返回列表 回覆 發帖

[原創作品] 神的問題討論

1. 全知 / 自由意志
如果神係全知,神知道我一陣會食A餐定B餐,神知道我會食A餐,
咁我就沒有選擇B餐的自由只能選A 餐了。
所以自由意志與全知無法共存。
神知道你會選A餐,不等如他限制了你選B餐的自由。你選餐時是有100%自由選a或b的囉。

猶如你跟高手( ...
beebeechan 發表於 2020/2/13 16:20


1,捉棋高手都冇辦法預先知道其他人實際上點選擇,我舉個例,
AlphaGo 比任何高手既計算能力都要強好多,但你問 AlphaGo 對手下一步點行佢都答你唔到,
對手可能選擇行一步好棋,亦可能選擇一步蠢棋,棋王都永遠無辦法知對手實際點選擇,
佢只能模擬各種下一步既可能,實際點走都係要對手真正下手一刻佢先知,
相反,全知者代表知道你來來實際上點既選擇,佢知你實際上會行邊步。

2,自由意志代表各種選擇都係有可能,
假如我有100% 選B餐既自由,咁意味住我未來選B餐係可能的,
但來來選A餐已被神預先知道,咁意味我選B餐在未來係100%不可能,否則神對未來既知識就錯了。
兩者有衝突。
你尚未回答到, 當你選餐時,
有誰, 有甚麼規條是使你不能選B餐, 只能選A餐呢 ...
beebeechan 發表於 2020/2/13 23:11


如果神預先知道你實際上會選A餐,咁樣你選B餐就會違反全知者所知既未來,
所以當有一個全知者知道係A餐,咁就排除左選B既可能。
咁你下次點餐時,點咗a餐,
無耐就叫伙記改單,話都係食b餐勒。
睇吓上主會唔會因為你違反咗佢全知既大能 ...
beebeechan 發表於 2020/2/14 00:19


如果神唔知你會改餐,咁就唔係全知者啦,當然唔排除神可能睇得開唔需要全知既。
就算你冇跟神的「全知」來行事, 
神都『睇得開』, 唔郁你。。。。
咁你仲話無自由旨意? ...
beebeechan 發表於 2020/2/14 02:13


如果你既選擇同全知者所知既未來唔同,咁佢就唔係全知啦,
極其量只可以當佢知好多野,並唔係乜都知。
什麼是 "全知" 呢? "全知" 是 "知道所有事".

我 "知道" 你有 90% 機會食 A, 還有 10% 機會食 B 這是可以的 ...
bigmonster 發表於 2020/2/14 01:32


假設神已經知你實際上係選擇A,何來10%機會選B?
回覆 17# bigmonster

全知者知道未來係合理既理解吧
回覆 19# bigmonster

相信冇人會認為未來不存在,例如你10秒後你仲存唔存在? 是存在的。
回覆 21# bigmonster

"未來是存在的"呢點我認為係顯然的。當未來存在,
我地就可以進一步問呢個存在既未來係一個點樣既未來,答:知或不知,全知者當然是知的。
回覆 23# bigmonster

唔係唔明
我唔認同你話"存在"必須指現在,難度過去的事不存在? 比如我琴晚食了A餐的過去不存在?
我計劃3小時候晚餐食C餐,那麼我3小時候的未來不存在?
如果你認同"未來"係存在,咁自然可以問呢個存在既未來係點樣既未來。
"計劃" 只是 "計劃", 這晚餐 "現在" "不存在". 你一小時後進了 "醫院", 3 小時後的 "晚餐 C" 就永遠 "不存在". 你不可能再到那 "時空" 令事情 "再發生".

發生了的 "歷史" 當然 "存在", "昨晚" 就是 "現在" 的 "歷史".

明白了沒?
bigmonster 發表於 2020/2/14 16:49


未來的事,當然現在不存在,因為未來的事存在於未來,我地並非全知,無法得知未來係點,
然而全知者,應當知道存在點樣既未來,否則就不是全知了。
本帖最後由 daniel99266 於 2020/2/14 17:16 編輯
回覆  daniel99266

只為 "爭拗" 而 "爭拗", 有什麼討論可言呢?

人總是 "死不認錯". ...
bigmonster 發表於 2020/2/14 17:10


我並冇爭拗,一路都平心靜氣,只係提出理由點解自由意志同全知無法相容
你想話未來既事,對現在來說並不存在,呢點我認同左
未來的事係存在於未來。
你的理解, 是神早定了你的未來, 
所以, 你今日要做, 要選的, 都要跟神定的一樣,
你没有自由選擇權。

那不可以說你的未來, 是今日的你, 在自由旨意下作出的選擇嗎。
神只是知道你的未來, 不是為你決定你的未來。
beebeechan 發表於 2020/2/14 22:13


神係造人之前已經知道所有人點選擇佢地既行為,因為佢係全知者。
然後佢就將呢堆人造出來,正如神預先所知,人類1號會選擇a,b,c... 人類2號會選擇x,y,z...
一切係造佢地出黎前已經知道了。
其實係你以為全知者知你會選B,
所以你特登選A。
咁你又點知全知者根本就知你會選A既哩? ...
beebeechan 發表於 2020/2/14 22:07


全知者如果連一個人會點選擇都唔知,仲可以係全知嗎?
頂多當佢所知甚多,但未到全知
你是在說神是造一批老早編定程式的機械人囉,
你是在說神是造一批老早編定程式的機械人囉,
人只是跟程式執行。
這種創造就無意思囉。
人只如天上繁星咁, 依一定物理規律來走。

人與其它受造物不同既地方, 就是有自由旨意,(連天使也没有, 天使是造出來要崇拜服侍上主的) 是所有受造物中最尊貴的囉。
beebeechan 發表於 2020/2/14 22:49


呢種係全知者做成既結論,全知同自由意志不相容
(1)知你會怎樣選, 和(2)要你怎樣選, 是兩回事啵
你是聚焦在 (2) ...
beebeechan 發表於 2020/2/14 22:46


假設神知我選A,我咁只能選A,除非神根本不知我怎麼選,
如果你將神當作並非真的全知,咁就冇呢個難題。
當今既量子物理學家, 都認為會有多維空間, 宇宙中會有幾個你, 做著不同的事。
(詳細我都唔識講勒)

所以, 可唔可以咁諗, 你現在的自由旨意作一個選擇, 決定了你的一個未來。
這個未來, 在上主前顯示了。
但若你用自由旨意作另一個選擇時,就有另一個未來。

上主看到你現在選擇的路, 未來不太好, 
於是便設法令你運用你的自由旨意, 去作另一個選擇, 得出另一個未來。
問題也是你的自由旨意能否配合。
beebeechan 發表於 2020/2/14 23:03


呢種方法似乎解決唔到...
因為只係換左個複雜既方式黎講,就係在唔同宇宙(未來)之間選擇一個宇宙(未來)。
你選A的結果, 只是因為你選了A而已。
是你選的, 又不是神選
beebeechan 發表於 2020/2/14 23:15



問題係根據自由意志,人有選撢不同結果既可能性,
但全知者說只有一種結果 (因為佢早就知結果),兩者矛盾,放棄其一就講得通。
返回列表
高級模式 | 發新話題
B Color Image Link Quote Code Smilies
換一個