返回列表 回覆 發帖

高皓正成功爭取為黃大仙區正名為「慈黃區」

(原載於:http://waikin2000.blogspot.hk/2012/12/blog-post_20.html)

正所謂「好事不出門,壞事傳千里」,高皓正自從發表咗「順服論」之後,禮拜日(12月16日)重同「全城更新」等人一齊癲,將十八區中嘅黃大仙區正名做「慈黃區」,繼續混淆視聽。

「慈黃區」唔係高生所發明嘅。話說响2007年,有一個機構叫「全城更新」(我連名都未聽過)喺大球場舉行全球禱告日,有一則禱文係咁講:

故此我們大膽呼求禰,把本區的名稱更改,以一個中性的「慈黃區」取而代之!我們亦盼在區內能建立一座基督教大樓,見證教會合一及高舉主耶穌基督!

咁「精彩」嘅禱文,自然引來網友「側目」。之後呢,博客凱文根據搜尋器結果,推斷咗「慈黃區」嘅名稱一早已經被不少基督徒私下使用。至於你信唔信,反正我信了。

基督徒用「慈黃區」,無話犯唔犯法嘅,《聖經》無論由新約到舊約都敵視偶像,呢點都無錯。之但係「慈黃區」個名,係來自「慈雲山」同「黃大仙」嘅頭一個字,問題就喺呢度嘞。「慈黃區」有「慈雲山」又有「黃大仙」,一嚟個「黃」字已經代表「黃大仙」,二嚟「慈」字已經帶有佛教色彩。即係咁,以前慈雲山山上邊有一座觀音廟。因為民間流傳話觀音娘娘嘅慈雲會普救眾生,所以就有咗慈雲山呢個名嘞。「慈黃區」既係道教名,又有佛教FEEL,問你哋驚未!

況且,「黃大仙區」原名叫「竹園區」,本身無宗教色彩。但我真係唔知點解高生(同支持「慈黃區」嘅基督徒)「竹園區」唔用,而哂心機搞一個有釋、道FEEL,又不倫不類嘅名。加上香港始終都有宗教自由,尊重異教係重要㗎(除非你信邪教)。咦,乜高生你唔係話要响任何情況都服從在上者咩?《基本法》話香港有宗教自由喎,點解你唔尊重其他宗教啊?一粒老鼠屎真係會搞臭一碗粥,一個身為綠葉藝人嘅高皓正,的確佗衰我哋基督教。

嗱嗱嗱,你哋既然搞「慈黃區」搞得咁個癮,點解唔搞到盡?即係爭取將黃大仙上邨下邨變為「慈黃上邨下邨」、黃大仙中心變為「慈黃中心」、黃大仙站變為「慈黃站」、黃大仙天主教小學變為「慈黃天主教小學」。重唔夠喉?爭取埋以下新名:

大成街->天父街
北帝街->上帝街
廟街->聖殿街
佛光街->真光街
三聖街/三聖邨/輕鐵三聖站->三一街/三一邨/輕鐵三一站
杯渡路/輕鐵杯渡站->馬禮遜路/輕鐵馬禮遜站
八仙嶺->十誡山

將譚公道更名成「阿倫道」都得㗎!(《聖經》人物Aaron,亦係譚校長英文名譯名)
返回列表
高級模式 | 發新話題
B Color Image Link Quote Code Smilies
換一個