返回列表 回覆 發帖

参加教会相遇营之后,发觉基督教好恐怖

我同我F都唔系香港人,因为因缘际遇嘅关系,有个传教嘅香港叔叔去我F屋企传福音,因为香港叔叔系识我F个表叔嘅,所以就知道距间教会系正规教会,唔会系邪教。当时我都在场,因为人情压力,我同我F都信左基督,当时一起信嘅,仲有我F嘅爸爸,之后,香港教会个叔叔就时不时上来大陆,去我F屋企传福音,牧养我地。当时我都唔系好在意,觉得基督教都系唔错嘅,但系香港叔叔经常讲耶稣,我就唔多中意。一直到今年8月份,我F同距爸爸一齐去左香港教会受浸,当时我都霖住一齐去,但系因为签证问题我去唔到,但系9月份都系去左香港受浸,间教会系旺角嘅。受浸之后,个叔叔又一直叫我地参加教会活动,都系因为人情压力啦,我同我个F就参加左教会嘅女士相遇营。
     相遇营入面,用距地嘅话语来讲,就系好多好属灵嘅姊妹,帮助一D好似我地甘,不太有信心嘅人,帮助我地嘅灵命成长。个相遇营系3日2夜全封闭式嘅,每日都敬拜啦,听人讲见证啦,读圣经啦,之类。第二日开始,我就有一个感觉:好似传销,俾人恐吓同洗脑!当时我冇同我F讲,霖住完左,翻大陆先同距讲我嘅感受。
      点解我会觉得俾人洗脑呢,系因为,神唔中意人做一D神唔中意嘅野,例如煲剧、上网、打机。行街。总之就唔可以体贴肉体,体贴肉体就系罪,就要落地狱。但系,如果系甘嘅话,日常生活中,我真系时时刻刻都犯罪。再者,如果唔听神嘅话语,就要落地狱,我觉得俾人恐吓lor。
      点解我会觉得似传销呢,系因为,我一个信,好系好,但系最好就劝埋爸爸妈妈信啦,如果结婚,就要同基督徒结婚,我就话:大陆好难稳基督徒喔。距地就话:祈祷啦,神会预备,要有信心,要等。问题系,相遇营入面未婚嘅女士,距地都等紧主安排,重点系距地都30~40岁不等,难道我遇到一个合适嘅人,仅仅因为对方唔系基督徒,就放弃原本属于自己嘅幸福?fine,如果男朋友系基督徒,距地都会话,最好连男朋友屋企人都信主啦。我明白传福音系距地觉得好重要嘅事,但是,真系好似传销lor。
      好啦,基督徒对两性关系要求都好严格,系绝对反对同性恋嘅。但系起女士相遇营入面,我见到有好几个外形好似T嘅女仔,当然,唔可以以貌取人,距地表现得相当属灵。我F就叫我留意其中两个女仔,因为有两个女仔系戴情侣手表,当时我劝自己唔好霖甘多,可能人地感情好好呢,但系其中一个女仔嘅外表都系T。。。当一个姊妹上去讲婚姻时,距就要求我地等,唔可以同唔系基督徒嘅人一齐,唔可以婚前性行为,如果同唔系基督徒嘅人一齐或者婚前性行为,婚姻就唔会被祝福,就会被诅咒,听到我好惊,真系好惊,因为我男朋友唔系基督徒,而且短期内都唔会信教。之后个姊妹又讲,如果以后真系识到个心仪嘅男性,但系距又唔系基督徒,唔紧要,带距翻教会,俾牧师过目,等距信主,就可以发展,牧师话可以结婚,上埋婚前教育课程,就可以结婚。原来,基督徒嘅婚姻,系牧师决定而唔系双方自由发展。当时我就觉得好无稽。
      仲有个环节系除诅咒,俾一份野你,上面写左好多基督教认为系异端邪教嘅野同唔复合教义嘅野,包括佛教,天主教,讲大话,同性恋等等等等。夸张嘅系,连孔子孟子荀子庄子老子,都起其中。身为中国人,连孔子都认为系诅咒嘅一个原因,甘同忘本有咩分别,我真系理解唔到。我就问一个姊妹点解连孔子都系异端啊?姊妹话:因为孔子俾人造成偶像,有人去拜。
      最后,距地仲教我地领受方言,当时距地好似念咒语甘,我觉得好恐怖。有个姊妹帮我祈祷,一面用方言祈祷一面叫圣灵充满我,后来我觉得企起度又唔讲好似唔系几好,米跟住距甘讲,距地就话我领受左方言系因为圣灵充满左我。呃。。。其实,我觉得系我跟住距讲。。。lor。。。
      翻来大陆,我精神状态非常差,因为相遇营嘅关系,我之前所以嘅世界观,人生观,价值观,都同教会发生好大冲突。继而,我又提出好多疑问,例如神爱世人,但系点解唔信距就要落地狱?圣经又点解释恐龙嘅存在?等等。总之,我觉得精神状态好差,甚至因为宗教问题,同原本感情好好嘅男朋友大吵几次,虽然宜家霖翻觉得好唔值得。我将我嘅疑虑同翻我个F讲,我个F去左相遇营之后,同我系两种情况,距经过3日嘅浸淫之后,更加相信基督,对我嘅疑虑系抱批评嘅态度。
      之后我就稳一D长辈同朋友倾述,当然,起基督徒眼中,我系稳紧撒旦魔鬼倾诉。长辈同朋友都支持我按照自己觉得舒服的方式生活落去,因为死后嘅事,冇人知,珍惜身边拥有嘅,珍惜眼下嘅生活先系重要嘅。宜家我稳到哩嘅网,见到好多同我一样嘅人,终于冇甘惊,其实我真系好惊落地狱,哈哈。
PS:点样为之离教?系米唔翻教会就得?希望有人话我知啦!THX!
唔记得登录先发上来。。。
611靈糧堂?
回覆 1# Guest from 14.222.46.x


    離教既意思係返回沒有決過志/信過教的狀態,即是不再相信耶穌是神或救世主。

假如你現在就已經不相信的話,我便可把一樓的文章貼在網站中成為離教見證。
回覆  Guest from 14.222.46.x

離教既意思係返回沒有決過志/信過教的狀態,即是不再相信耶穌是神或救世主

抽刀斷水 發表於 2012/10/28 20:33


真係無改錯名, 見水你就抽

帖主無話「不再相信耶穌是神或救世主」啵, 
成篇文都係在說教會人處事, 講話的方法好恐佈
支持樓主離教......佢地ge傳教手法係錯ge

我都係因為我中意佛教,好多基督教朋友視我為異端......

天主教的態度好一些,但係都一樣有摩擦,主要天主教不同意我保留觀音信仰
本帖最後由 beebeechan 於 2012/10/28 21:22 編輯
天主教的態度好一些,但係都一樣有摩擦,主要天主教不同意我保留觀音信仰
..
哈佛專家 發表於 2012/10/28 21:17


咁你咪專心拜觀音囉...
好事黎唶.
兩個揀一個, 唔係咁難唶
拍拖時, 你可以有幾個女朋友,
拍拍下, 愈親蜜時便要減去一些,
最後..
你都唔可以同時娶兩個老婆哩....係咪
真係無改錯名, 見水你就抽

帖主無話「不再相信耶穌是神或救世主」啵, 
成篇文都係在說教會人處事, ...
beebeechan 發表於 2012/10/28 20:51



    我係解答緊樓主問既"點樣為之離教",並唔係你所講既抽水。

仲有beebeechan版友提提你,請在本區貼文前參閱本版宗旨及版規,有違反宗旨或版規的言論將會被移走,謝謝。
仲有beebeechan版友提提你,請在本區貼文前參閱本版宗旨及版規,有違反宗旨或版規的言論將會被移走,謝謝。
..
抽刀斷水 發表於 2012/10/28 21:26


唔岩聽既咪鏟走佢囉.
回覆 6# 哈佛專家


    中國人的宗教體系:儒、釋、道,都是傾向合一。正如一般普羅信眾往往搞不清楚拜黃大仙、車公是屬於哪個教一樣,觀音、關公、土地公、佛祖等也在一起上香。
就係咁講。最弊係信奉天主教或基督教的天基或基基都十分排斥佛教和道教。甚至排斥儒家。跟中國文化格格不入呢。
你可以查查"靈恩亂像" 這個可以幫到你

你上的教會看來是有點偏和極端
版主還未回来復?
本帖最後由 yane 於 2012/10/31 23:07 編輯

回覆 3# Guest from 203.210.0.x


    唔系啊,弥敦道附近嘅
回覆 4# 抽刀斷水


    我好想返回冇决志过嘅生活,但系咩地狱啊,诅咒啊,搞到我好惊啊!!!而且,神迹?我真系feel唔到lor。。。
回覆 11# 哈佛專家


    系啊。。。经常话你系咩异端啊,撒旦魔鬼啊之类的。。。。
回覆 12# Guest from 218.103.158.x


    咩来嘎?唔知大陆哩边查唔查到喔,好多关于福音嘅野,大陆网站都系拦截嘎
回覆 17# yane


    你有否看過我發給你的信息?
回覆 18# 64891687


    睇到啊,不过个line好似唔得
回覆 20# 64891687


    呃。。。唔好意思问句,你系离左教?定系做卧底嘎???
返回列表
高級模式 | 發新話題
B Color Image Link Quote Code Smilies
換一個