Jom

阿水哥,你咪又唔啱啦.

如果個個耶徒教牧都做到你咁諗,佢地既會產又點會追得上樓市,買得起咁大個單位做會址呢,好多人會無飯開,好陰公果喎.

雖然,呢度幾乎係人都聽過睇過耶經既四大金剛經都提到阿蘇哥當日都無乜話要叫人拖人入會,個個都係姜太公釣魚;但呢度大部份人都明白,D虛構人物誇張情節係小既賣點黎之嘛,無話要學到足架,求其數齊人頭收齊奉獻咯,理得佢年關好中秋好,有人難過有人愁關人隱士,自己有糧出字頭有花紅咪算囉.

人生在世,回歸到最原點,都係呃兩餐苦飯喫吓咁啫.

Jom

我無話睇得過眼喎,只係呢一刻我已經唔係果班乞兒既一份子,都自力更生咯.你用一個過來人既身份去睇呢件事既時候,你就會覺得有時係可憐佢地多過討厭佢地架啦.

有人話呢度既人反基反到無晒理智,我聽到之後都諗咗好耐;但我諗黎諗去都只係得同你同一個結論,做人為乜要咁低聲下氣,每時每分都要攞一個唔存在既體位黎過穚.如果要包容埋呢類咁反智既野先叫有理智既,自問我就理智唔黎嘞.但如果掉返轉頭諗,係因為佢地唔咁樣搵食就無路可行的話,就好似一個低能既去控制一班嚴重弱智既去行乞,而你又見到佢地越黎越黔驢技窮,無所不施極的話,有好多時你只會為之感嘆,惻隱之心亦隨之浮現.

算啦,佢地唔係咁樣去混飯食,唔通你叫班教牧轉行去做保安,用阿老耶既話語去說服班賊唔好做案咩?

Jom

原帖由 Guest from 219.76.240.x 於 2008-2-2 16:04 發表
(修正)
獨立的思考, 及開明清晰的觀念, 開始對自我及宗教的質疑, 也是源於基督教對真理的追求的熱切... (哲學之始源於希臘, 也是思考造物主、世界的由來、人生存的意義和價值... 中世紀的哲學更是寄存於神學之中, 現代哲學一大部份也仍是對造物主的概念有關連的批判)

我們現下應用的理性批判手腕, 也是傳承於西方, 這種對真理的追求方式, 和基督教對上帝的概念有著千絲萬縷的關係, 人類心裡所傳有的 - -  沒有上帝的觀念, 其實也是源於對上帝的反動...

...sorry,識諗呢d野既重有唔少我國既哲學家,唔係希臘既先識.斷估老細你都有聽過乜野叫做千字文,小學程度架咋,唔駛咁深啦.如果千字文都唔知,重簡單d有天九牌入面既"天地人我"就經已講晒中華哲學源頭:"天氣,地勢,人群,自身",呢個就唔識字既都識.

人地既哲學對乜我就唔知,我自己既一大部份都係對生活,好簡單架咋.正等如你會明白去洗手間開大要除褲先係因為你試過無除會一褲都係之嘛,唔通係果個moment你又批判上天下地點解唔幫你除定褲又或者點解唔生你出黎有條喉咩?呢d咪係你所講既哲學既源頭囉,我諗只有真係神智好唔清醒既人先會去洗手間開大唔除褲掛.

唔係人心裡面有無老耶呢個摡念,只係本來無老耶,但失驚無神有幾條茂利仆出黎話呢個世界有老耶同佢地係老耶既代表黎呃飯食,之後d人就本住埋大堆呢個群居動物既習性就信埋一份啫.老細你講既係有意無意將老耶定咗位,跟手就乜都話關佢事.sorry,多少年代新教天主兩大派對幾多科學家進行過迫害?又或者運用其影響力對反其道既思想進行壓制?如果真係有老耶既,咁老耶本身都好反智,科技/知識/哲學本身係無好與壞之分,只係在乎人點利用既啫.但老耶班靚就只會著眼於字頭既利益去決定某種科技/知識/哲學

重有,理批判手腕唔係方獨有既,你睇下老荀一出就係人性本惡,分明就係反人類式既批判.

唔好乜野都將你自己果套質落人度,唔一定每個人都係你,你既思想方向亦未必感染到其他人,"我們"呢個terms,小心d用好.

Jom

先撇開天九賭局同對牌既複雜性而單睇每隻牌同牌既排序,其實係好簡單咁講明中國人既生存哲學.其實文子頭四張牌係"天,地,人,和(有人亦稱鵝,但個人反而更傾向另一說法,"我")".

天即係天氣,包含左廿四氣節,係一個主要從事初級生產的社會,睇天做人尤其重要.

地即係地勢,除左東南西北之外,亦包今左易經中既六十四卦;天氣之後,就梗係要睇環境啦.

人既係人關係,所以包含左中國傳統儒家思想既:仁義忠信禮廉恥智是非羞惡惻隱辭讓,但其中缺"孝",我總覺得似乎係闡述有誤.但未考究到當中的原委,遲下有時間再搵搵.人際關係無論係舊時代到現代社會亦係人生存不可或缺既一環.

"我",呢隻牌有多個不同叫法,大部份人叫"鵝",其中一派既講法係"和"既音誤,意思係將天地人三個因素通和(...organization?)既意思,"天時地利人和"呢句話亦係由天九中演化出黎既.但我自己就比較傾向另一個比較舊既學說,其實係"我"既音誤,即係話又天又地又人咁,黎黎去去其實都只係講緊"自己"要生存,就好好利用同洞悉呢幾方面,亦同時講明左生存中各種因素既不同既重要性,亦即係"天地人我".

但如果真係要賭,都唔係太難既.下面有個link你可以參考吓.但我最鍾意天九好似做人咁,理所當然係"天地為大",但亦都可以"人力勝天".好過癮架!

http://hk.geocities.com/alan_cyf/sky9/doc-cn.html