離教者之家 - Powered by Discuz! Board

標題: 請大家幫幫忙！ [打印本頁]

作者: 迷彩朱古力 時間: 2007/3/17 23:47 標題: 請大家幫幫忙！

我有一位朋友，佢因教會氣氛使然，在巨大的經濟壓力底下，還辭退一份高人工又受人尊重既工作，全時間讀神學。在讀神學過程，他深知自己唔係做牧師既材料，只好在神學畢業後再找工作，但已不能再找回昔日的人工(依家既工作薪水，只係昔日既三份一)。在幾年的經濟壓力下，佢解決不了，又多次想過自殺。亦在如此大的打擊下，佢終於清醒，決定離教。但今日佢在電話中向我哭訴，不能承受面前的經濟壓力，也很後悔當初如此衝動去讀神學，佢咁情況，大家有乜好建議？當然唔係要大家出錢去幫佢，而係想大家俾d建議我，點樣關顧佢好！

作者: 抽刀斷水 時間: 2007/3/18 12:31

原帖由 迷彩朱古力 於 2007-3-17 23:47 發表
我有一位朋友，佢因教會氣氛使然，在巨大的經濟壓力底下，還辭退一份高人工又受人尊重既工作，全時間讀神學。在讀神學過程，他深知自己唔係做牧師既材料，只好在神學畢業後再找工作，但已不能再找回昔日的人工(依家既工作薪水， ...

朱姐絕對是一位很好的聆聽者及很溫柔的安慰者，對於心靈上的安慰，我相信朱姐已做得很好了，尤其朱姐也是離教者，對於在教會的一切與醒悟後的感受處理，朱姐肯定是深切了解及勝任有餘。

經濟壓力的問題，大部分香港人或多或少都會有，尤其對於之前經濟不景氣，亦有不少人的工作收入也是大不如前，這些亦不是我和你都能解決的問題，亦不再是離不離教的問題了。你的朋友有自殺傾向，也是各種壓力所致，那當然可以找尋有關專業渠道處理，但朱姐也可以基於你朋友對你的信任而處理得更好。

我的愚見，是先安穩好你朋友的情緒，讓心情平伏下來，其他的事才有力量去自己面對。這個過程，對朱姐來說可能要花很大力量，我相信朱姐是很有耐性的人，但朱姐也要衡量一下自己能否承受。否則，就應尋求香港撒瑪利亞防止自殺會、社會福利署或有關機構的協助。

很對不起，朱姐可能覺得我沒有甚麼實質的建議。其實，能做到朱姐的朋友，已經好幸福啦，又駛乜死呢？

作者: 匿名 時間: 2007/3/18 13:05

原帖由 迷彩朱古力 於 2007-3-17 23:47 發表
我有一位朋友，佢因教會氣氛使然，在巨大的經濟壓力底下，還辭退一份高人工又受人尊重既工作，全時間讀神學。在讀神學過程，他深知自己唔係做牧師既材料，只好在神學畢業後再找工作，但已不能再找回昔日的人工(依家既工作薪水， ...

朱姐, 見到你朋友呢個情況, 覺得好可惜... 唔止陪上時間, 仲陪上前途.
一個人之所以自殺, 並唔會係因為單一問題所致.
以你朋友情況黎睇, 對佢最大困擾其實係信仰同意志geh崩潰, 你可以介紹佢上黎丫, 等大家可以比D支持動力佢.

至於財務狀況, 我可以用我有限geh理財知識黎試下幫佢geh. 其實市面上有好多財務工具幫得到佢. 如果佢有一份職業, 最簡單, 最容易geh就係可以做IVA, 如果到頭來真係搞唔掂的話, 就唯有申請破產架喇. 當然, 單單財務上geh問題好少會令一個人選擇去死. 要死geh原因, 係因為財務引申geh各種問題, 而你geh朋友, 就再加上佢信仰上geh崩潰.

對佢geh離教情緒作出適當開解之餘, 都要盡快同佢制定一個合適geh財務方案....
希望問題可以盡快得到解決啦

作者: kenrickchow 時間: 2007/3/18 13:06

原帖由 Guest from 218.102.201.x 於 2007-3-18 13:05 發表

朱姐, 見到你朋友呢個情況, 覺得好可惜... 唔止陪上時間, 仲陪上前途.
一個人之所以自殺, 並唔會係因為單一問題所致.
以你朋友情況黎睇, 對佢最大困擾其實係信仰同意志geh崩潰, 你可以介紹佢上黎丫, 等大家可以比D ...

小弟黎geh

作者: kenrickchow 時間: 2007/3/18 13:30

朱姐, 少少資料比你朋友參考下...
http://www.oro.gov.hk/cht/publications/ivaguide.htm

如果佢係因為債務支出而煩惱的話, IVA係一個唔錯geh選擇黎geh
不過問題一單還一單, 佢之所以有自殺傾向唔會係因為單單經濟問題引致...

就算依家同佢解決左面前呢一關, 佢他日都會因為另一D小問題又重提自殺.
其實問題晶結所在, 係佢geh離教情緒... 呢一點就有勞朱姐多開解, 同埋幫佢尋找適當geh協助喇^^

作者: 匿名 時間: 2007/3/18 23:02

原帖由 迷彩朱古力 於 2007-3-17 23:47 發表
但今日佢在電話中向我哭訴，不能承受面前的經濟壓力，也很後悔當初如此衝動去讀神學

當前急務, 係幫佢搵返份工. 冇工返, 人好自然會欠缺自信, 咩防止自殺會都係得個講字. 搵到份工, 個人有左寄託, 有返少少錢, 有自信, 有返認同感, 人先會識得笑. 朋友安慰的說話, 唔係唔好, 不過只治標, 安慰完佢又要面對返現實, 不如一次過幫佢解決現實問題仲實際.

你試下搵個事業有成既朋友, 睇下有冇工介紹 ? 熟人介紹, 會照顧得佢好少少. 就算冇得介紹, 都可以俾搵工既意見佢.

作者: Invisible 時間: 2007/3/18 23:46

原帖由 Guest from 219.77.181.x 於 2007-3-18 23:02 發表

當前急務, 係幫佢搵返份工. 冇工返, 人好自然會欠缺自信, 咩防止自殺會都係得個講字. 搵到份工, 個人有左寄託, 有返少少錢, 有自信, 有返認同感, 人先會識得笑. 朋友安慰的說話, 唔係唔好, 不過只治標, 安慰完 ...

講得冇錯。朋友既安慰固然重要，不過如果真係想幫佢，最好就係鼓勵佢去搵工

講起搵工，當然叫佢睇求職指南。宜家市面上有D求職指南(好似recruit、招職jiujik、仲有就係job market同埋classfied post)如果朱姐果位朋友本身有一定既工作經驗，單係去睇呢D求職指南，想搵到工應該唔難(雖然晌得呢類指南度登出黎既工，有一半都要求幾高下，不過都值得佢試，總好過連機會都唔把握)再唔係既，就去勞工處或者透過agent(小妹個人覺得，勞工處比agent可靠得多)

講下少少題外話，根據小妹部分親戚既經驗，晌三、四月呢段時間，最適合就係搵工同轉工。一般黎講，通常到左五、六月開始，到新年出bonus呢段時間，好多人多數都唔會貿然跳槽，晌呢種情況之下，理論上係冇咁易搵到份工。不過就算係咁，點都係果句，幫你果位朋友搵工做最實際同最有建設性。就算花左幾耐時間搵工都好，最重要就係叫佢好好把握機會

作者: Step.King 時間: 2007/3/19 00:04

如果朱古力你的朋友有自殺傾向就應先處理這方面的問題 ...
這段時間應是非常時期極需要有朋友於身邊支持要多一點和他傾談
留意他情緒發展  如果有什麼不妥  可先勸他去防止自殺的機構尋找協助

至於經濟壓力...得先要了解他的壓力來源方可以下定論...小弟此方面可沒什麼主意  總離不開開源節流吧...但我覺得有必要慢慢說服他要他接受人工大不如前這事實  不然他看到教會中的牧師高身厚職自己讀完神學就如此景況  只會令他整日活在痛恨之中難以自拔 ...

至於信仰題嘛...讓他一切情緒安靜下來再慢慢想吧
反正他也決定離開教會  無必再為教會之事而煩心 ...

作者: 迷彩朱古力 時間: 2007/3/19 00:30

謝謝各位關心，我朋友依家心情總算平靜下來！

離家有一班關心人的戰士，正是離教者的需要！

作者: Step.King 時間: 2007/3/19 07:27

原帖由 迷彩朱古力 於 2007-3-19 00:30 發表
謝謝各位關心，我朋友依家心情總算平靜下來！

離家有一班關心人的戰士，正是離教者的需要！

朱姐解鈴還須繫鈴人關鍵的是你的朋友是否可以重拾生存的鬥志
多點鼓勵他吧

作者: 天煞孤星 時間: 2007/3/27 15:47

我覺得佢要面對同埋接受現實囉，搵唔番以前的人工，咪唔好咁大駛囉，如果佢唔變下以前的駛錢方式，佢就無法得到滿足.....個時高人工就可以買名牌姐，依家低人工就要買便宜貨架啦....如果佢仲係唔改變以前的生活方式，邊個都幫唔到佢架....好多野決定左就無得話後悔架啦，當初佢唔聽人地勸告就衝動去辭職讀神學，佢應該承擔番佢選擇依條路的責任(好似講得好無人情味呢........) 至於朋友方面梗係重要啦，一個人到左低谷時好需要朋友幫忙分擔痛苦.....佢有自殺傾向就要小心啦....

唉.........一個人由高處跌入最低谷時，又真係好傷好傷0既........我朋友個個都搵唔夠一萬蚊人工都無話唔開心.......反而有人由好高人工跌到得低人工可能真係接受唔到呢...........仲係佢自己的選擇攪到咁樣，佢一定好後悔當初唔聽人講.......

作者: 迷彩朱古力 時間: 2007/4/4 23:24

送俾哩位朋友既打油詩︰

快ｄ一齊諗下計，莫將青春來浪費，

雖然未算得上位，只要收入唔係曳，

將目前困境救濟，就得米！就得米！

歡迎光臨離教者之家 (https://exchristian.hk/forum/)