Jom

原帖由 Guest from 218.191.152.x 於 2008-1-26 20:44 發表
不記得是那期，CD封面寫著 " 鐵證待判 專題講座 ". 主講:梁燕城博士

他說有次他講完道，有人發了問題，問為何不相信神的人要下地獄。
他解釋完後，說那人給了他一張卡片叫"離教者之家"。
他說那張卡片甚麼也沒有，只寫著e-mai ...

咦,做到博士都重問得出呢個問題,好心就祈多D禱叫老耶俾返多少少智慧佢,等佢笑完都重識戙高床板諗吓野...

教又唔係得佢一個教,佢真係老奉將所有離教者都當係耶教徒?如果佢係咁諗既,首先佢要諗吓,乜事以前咁多人信,跟手再諗吓,乜解究離佢個教既人多到可以開一個離教者之家(其實類似既組織不知凡幾,但可能梁博士專注教務,唔記得與時並進既重要性).

至於點解要有呢個所謂既家,或者佢都應該向另一個方面諗吓,自己個教係咪吓吓迫人埋牆角:一個人信,又叫其他人拖埋家爺仔乸黎信,唔係就你上天堂佢地落地獄.再唔係就迫佢地信,重要玩個"信與不信,不可同負一轍"出黎,結果玩到教會姑婆化.

無錯,呢個係人既問題,係教會既問題;但係因乜野聚集咗班人去開教會?咪係佢地用黎做生招牌既老耶兩仔爺囉.咁到底係神造既人有問題?定係人造既神有問題?d咁尶么介既問題,真係唔知邊個答好.Anyway,我都知阿梁博士大都抱著很多教會既心態,大人不記小人過咁skip呢類問題架啦,下次派卡果位弟兄要醒目啦,call埋記者當面問埋呢堆野先派卡,咁起碼人都會高度重視先啦.

睇到一位博士有咁既言行,都不求甚解既,真係一位土生土長既香港博士,香港教育制度成功之處可見一斑呀.

突然諗起周星馳做乞兒,個皇帝因為怕佢地人多勢眾叫佢解散丐幫,阿星爺不慌不忙咁答:"我地有幾多人唔係我決定而係你決定,如果你地辦得好既,鬼有人做乞兒咩?"大家都係香港既,返而讀得少果咋重明事理...唉...

[ 本帖最後由 Jom 於 2008-1-27 02:49 編輯 ]