宗教狂熱 害人不淺
[修正版本]
一大朝早，就俾班宗教狂熱份子用擴音器係慈雲山中央廣埸嘈到我冇得訓，豈有此理！
傳教還傳教，尊重一下人，請不要這樣自我中心及自私好吧。
一大班外表正常的人，言行就像失常了的一樣，令我忍不了一大朝早要下床大罵！
(其實係因為俾佢地嘈到我訓唔到，真係大聲得好緊要。)
節錄該等人仕的偉論：
1．神話：我係大陽之子。
批：咁神係造物主，太陽係物，造物主造物，造物主造太陽同時又係太陽之子，
即係話造物主造左個太陽做佢老豆，咁太陽係造物主老豆，咪比造物主更主能？
咁做乜要信造物主? 信太陽唔好? 似乎太陽與造物主的關係很奇怪。
2．神愛世人，又叫自己既子民愛自己的敵人。
批：咁點解創世記入面上帝要叫人將埃及人不論男女老少，殺到一個不留？
連剛出生的嬰兒都唔放過算不上甚麼愛吧？
3．神愛所有慈樂村既街坊。
批：又係講大話，先不論犯了自己身為某種教徒唔應該講大話呢點，
跟據某教教教義，不信者如我，係要俾極度小器自私既神打落地獄受極刑永不番身的。
呢種有條件性既愛又豈能係愛所有既人，咁又點會係愛所有既街坊呀。
還有很多連小朋友都識批既謬論，不多講。
聽著某人用擴音器像瘋了一樣叫破喉嚨大喊：哈利路亞，(不是說笑，興奮程度是十。)
1：可恨本港法律對朝早發出嘈音既人投訴作用不大。
2：可見宗教狂熱份子與精神病人(如燥狂症、過度活躍症)分別不大。
見一個人熱淚盈眶地歇斯底里地跟一班相信 2 > 3 既人講 2 > 3 講得異常興奮，
你或者會明白香港點解今時今日有咁多精神病患者。
仲有，為左展現所謂"神蹟"，叫一班公公婆婆係咁起身又坐底．．．
最後，眼看下面只有最多二、三百人，
麻煩不要自大到想代表整個慈雲山居民，
甚至全港、全球既人講說話。
至少你地不能夠代表我，同時又犯了以偏蓋全犯到離曬譜。
(300 sample 去代表 300000 慈雲山居民? 你果d 人未去到 1 個人可以代表 1000 人既地步，
就好似行政長官小圈子選舉。 更何況 300 sample 想去代表 60,000,000,000 人？ 荒謬！)
最最容易接受 2 > 3 既人：
1．上一代思想比較簡單，冇乜讀過書既人，照單全收，不思考。
2．現今只係係屋企打機，或迷偶像的少男少女，照單全收，不思考。
但隨住全球人民知識水平提高，
懂得獨立思考的人越多，
這些瘋人院眾會慢慢消失，
這些瘋人院會慢慢被歷史淘汰。
只因我們擁有能成為萬物之靈的天赋能力：理性。
後記：
如果那個神無處不在，你是不需要用擴音器的，就咁用 +- 0dB 既音量已經聽到你既"呼喚"。
如果那個神在天上面，你用擴音器連鳳凰山都聽唔到啦，淨係上到三十幾樓俾我聽到咋。
用下腦啦．．． 唉，不會是將腦袋都貢獻了給神吧．．．
http://ferryto.spaces.live.com/blog/cns!5FFD1872A97D32CA!328.entry |
2008/1/11 16:12
| 
