Jom

...都係果句啦,科技智識係無好壞之分既,只係視乎人用係邊方面...

講到話倫理同科技既衝突,我醒起一套自己好鍾意既戲 - bicentennial man既一幕,男主角本來係機械人,經過多次既改造經已成為一個半生化人,及至最後成為咗一個完整既生化人;同時,佢為咗改造自己,發明咗好多既生化技術,運用到醫學上令好多人受惠.

為咗得到一個肯定,佢去打官司想被肯定身份為"人".當個官話佢係一件被製造出黎既物體時,佢就問個官"法官閣下,請問有無接受過我發明既生化技術黎延長生命呢?"法官答有,甚至表示在座亦好多人因而受惠,但唔代表佢係一個人,亦唔可以令社會無端面對呢種倫理上既風險.

每次睇到呢度,我總係覺得個編劇因為唔想得罪耶教,所以無提出最重要既一點;個法官唔俾佢做人,係因為確定佢係人既同時,亦同時否定咗只有神可以賦與生命.

睇返歷史,幾多中世紀既鍊金術師被救會迫害,被人扣帽子係異端,係邪惡.但當時既煉金術師其實亦係化學同生物他學既鼻祖.試問今時今日,有邊個耶徒唔係有病就要去睇醫生,佢地食既藥唔係由呢班被佢地迫害既人既原始理念發展出黎,唔通係阿老耶一個五雷轟頂打落阿邊個耶徒個天靈蓋度就生出黎咩?

阿weakest講得好,我唔覺得耶徒求其話有老耶撐腰就叫做有人類尊嚴.但佢地係老耶面前,有咩尊嚴可言?如果我無諗錯,佢地反對既理由唔係倫理咁簡單,而係因為一旦成功既話,人,其實都唔一定係要由神黎造都得既.而家無人話要造人,但唔可以話無咁既能力;分別只係造定係唔造落去.

人可以好愚昧,可以好自私.但點解會愚昧同自私?因為人食咗禁果?點解人會食禁果呢?有無邊位同學係呢個時候可以攞本耶經出黎解答吓呢個一年級既問題呢?