沙文

阿B您係咪有病呀？叫得做「帝」就唔會係投票選啦。
佢地同孫中山先生的理念南轅北轍，佢地係贊成帝制嘅。

沙文

照我睇，天主應該係較接近"The Lord"。如果God又係「天主」，咁God同Lord又冇分別矣。

沙文

咁，点解新教唔听龍爺支笛，用「上帝」呢？

沙文

"就我所知，天主一詞，在中文古書上找不到，我很懷疑這一詞可能是利瑪竇時期才開始用的(也許就是利氏自己創造的也不一定 )。"

呢位宋蘭友居士真係同Bruce一樣 -- 讀書不多
「天主」出自【史記‧封禪書第六】呢本中文古書。天主係始皇帝上泰山封禪所封八神之首：
於是始皇遂東遊海上，行禮祠名山大川及八神，求仙人羨門之屬。八神將自古而有之，或曰太公以來作之。齊所以為齊，以天齊也。其祀絕莫知起時。八神：一曰天主，祠天齊。天齊淵水，居臨菑南郊山下者。二曰地主，祠泰山梁父。蓋天好陰，祠之必於高山之下，小山之上，命曰「畤」；地貴陽，祭之必於澤中圜丘雲。三曰兵主，祠蚩尤。蚩尤在東平陸監鄉，齊之西境也。四曰陰主，祠三山。五曰陽主，祠之罘。六曰月主，祠之萊山。皆在齊北，並勃海。七曰日主，祠成山。成山鬥入海，最居齊東北隅，以迎日出雲。八曰四時主，祠琅邪。琅邪在齊東方，蓋歲之所始。皆各用一牢具祠，而巫祝所損益，珪幣雜異焉。
http://www.xysa.net/a200/h350/01shiji/t-028.htm

而據說利瑪竇睇見大秦寺遺迹有副對聯：
瞻仰造化天豈敢不敬不畏
俯拜救世主自宜必虔必誠
於是拆了「天」、「主」兩字出來
---------------------------------------------------------------------------------------------------------
"基督教爭辯了幾十年，到現在還找不到最令人滿意的答案。"
其實，照我睇都唔係咁難，爭在您用唔用腦啫。拿，既然您可以毫不避諱「也」字係女人生殖器而造個「衪」字出來稱呼Elohim，咁，又何妨再造多一個中文字呢？如何造，不妨開幾次「中國文字學國際學術研討會」研究下，再交俾中國教育部語言文字應用研究所確認。但至於與會學者需否全為景教徒，請大家發表一下意見。

沙文

挑，第一篇，懶嚴謹咁，人家當年係譯「移鼠」，佢就監硬話係「耶鼠」，以便加上「不太理想」4字？其實「移鼠」此譯法可能是預示了電腦時代移動滑鼠可尋求真理，您都咪話唔厲害！

第二篇又真係幾有趣，同先前宋蘭友居士的一篇相映成趣，一個話大秦景教用辭太中國化所以失敗，一個話譯中文經必須考進士及第的經學水平先得。

但既然講到施公咁筆落驚風雨，我就有興趣考下佢。拿，佢有能本事將詩篇譯成唐詩、合乎格律，將雅歌填入宋詞詞牌，我就話您好嘢嘞！

沙文

我唔俾面負責修訂的麥金華啫，佢唔係離教者啦卦？

其實，譯「天主」都係冇用嘅，只要佢地唱呢首歌：

Joy to the world, the Lord is come!
Let earth receive her King;

就係擁護帝制