人執筆嘅痕跡非常明顯，分分鐘係收工男嗰班人掟出嚟嘅。

逃出魔幻紀 發表於 2019/6/23 00:14


咁又唔好因為係大陸人執筆就唔啱聽,
呢啲都係由大陸人既角度嚟睇香港

你覺得佢講既唔啱,
你仲有僅餘既言論自由, 寫番篇《8答老媽》㗎喎
作者: beebeechan    時間: 2019/6/23 01:07

本帖最後由 beebeechan 於 2019/6/23 01:09 編輯
呢個亦都係事實，係我心入邊對你嘅睇法（希望唔屬於論斷）：我哋每個人接收知識都係選擇性嘅，大家睇同一 ...

呢個亦都係事實，係我心入邊對你嘅睇法（希望唔屬於論斷）：我哋每個人接收知識都係選擇性嘅，大家睇同一張報紙同一篇文章，A君睇到佢有興趣嘅abc內容而忽視def，B君就相反，佢嘅興趣係def，所以佢直接無視abc，呢種原理可以解釋到點解你同埋同你證件相同嘅人，對好多人認為香港這20年來各種自由縮下縮下就嚟渣都冇得剩嘅現像毫無感覺視而不見，
逃出魔幻紀 發表於 2019/6/23 00:14


所以我先至請你講清楚, 你睇到乜野.....
唔好淨係叫我去睇乜書物書, 睇咗就明....呢啲話係無用既

因為你睇到既, 你放到焦點既野,
唔一定係同我既焦點一樣.
作者: beebeechan    時間: 2019/6/23 01:12

譬如講: 嗰篇乜乜林鄭的十字架，同埋近來喺網上流行嘅《港兒，你媽到底欠了你什麼？8問香港》，都帶住非常詭異嘅統戰氣氛，大陸人執筆嘅痕跡非常明顯，分分鐘係收工男嗰班人掟出嚟嘅。
...
逃出魔幻紀 發表於 2019/6/23 00:14


講開又講,
林鄭的十字架係大陸人執筆,
大陸人好少會引到咁多經文出嚟㗎喎
呢啲唔係大陸收人工男既風格嚟
作者: 逃出魔幻紀    時間: 2019/6/23 15:45

所以我先至請你講清楚, 你睇到乜野.....
唔好淨係叫我去睇乜書物書, 睇咗就明....呢啲話係無用既

因為你 ...
beebeechan 發表於 2019/6/23 01:07


我覺得討論問題，清楚講明咗自己嘅立場同理據就得喇，如果你唔同意對方嘅觀點而要求逐點詳細講清楚，唔係唔得，係要花相當相當多嘅時間同精力，每個班都要寫一篇論文咁長先解釋得清楚（甚至未必足夠），邊有咁多時間呢？你如果參加研討會，各嘉賓發表主題演講之後，通常係預返十零分鐘畀聽眾發問，國務院發言人答記者問題都係一句起兩句止以表明國家立場。研討會嘅主要功能係集思廣益啟發思考，而唔係為咗將各方意見來於一尊統一都冇雜音。

我推薦你睇乜睇物，係因為你逐點質疑我嘅立場要我詳細解釋，我就將我立場嘅理論基礎話畀你知，譬如我對香港局勢及前途嘅睇法來自對中國現代史嘅深入關注以及《動物農莊》、《血酬定律-中國歷史中的生存遊戲》同埋《潛規則-中國歷史上的進退遊戲》等書（當然唔止呢幾本），亦都來自我幾十年嘅親身經歷（我曾經喺大陸坐過監、乞過食）。你可能對中國現代史瞭解唔深，噉就更加難令你明白我講緊乜，所以，你如果想瞭解清楚我嘅立場，我覺得我已經提供咗足夠嘅資料。

相反，雖然我好多謝你俾我知道香港有啲人係噉樣睇法， 但係你嘅觀點何以形成怎樣認識我真係唔係好清楚，你亦都可以向我介紹一啲你認為超正嘅理論書或者文章，等我知道你點解噉諗，譬如話共產黨宣言、毛澤東選集或者大大嘅思想等，不過希望唔係《八問》嗰類，因為嗰啲係完全錯誤嘅嘢。

除咗時間上不可行，我唔想詳細答你嘅原因係：如果想逐點逐點詳細解釋清楚，必須要寫大量嘅敏感詞，例如地名（西廠啊身薑啊）、事件、人物、歷史文件等等，俾人開咗快佬我咪周身蟻？以你嘅立場你講得越多阿爺越高興，我唔同你，我仲成日上大陸架。

講開又講，我最近，同一個身薑朋友（漢族）飲茶，佢話我聽喺薑成日行行下街俾差人查電話，攞嚿嘢出嚟dud下你個電話，睇下有冇上過境外網站，如果有嘅話哩……水洗都唔清。鞋……，呢樣嘢第日如果喺香港發生我覺得一啲都唔奇怪，我真係好悲觀，好攰，唔好再逐條追問我喇，我滿足你唔到，唔好意思！鍾意就思考研究下，唔鍾意就得個知字算啦！
作者: beebeechan    時間: 2019/6/23 20:04

本帖最後由 beebeechan 於 2019/6/23 20:14 編輯
除咗時間上不可行，我唔想詳細答你嘅原因係：如果想逐點逐點詳細解釋清楚，必須要寫大量嘅敏感詞，例如地名（西廠啊身薑啊）、事件、人物、歷史文件等等，俾人開咗快佬我咪周身蟻？以你嘅立場你講得越多阿爺越高興，我唔同你，我仲成日上大陸架。

講開又講，我最近，同一個身薑朋友（漢族）飲茶，佢話我聽喺薑成日行行下街俾差人查電話，攞嚿嘢出嚟dud下你個電話，睇下有冇上過境外網站，如果有嘅話哩……水洗都唔清。鞋……，
逃出魔幻紀 發表於 2019/6/23 15:45



    係我哋身邊，周時都充斥唔少這類資訊

我聽朋友講。。。。（朋友又可能聽人講）。。。。。
繪形繪聲。。。。疑真疑假
又証明唔到係真有此事 （雖然，我都無資料去証明無咁既事）

細時同人講鬼故，為使更動聽，通常都例牌加句： 呢件係真人真事嚟。。。。。

早十幾年前，香港都流傳呢個消息：
在羅湖城，有人無故失踪，在廁所搵番時，
發覺已經無咗個腎！！！
（嚇到好多人，尤其係啲師奶，真係唔敢返大陸，旅行都唔敢！）
作者: beebeechan    時間: 2019/6/23 20:08

本帖最後由 beebeechan 於 2019/6/23 21:50 編輯
除咗時間上不可行，我唔想詳細答你嘅原因係：如果想逐點逐點詳細解釋清楚，必須要寫大量嘅敏感詞，例如地名（西廠啊身薑啊）、事件、人物、歷史文件等等，俾人開咗快佬我咪周身蟻？以你嘅立場你講得越多阿爺越高興，我唔同你，我仲成日上大陸架。

逃出魔幻紀 發表於 2019/6/23 15:45



    我都聽朋友講過，就算係民主好自由既美國
如在網上發表甚麼： 塔利班，習激，怍若，艾呦艾S，AK47, 。。。隨時會有 FBI破門而入



－－－－－－－－

後加

https://www.theguardian.com/world/2013/aug/01/new-york-police-terrorism-pressure-cooker


https://www.pcworld.com/article/2045733/viral-story-of-google-searches-prompting-a-raid-from-the-authorities-is-not-exactly-true.html

（原來又真有其事）
作者: beebeechan    時間: 2019/6/23 20:11

本帖最後由 beebeechan 於 2019/6/23 20:16 編輯
講開又講，我最近，同一個身薑朋友（漢族）飲茶，佢話我聽喺薑成日行行下街俾差人查電話，攞嚿嘢出嚟dud下你個電話，睇下有冇上過境外網站，如果有嘅話哩……水洗都唔清。鞋……

逃出魔幻紀 發表於 2019/6/23 15:45



    就算俾呢個係真事，講者有無誇張咗呢？
係香港地，警察都周時截停某人（當然係可疑人物），查身份証
呢個係合情也合法既喎



「睇下有冇上過境外網站，如果有嘅話哩…」
翻牆，呢啲好多內地網友都曉㗎哩
作者: 抽刀斷水    時間: 2019/6/23 21:17

咁查實係現在祖國鎖少咗, 空間大咗丫,
定係你跪低咗?
beebeechan 發表於 2019/6/22 23:31



    習sir上場後，言論空間只會愈來愈小，不會存在空間大咗呢回事。
據身在祖國的本網網友報告，翻牆已是十分艱難的事情，你見到很多人可以翻牆，是因為他們有合法渠道去bypass the great wall。
作者: 逃出魔幻紀    時間: 2019/6/23 22:45

係我哋身邊，周時都充斥唔少這類資訊

我聽朋友講。。。。（朋友又可能聽人講）。。。。。
繪形繪聲 ...
beebeechan 發表於 2019/6/23 20:04

我都話最近同來自身薑嘅身薑漢人朋友飲茶咯！你係要包拗頸嘅。如果你近半年嚟有留意新聞，香港同外國嘅新聞，你會聽到有關嗰度啲土著受到乜嘢對待，事件驚動國際。我喺飲茶期間，問來自身薑嘅漢人朋友，係咪土著周街畀人查電話查到就大鑊？佢話“我都成日俾人查啦，我喺外省翻過牆嘅電話喺嗰度唔用得架，查到好大鑊架”噉話。
唔緊要啦, 你有你嘅自豪, 我有我嘅悲觀同絕望, 大家知道對方係乜野人咪得囉。呢個世界冇可能得一種人嘅,。
作者: 逃出魔幻紀    時間: 2019/6/23 22:49

習sir上場後，言論空間只會愈來愈小，不會存在空間大咗呢回事。
據身在祖國的本網網友報告，翻牆已 ...
抽刀斷水 發表於 2019/6/23 21:17

最近幅墻真係封實左加高咗好多，不過有啲大公司唔知用乜嘢途徑可以集體解鎖翻牆。
作者: beebeechan    時間: 2019/6/23 23:29

最近幅墻真係封實左加高咗好多，不過有啲大公司唔知用乜嘢途徑可以集體解鎖翻牆。 ...
逃出魔幻紀 發表於 2019/6/23 22:49


依家唔係講翻牆容易咗定係難咗。
係翻牆，翻過牆既就觸法，會被拉，被鎖。。。。
定係你有本事翻我度牆就係你本事，你好野！，咁唶
作者: beebeechan    時間: 2019/6/23 23:40

本帖最後由 beebeechan 於 2019/6/23 23:51 編輯
我都話最近同來自身薑嘅身薑漢人朋友飲茶咯！你係要包拗頸嘅。
逃出魔幻紀 發表於 2019/6/23 22:45


我都無話係你講大話
我係話你朋友講時，有無誇張咗
作者: 逃出魔幻紀    時間: 2019/6/23 23:45

我都無話係係講大話
我係咪你朋友講時，有無誇張咗
beebeechan 發表於 2019/6/23 23:40

我係基督徒，我基本唔講大話，唔覺意講咗小小我都會即刻向耶穌祈禱。呢個朋友係接近親戚咁好關係嘅朋友。
作者: beebeechan    時間: 2019/6/23 23:45

本帖最後由 beebeechan 於 2019/6/23 23:56 編輯
你會聽到有關嗰度啲土著受到乜嘢對待，事件驚動國際。我喺飲茶期間，問來自身薑嘅漢人朋友，係咪土著周街畀人查電話查到就大鑊？
逃出魔幻紀 發表於 2019/6/23 22:45


我就呢個「真人真事」有兩個問題
你強調這查手機一事，係發生在新薑，
大家都知新薑東藏搞緊乜政治行動，公安明顯係要針對薑人，係咪公安連薑人漢人都唔曉分？
要對你朋友（你指明係漢族）都要玩嚴查？

或者係你朋友個樣好夠薑？



佢話我聽喺薑成日行行下街俾差人查電話，攞嚿嘢出嚟dud下你個電話，睇下有冇上過境外網站，如果有嘅話哩……水洗都唔清。




若話查手機有無上過外國網站，係全國性既監管嚟，唔係針對薑藏人
咁其它城市，廣州，上海，武漢。。。。。有無人咁講呢
（你有無朋友係過啲城市）
作者: beebeechan    時間: 2019/6/24 00:00

習sir上場後，言論空間只會愈來愈小，不會存在空間大咗呢回事。
據身在祖國的本網網友報告，翻牆已 ...
抽刀斷水 發表於 2019/6/23 21:17


空間愈來愈小
    而點解宜家內地又可以上到離教者之家？

我好似曾經在廣州上過
（唔係記得咁清楚）
作者: beebeechan    時間: 2019/6/24 00:27

我唔同你，我仲成日上大陸架
逃出魔幻紀 發表於 2019/6/23 15:45



    咁要捉呢類人，
更加唔需要逃犯條例
你自動送中
作者: 抽刀斷水    時間: 2019/6/24 02:20

空間愈來愈小
    而點解宜家內地又可以上到離教者之家？

我好似曾經在廣州上過
（唔係記得咁清楚） ...
beebeechan 發表於 2019/6/24 00:00



    你依家試下再講。
作者: 逃出魔幻紀    時間: 2019/6/24 16:32

我就呢個「真人真事」有兩個問題
你強調這查手機一事，係發生在新薑，
大家都知新薑東藏搞緊乜政治行動， ...
beebeechan 發表於 2019/6/23 23:45

真係俾你吹漲，你好似中文都睇唔明噉，邏輯仲好奇怪添。
1）我個漢人樣嘅漢人朋友飲茶嘅時候繼續講：“噉樣搞法，當地嘅漢人都好有意見。”
2）如果你唔係邏輯混亂，我就開始明白多啲你諗緊乜嘢：你係想槍斃曬香港D資本家地主富農，所有大企業由保皇黨掌管，內設黨組織（或者由你做書記），香港從此變成同廣州上海武漢毫無分別嘅城市。我估到你又想駁啲乜, 如果你想我答你, 你必須讀歷史而唔係喺google維基度搵的係人都可以編寫嘅快餐材料。
3）我好想知道你喺“沒完沒了”入邊得到嘅快感，係點樣嘅？呢樣嘢對我係一個謎。
作者: beebeechan    時間: 2019/6/24 21:13

真係俾你吹漲，你好似中文都睇唔明噉，邏輯仲好奇怪添
1）我個漢人樣嘅漢人朋友飲茶嘅時候繼續講：“噉樣搞法，當地嘅漢人都好有意見。”
逃出魔幻紀 發表於 2019/6/24 16:32



唔係我中文同邏輯有問題，
係你既記性有問題。


漢人朋友飲茶嘅時候繼續講：“噉樣搞法，當地嘅漢人都好有意見。


呢句話，在你上邊＃70, ＃75 從未提及過。
在＃80 經我質疑下，你才作出的修補。


你個飲茶新彊朋友講咗乜，不如你一次過講哂出嚟。
唔好事後又後加： 佢「繼續講........」
作者: beebeechan    時間: 2019/6/24 21:14

本帖最後由 beebeechan 於 2019/6/25 04:01 編輯
逃出魔幻紀 發表於 2019/6/24 16:32
2）如果你唔係邏輯混亂，我就開始明白多啲你諗緊乜嘢：你係想槍斃曬香港D資本家地主富農，所有大企業由保皇黨掌管，內設黨組織（或者由你做書記），香港從此變成同廣州上海武漢毫無分別嘅城市。我估到你又想駁啲乜, 如果你想我答你, 你必須讀歷史而唔係喺google維基度搵的係人都可以編寫嘅快餐材料。



呢啲係你既幻想嚟，唔係 「(beebeechan)想。。。」
作者: beebeechan    時間: 2019/6/24 21:27

你必須讀歷史而唔係喺google維基度搵的係人都可以編寫嘅快餐材料。
...
逃出魔幻紀 發表於 2019/6/24 16:32


我既分析，全部基於是你所提供的資料。

點樣維基google ，都冇「身薑漢族飲茶朋友」
作者: beebeechan    時間: 2019/6/24 21:38

本帖最後由 beebeechan 於 2019/6/25 04:26 編輯
    對有爭議大既話題，
能睇在言論自由下，「係人都可以編寫嘅快餐材料」
總好過只係睇「一種材料」。

逃出魔幻紀 發表於 2019/6/24 16:32


你說的話是有對的地方，
但不等如「係人都可以編寫嘅快餐材料」（其實係與你意見不同既材料）就是全錯，一無是處既
作者: beebeechan    時間: 2019/6/24 21:48

真係俾你吹漲，你好似中文都睇唔明噉，邏輯仲好奇怪添。
1）我個漢人樣嘅漢人朋友飲茶嘅時候繼續講：“噉樣搞法，當地嘅漢人都好有意見。”
2）如果你唔係邏輯混亂，我就開始明白多啲你諗緊乜嘢：你係想槍斃曬香港D資本家地主富農，所有大企業由保皇黨掌管，內設黨組織（或者由你做書記），香港從此變成同廣州上海武漢毫無分別嘅城市。我估到你又想駁啲乜, 如果你想我答你, 你必須讀歷史而唔係喺google維基度搵的係人都可以編寫嘅快餐材料。
3）我好想知道你喺“沒完沒了”入邊得到嘅快感，係點樣嘅？呢樣嘢對我係一個謎。

逃出魔幻紀 發表於 2019/6/24 16:32



你吹漲我既地方，係你不是就我的提問質疑反辯來回應，
只是話我：
「中文都睇唔明」；「邏輯仲好奇怪」；「邏輯混亂」；「“沒完沒了”」....
這些對弄清楚事一點也没有幫助的話。
作者: 逃出魔幻紀    時間: 2019/6/24 21:53

唔係我中文同邏輯有問題，
係你既記性有問題。

呢句話，在你上邊＃70, ＃75 從未提及過。
在＃80 經 ...
beebeechan 發表於 2019/6/24 21:13

  #75: ……問來自身薑嘅漢人朋友，係咪土著周街畀人查電話查到就大鑊？佢話“我都成日俾人查啦，我喺外省翻過牆嘅電話喺嗰度唔用得架，查到好大鑊架”噉話。……
係講緊佢話：“我都成日俾人查……
根據我嘅經驗, 我哋遇到嘅每件事、每個人, 都係天主嘅特別安排, 你打爛沙盤吹到BB聲, 你可能係天主派嚟扮演中醫角色, 催穀曬我啲熱毒暗瘡燥底出嚟, 等我知道自己有乜嘢病再对症下藥醫治。呢幾日我同你傾偈，犯咗好多論斷、驕傲、不愛人如己、惡屌、有些少憤怒……等等罪, 好在一直有嬲過你, 如果唔係就犯左嬲兄弟等於殺人罪嗰條, 諗返轉頭好不安好慚愧, 有排向耶穌懺悔, 亦請你原諒我, 得閒多D互相探討下天主嘅道理吖。
作者: beebeechan    時間: 2019/6/24 22:02

呢幾日我同你傾偈，犯咗好多論斷、驕傲、不愛人如己、惡屌、有些少憤怒……等等罪
逃出魔幻紀 發表於 2019/6/24 21:53



    討論期間，沉不住氣，
好普遍唶
作者: 逃出魔幻紀    時間: 2019/6/24 22:44

討論期間，沉不住氣，
好普遍唶
beebeechan 發表於 2019/6/24 22:02

以前憎任權做特首嗰陣成日犯呢樣嘢，睇得出佢而家都好努力，但係都好唔滿意自己，唉……！呢樣嘢有排搞，忽然間覺得你係我嘅天使。
作者: beebeechan    時間: 2019/6/25 00:02

以前憎任權做特首嗰陣成日犯呢樣嘢，睇得出佢而家都好努力，但係都好唔滿意自己，唉……！呢樣嘢有排搞， ...
逃出魔幻紀 2019/6/24 22:44 提交


    耶穌既門徒都會好火爆，
傳教時啲村民唔 buy 佢地，
就話要天火一把火燒哂條村，
伯多祿仲掹刀劈友。
作者: beebeechan    時間: 2019/6/25 00:04

後期就煉到馴哂
任打，任拉，任釘
作者: beebeechan    時間: 2019/6/25 04:05

呢幾日我同你傾偈，犯咗好多論斷、驕傲、不愛人如己、惡屌、有些少憤怒……等等罪
逃出魔幻紀 發表於 2019/6/24 21:53

討論期間，沉不住氣，
好普遍唶

「旁觀者」我都要頂，
無理由頂你唔住既
作者: beebeechan    時間: 2019/6/25 04:26

本帖最後由 beebeechan 於 2019/6/25 04:27 編輯
  對有爭議大既話題，
能睇在言論自由下，「係人都可以編寫嘅快餐材料」
總好過只係睇「一種材料」。

逃出魔幻紀 發表於 2019/6/24 16:32


查實都幾諷刺，
內地人想睇「係人都可以編寫嘅快餐材料」，但無得睇，只係睇到一種材料

香港地既人，尤其係呢一個禮拜既人，
明明有「係人都可以編寫嘅快餐材料」可以任睇
佢地，又係只睇一種材料
（其實，又係無好好珍惜僅有的.......言論自由)
作者: 逃出魔幻紀    時間: 2019/6/25 07:54

回覆 96# beebeechan

哈！諗住講自己犯咗“惡表”，點知寫咗“惡屌“，連粗口都講埋……撞邪噉！
作者: beebeechan    時間: 2019/6/25 09:52

回覆  beebeechan

哈！諗住講自己犯咗“惡表”，點知寫咗“惡屌“，連粗口都講埋……撞邪噉！ ...
逃出魔幻紀 發表於 2019/6/25 07:54



    個網站呢幾日都係撞咗邪哩

一日流量成1000000?
作者: 抽刀斷水    時間: 2019/6/25 20:51

個網站呢幾日都係撞咗邪哩

一日流量成1000000?
beebeechan 發表於 2019/6/25 09:52



    對於超自然現象，唔鍾意就話係撞邪，鍾意就話係神蹟，呢類人就係神神化化人。

非神神化化人，就會理解為：系統出現問題？國家級駭客攻擊？宗教仇視網絡打手企圖癱瘓網站，之類。
作者: beebeechan    時間: 2019/6/25 21:08

本帖最後由 beebeechan 於 2019/6/25 21:09 編輯
系統出現問題？國家級駭客攻擊？宗教仇視網絡打手企圖癱瘓網站
抽刀斷水 發表於 2019/6/25 20:51


日常語中的撞邪，不一定指神神怪怪，
泛指有異日常狀態而已，
所以，「系統出現問題？國家級駭客攻擊？宗教仇視網絡打手企圖癱瘓網站」都屬「撞邪」的範疇



歡迎光臨 離教者之家 (https://exchristian.hk/forum/) Powered by Discuz! 7.2