返回列表 回覆 發帖

水淹威尼斯馬可妖堂

本帖最後由 逃出魔幻紀 於 2019/11/14 07:54 編輯

呢個話題呢,喺呢度比人討論過好多次,巴黎啦邊度邊度火燒水浸噉話,其實喺聖經入邊,從一開始主就話唔需要住大屋,詢衆要求住咗入去之後仲多次重申你哋唔聽話呢間屋甚至耶城就會被摧毀冧曬。
回覆 9# 沙文
聖經來自遠古嘅文字記載,同埋經過多種文字嘅翻譯,所以神學家都好認真噉研究同學習。天主教用嘅中文和合本係噉樣翻譯嘅:

我與你們立約:凡有血肉的,以後決不再受洪水湮滅,再沒有洪水來毀滅大地。」
請問係咪用天主教欽定既中文版思高聖經版本?

中文和合本係基督教比較常用既。 ...
哈佛專家 發表於 2019/11/17 21:45

Sorry ,係我講錯咗,係思高聖經學會版,多謝你更正。
回覆 22# 沙文

雖然我冇乜興趣深入研究各語文版本,亦無能力研究原始版本,呢啲應該留畀專家去做,但係我都控制唔到自己噉樣諗:諾厄帶上方舟嘅動物中,係咪包括每一種類嘅各分類,例如貓科動物嘅波斯貓豹貓……等等各一對、東北虎華南虎孟加拉虎等等各一對、獅子……各一對,鳥類就鳶屬……、鸚形目……虎皮鸚鵡各一對;如果調轉嚟諗,蜜蜂嘅絕種係咪代表蜜蜂屬或者所有節肢屬類嘅滅絕?塔斯曼尼亞虎嘅絕種,係代表袋鼠、狼、定係老虎嘅煙滅呢?乾隆屠殺準葛爾,係咪就等於屠殺左全人類呢?
本帖最後由 逃出魔幻紀 於 2019/11/21 15:18 編輯

回覆 24# 沙文

你講得啱,我承認我無知,所以我亦都冇好大興趣去研究科學同神學之間嘅關係,呢啲嘢留畀專家講,喺絕對相信天主嘅基礎上,我好鍾意參考專家嘅論證。至於由一班人去制定嘅社會法律可以代表啲乜這種話題,我諗去社會論壇可以得到更充分嘅討論。

你講雀仔嗰單嘢,我唔係從科學角度而係從邏輯角度去思考,所以有啲迷惘。我而家大概明白你嘅意思喇:

1)一種雀仔嘅滅絕等於整個鳥類(甚至包括「凡有血肉的」?)嘅滅絕;
2)準葛爾族人嘅滅絕,唔等於全人類(甚至包括「凡有血肉的」?)嘅湮滅。

如果我有誤解,請包涵。
回覆 26# 沙文

你舉雀仔同薩達姆兩個例子,唔係想證明以上1)2)嘅意思牙?噉我又試唔明你嘅觀點同論据喇,好深奧!
本帖最後由 逃出魔幻紀 於 2019/11/22 22:37 編輯

回覆 28# 沙文
開講話:道理越辯越明。但呢句說話喺呢個論壇好似唔係幾work ,呢個應該亦都係天主嘅巧妙設計,點樣設計法?一陣先講。

同兩位傾多咗,我開始理解你哋嘅思考模式。假設我哋係討論緊一樖樹,你哋好似冇辦法睇到呢樖樹嘅树幹,目光就好鍾意追蹤被風吹動嘅樹枝同D落葉,講講下就指第二樖樹嘅樹枝嚟講。我禮貌含蓄噉用「好深奧」嚟形容你哋嘅矛盾,你哋就好開心噉將我嘅說話當成恭維;我哋講緊天主彩虹諾言是否信實,根據你哋舉嘅雀仔同薩達姆嘅例子,邏輯噉推斷你哋嘅意思係以上1)2),你哋又話唔啱,噉係咪應該用邏輯嚟反駁我嘅誤判?但係冇喎,淨係掟條拎嚟話網上d資料話準葛爾人係滅於天花而唔係屠殺,噉又點?撇開網上資料好似微微信嘅微信一樣僅供參考係係人都知嘅道理唔講,天花滅種事件對於天主信實議題有乜關係?唔通你覺得證實到我本人嘅無知就等於證實天主嘅无信?我只不過指住片落葉舉個例啫,你哋就走去咬住片樹葉死口唔放,當自己已經成功咬住咗成樖樹噉。好啦,既然你哋鍾意講樹枝樹葉,我再指住另外一片樹葉問你哋:南美洲瑪雅族因為唔知係屠殺定天花定瘟疫而滅亡,係代表瑪雅族人、南美洲人、地球人、抑或「凡有血肉的」嘅湮滅?請結合你舉嘅薩達姆同雀仔嘅論據嚟解釋。
我鍾意集中討論問題嘅是非對錯,而唔係拗贏你哋,如果你哋為咗拗贏人而忽視問題嘅根本,或者唔知根本係乜,噉樣嘅討論就會變成一個喜劇場景。
忽然間開始欣賞哈佛先生,當我用盡方法指出佢嘅觀點好矛盾混亂嘅時候,佢雖然唔明我講乜嘢,但係始終堅持攬住自己認為正確嘅树幹嚟講嘢,而唔去理會啲隨風擺柳嘅樹枝同落葉。

同唔同立場唔同類型嘅人討論,的確可以增長唔少見識,令自己提昇,但係為咗拗贏而嗌八婆交好似有啲無謂,點都好,多謝你哋,共同學習!

好,而家講下我哋唔work嘅討論點解係天主巧妙嘅設計,僅節錄天主嘅以下發言(提示:天主所講嘅「牠」,係你哋所企嘅立場嘅設計者 —— 魔鬼撒旦,唔係指你哋):

「……有時,世俗的奴僕發起迫害,這正好提供給我的忠僕們操練忍耐與愛德的機會。當我的一位忠僕受苦時,他會向我獻上謙卑與不斷的祈禱,藉此機會光榮和讚頌我的聖名。所以,不論惡人願意與否,都在光榮我;縱然他的動機是為了凌辱我,卻因我忠僕們的良好反應而變成了光榮我。

第81章 甚至連魔鬼也在光榮和讚頌天主。

惡人們生活於現世,是為了增加我忠僕們的德行。同樣,魔鬼在地獄裡,如同是我的劊子手和工具一般,牠們對受永罰者執行正義:對於在此塵世旅途中行走的旅客和朝聖
者,他們受造的目的是為了與我結合,我就是他們的終向,而魔鬼也會增加他們的德行。魔鬼以各種的勞苦和眾多的誘惑磨練我的僕人們,因而促使他們在德行上成長。魔鬼挑撥他們彼此辱罵、互相掠奪,不僅要讓他們因財物和侮辱造
成傷害,更要奪去他們的愛德。魔鬼自以為這樣做能傷害他們,其實,反倒促使他們更加剛強,並在他們身上證明了忍耐、剛毅和恆心的德行。
魔鬼就這樣光榮、頌揚了我的聖名,也在牠們身上滿全了我的真理,我造生牠們本是為了光榮與讚頌我一一永生的聖父,並為了分沾我的美麗。但當牠們因驕傲而背叛我時,便墮落了,且被剝奪不得再享見我。牠們不會在愛德上光榮
我。但是,我一一永恆的真理,早已預定牠們作為工具,用來磨練我的僕人們的德行;同時,也使牠們成為因自己的罪而墮入永罰者的劊子手,對下煉獄的靈魂也是如此。……」
(聖女加大利納《對話錄》80-81章)
回覆 30# 沙文
請立體地觀看我哋討論緊嗰樖樹嘅整體,唔好將樹枝落葉當成樹幹:

上主的使者從基耳加耳上到波津說:「我使你們由埃及上來,領你們進入了我向你們祖先所誓許的地方;我曾說過:我永不廢棄我與你們所立的盟約,你們也不可與這地方的居民結約,且要拆毀他們的祭壇。但你們沒有聽從我的聲音;你們這是作的什麼事?為此我現在說:我必不把他們從你們面前趕走,他們為你們將是陷阱,他們的神要成為你們的羅網。」當上主的使者對全以色列子民說這話時,百姓便放聲大哭
(《民長紀》2:1-4)
P.S. 若然係選擇opt#2, 麻煩同別西卜大人單一聲, 最好畀24hr notice.
我個人好細胆, 我驚佢一陣青烟之下喺 ...
沙文 發表於 2019/11/23 07:32

其實唔使等,唔使巴耳則步提前24個鐘預告,而家你自己就喺度扮演緊佢嘅角色,你去照下鏡就會見到佢嘅替身。

經過一輪討論同學習,我覺悟到以下嘅道理:

點解創造並掌管天地萬物嘅賞善罰惡嘅天主至今仍然允許魔鬼同惡人留喺世上?點解世人幾千年都喺度嗟歎「殺人放火金腰帶,修橋補路無屍骸」?其實係同以前天主冇趕絕曬迦南人而將殘餘者留喺以色列民中間,作為猶太人嘅陷阱同羅網,係同一個道理,牧羊人耶穌將撒旦同惡人當做牧羊犬嚟使用。仲有一樣相似嘅係:古時巴耳等邪神嘅祭壇必須被打碎,但提摩太、辣哈布、盧德等有血肉嘅外邦人尚可以因信靠天主而歸化以色列,今日在世嘅牧羊犬亦可以藉著住耶穌基督嘅寶血而變身成為羔羊。
本帖最後由 逃出魔幻紀 於 2019/11/24 17:01 編輯

回覆 42#
我諗我喺度睇緊一齣叫做「大樹底下論真假」嘅舞臺劇,劇中多個性格嚴重衝突嘅角色都係由一個演員极速換裝扮演,從學富五車嘅科學家、放浪形骸嘅地踎無賴、到作奸犯科嘅罪犯,演員都以喜怒哀樂真實情緒投入角色,演技逼真,惟妙惟肖,精彩絕倫!估計會得到金雞獎最佳主角獎。好彩至目前為止我仲跟得到,遲啲如果劇情變化太快,我可能要問周星馳借本《演員的修養》嚟進修下。
本帖最後由 逃出魔幻紀 於 2019/11/24 20:43 編輯
教徒即是教徒。寧舍有創意兼且不拘一格。
舞臺劇攞金雞獎?
點解聖經攞文學獎定press awards? ...
沙文 發表於 2019/11/24 20:09


好嘢好嘢!!! 你真係眼明牙齒快,片樹葉未飄落地就咁快俾你一個空翻咬到實一實,仲識極速變身變面一人演多角,仲叻過啲四川佬,唔怪得個導演揀中你啦,你應該仲有好多讚美天主嘅絕招嘅,繼續繼續
阿穌話, 一睇個生果就立判棵樹係好定衰。
佢講嘢, 錯的地方甚多,但呢句就罕有地啱。
7:18          好樹不 ...
沙文 發表於 2019/11/25 03:31

呢招咁普通架,咁快兜返轉頭扮學者架喇? 繼續變身曲線讚美天主呀,我坐定定剝花生欣賞你嘅表演,等我儘量搖幾片樹葉落嚟先。
本帖最後由 逃出魔幻紀 於 2019/11/25 16:27 編輯
普通招都墶得低您啦, 您以為您值得我出咩招
沙文 發表於 2019/11/25 10:01


冇架拿? 我以為你好多料架? 川劇變面都可以變唔知幾十個噉啦,你咁快就repeat 扮返專家學者,下一個係咪無賴?再下一個係咪罪犯?跟住到牧羊犬飛身打空翻咬樹葉?跟住又repeat 專家……?內容來來去去都係嗰啲鹹濕嘢啊噉,呵呵呵……有啲眼瞓,有啲悶添。唔好噉啦!扮演乜嘢角色都畀啲專業精神啦唔該!
本帖最後由 逃出魔幻紀 於 2019/11/26 11:03 編輯
我邊有扮專家學者, 我講嘅無非都係一般common sense, 會唔會係您唔識嘢呀?郭靖VS參仙老怪梁子翁都係來去一 ...
沙文 發表於 2019/11/26 07:41

其實我係見你重重複複,驚住越嚟越沉悶,所以想提昇下個討論氣氛,講下笑啫,其實你真係冇必要去揾件古裝出嚟變身扮郭靖大俠嘅。

呢度係基督宗教討論區,上得呢度嘅人,我相信基本上都係想親自发言或者參考人哋嘅發言,嚟到證明或者思考基督宗教嘅真偽,講笑只屬調劑,而唔係主要目的。我覺得你係一個鍾意搜索並運用資料,經過思考然後再發言嘅人,所以希望同你討論問題學下嘢噉樣。同樣道理,你會唔會走入幼稚園BB班,同啲啜緊奶嘴嘅小朋友一齊「靚靚……叻叻……曳曳……啊啊……」噉樣當係討論緊問題呢?

言歸正傳,我對本帖內容尤其係沙文先生你關於天主對佢嘅彩虹諾言唔信實嘅論證產生興趣先至答爹講幾句,我清晰噉表達咗我嘅觀點之後,再指出我對你嘅觀點嘅不同睇法,多次請求你解釋,你就開始唔答問題而玩川劇變臉顧左右而言他,我冇辦法繼續正常討論所以先陪你講下笑啫。我真係好鍾意討論,因爲我深知個人思維非常侷限,同人討論可以喺多角度思考問題,我嘅唯一目的係明白真理,而唔係「撻」低你或者「撻」低其他任何人,如果能夠係道理上俾你「撻」低,我會非常開心而且感激你。

好,而家希望你能夠正式回答我喺31樓所提出嘅以下問題:

「我哋講緊天主彩虹諾言是否信實,根據你哋舉嘅雀仔同薩達姆嘅例子,邏輯噉推斷你哋嘅意思係以上1)2),你哋又話唔啱,噉係咪應該用邏輯嚟反駁我嘅誤判?但係冇喎,淨係掟條拎嚟話網上d資料話準葛爾人係滅於天花而唔係屠殺,噉又點?撇開網上資料好似微微信嘅微信一樣僅供參考係係人都知嘅道理唔講,天花滅種事件對於天主信實議題有乜關係?唔通你覺得證實到我本人嘅無知就等於證實天主嘅无信?我只不過指住片落葉舉個例啫,你哋就走去咬住片樹葉死口唔放,當自己已經成功咬住咗成樖樹噉。好啦,既然你哋鍾意講樹枝樹葉,我再指住另外一片樹葉問你哋:南美洲瑪雅族因為唔知係屠殺定天花定瘟疫而滅亡,係代表瑪雅族人、南美洲人、地球人、抑或「凡有血肉的」嘅湮滅?請結合你舉嘅薩達姆同雀仔嘅論據嚟解釋。」
sorry嘞, 您相信本討論區嘅性質同相信基督教一L樣, 都係信錯咗,譬如, 陳版友就係簡直講笑嘅最typial例子 ...
沙文 發表於 2019/11/26 12:37


噉OK啦,你唔鍾意繼續討論就暫時唔好勉強,你幾時搵到或者諗到啲乜嘢勁嘢,請不吝賜教,我隨時洗耳恭聽,我真心希望喺辯論中不停被你「撻」低,以達教學相長之效果。多謝先!今次傾計我亦都學到唔少嘢,亦都吸引到一班潛水網友嘅圍觀同思考,佢哋同你我同屬讚美天主舞臺上嘅不同角色,大家都係同事,祈共勉加油!感激 !!

另外想澄清一樣野,我講嘅係「基本上」,唔係絕對,有例外係好正常。
返回列表
高級模式 | 發新話題
B Color Image Link Quote Code Smilies
換一個