一定有別人比自己的困難更嚴重,但不代表自己的困難不值得受到關懷重視,人與人之間作出這些比較,缺乏同理心,不會令受者覺得更舒服。
社署這個廣告,劣評如潮:
政府推廣告籲珍惜生命 網民轟似催命符
近日,有多宗學子輕生悲劇發生,引起社會關注,當坊間有唔少錦囊教路合適方法去辨識、理解、安慰有抑鬱甚或自殺傾向人士之際,政府當局建議前線老師、家長「加把勁」關心學生,推出「不自殺契約」,被外界狠批無濟於事。尋日(3月17日)政府再有新廣告出爐,由名人、生命鬥士等呼籲「愛惜自己」、「愛惜家人」,「困難總會過去」,正能量爆晒燈嘅意念令網民再次炮轟,「係咪要鬥慘?」、「啲對白邊個度架,擺明慫恿人加強輕生念頭」,更有人認為廣告缺乏同理心,好比「催命符」。
現時,坊間有唔少人反思自殺人士嘅真正需要,唔係一味鼓勵對方面對、將對方感覺淡化、無時無刻正能量先有效;反而係陪伴、聆聽、了解對方壓力。今日,社會福利署推出新廣告,由3位分別經歷人生困難嘅藝人謝寧、保齡球港隊好手胡兆康、展能藝術家楊小芳,鼓勵大家。
當中講到「幾難都會過去」、「去面對」、「企返起身」、「我放棄,屋企人會好傷心」,一般人聽落或者無乜嘢,不過有網民表示「聽到都燥底」、「難聽過粗口」,有人認為「如果有人想自殺,睇完呢段片,只會覺得無人理解佢,佢連今日都未必過到,點樣等件事『過去』呀?」更叫政府「不如播返『打波先黎落雨』算」
有網民批評,今次已經唔係公關災難咁簡單,「整條片根本就係講緊『你有幾慘呀?我生癌症/離婚/傷健人士都未死,我都堅持到企得返起身,你有乜理由要自殺?』」;甚至有人認為廣告係「消費」片中嘅生命鬥士:「他們在人生途上的困難處,有因為你們的掌聲而迎刃而解嗎?別再抽他們水了,幫他們做點實事才是!」
亦有網民對當局失望,認為拍片前可以多向防止自殺機構了解「身上負能量極重,無存在價值,無生存動力」想自殺者嘅心理需要;而最根本嘅係,由制度解決學生嘅壓力。
防止自殺求助熱線
機構:電話
生命熱線:2382 0000
撒瑪利亞防止自殺會:2389 2222
社會福利署:2343 2255
明愛向晴軒:18288
香港輔導及心理學會:WhatsApp熱線6218 1084 (提供英語及粵語專業輔導服務)
http://nextplus.nextmedia.com/news/latest/20160318/372444
開心些吧!
|