返回列表 回覆 發帖

什麼叫邪教?

唉!唉!我又衰咗,又試對leefeng網友冇禮貌,嬉戲嘲諷又貼相又盛,衰上次一樣嘅嘢。唉!sorry sorry,leefeng先生,請你原諒!
估唔到我戒咗喺神學觀點討論時冒犯網友,今次就衰喺討論歷史話題上。
龍井樹先生,我就係一個人板俾你睇到乜嘢係我成日講嘅罪人嘅教會,因為我就係教會一份子,一而再喺唔同場合犯同樣嘅罪。leefeng真係一個好老師,將我內心隱藏嘅罪性挖咗出嚟,否則我都唔知道自己咁水皮,sorry sorry,多謝leefeng嘅指教。
如果我下次對任何網友冇禮貌,懇請leefeng先生或其他網友攞我呢幾句說話出嚟撻我掟我,多謝多謝!
我已經將所有得罪leefeng嘅圖片同埋說話剷曬,如果有邊度鏟漏咗,請leefeng先生通知我再刪除。唔該曬!
今次喺歷史問題上拗撬冒犯leefeng,我記得喺幾個月前亦都同沙文先生討論生物物種滅絕嘅問題時,亦都唔係幾禮貌,如果沙文覺得受到我冒犯,請你指出我覺得罪之處,我亦會刪除有關說話。sorry sorry!
話太平天國不係基督教, =
話:天主教不係基督教,
上流寄生族 發表於 2020/7/5 05:56


當年天主教同基督教都以為太平天國係新教嘅一支,曾專門派人同佢哋接觸了解過,睇清事實之後,都即刻發表聲明並同佢劃清界線。基督教同天主教嘅關係,與基督教同太平天國嘅關係,係有本質上嘅分別。
新教嘅羅孝全係洪秀全帝師,重響太平天國做過官呢。
   當然,天誅教、新教好嘢就攬上身,衰嘢就即刻 ...
旁觀者 發表於 2020/7/5 23:00

雖然洪喺香港接受新教系統啟蒙,同天主教亦有非淺嘅淵源,不過兩教同佢劃清界線嘅時候,正係拜上帝會同太平天國名聲鵲起如日中天之時,點會係衰嘢就即刻乜嘢呢?如果佢係正路而唔係邪教異端,歷史一早就改寫咗。
本帖最後由 逃出魔幻紀 於 2020/7/6 08:49 編輯
洪秀全同天主教有乜淵源咁呢?當年都無天主教神父傳教者認同過洪秀全啵。 ...
beebeechan 發表於 2020/7/6 00:46


我曾經比較系統咁睇過阿洪生啲資料,如果冇記錯,佢第一次接觸嘅應該係天主教,仲攞咗一本利瑪竇弟子楊光先編寫嘅書仔(好似係除非唔係,我唔想花時間再查呢啲嘢),到佢金田起事之前嘅導火線就係呢本書仔:佢發咗一個夢,夢境大概就係話『天父』定天乜話阿洪生係乜乜物物勁嘢,會點點點點大發圍咁喎,洪摷返本書仔出嚟睇,『恍然大悟』書仔嘅內容係講緊佢自己,所以之後先有『天父天兄』呢啲概念,仲整埋楊秀清做『聖神』添。
你講過本書仔係叫《勸世良言》,係一個叫梁發既傳道人寫的,
基本上也不是聖經翻譯,只是把舊約故事用淺 ...
beebeechan 發表於 2020/7/6 09:03


係我記錯咗,天主教由始始終都話洪係邪嘢。
我對呢啲邪嘢,好似耶證摩門之類呢啲,確認係邪之後就冇興趣再去深究,除非有真心尋求天主者覺得有疑惑,我先有興趣去翻閹討論。至於天父的女兒大衛之乜就更加冇興趣去睇佢哋啲教理,睇行為已經足夠,洪仔嘅行為亦都係邪到癲。
返回列表
高級模式 | 發新話題
B Color Image Link Quote Code Smilies
換一個