返回列表 回覆 發帖

正野! @@ 陳冠希與阿嬌的新相!

呢個世界一隻手掌係拍唔響既,身為公眾人物,既要得到比普通人豐富既生活,又要唔駛面對比普通更重既壓力,我睇唔見世上有咁著數既野.如果因為自己係公眾人物,會唔會應該更小心言行,唔好留有風險壓力俾自己呢?既然條路係自己揀既,出咗事俾人指指點點...理所當然.

呢件事令諗起前田慶次既兩告詩:
若無登九品蓮台之慾
亦無墜八萬地獄之罪

網絡世界令資訊同智識既流動推向無極化,亦同時將人心底既黑暗面無限放大.人無錯係完全高估咗自己,根本就比禽獸更不如,而家所有人既生存,其實都係因為到搶奪另一個人既生存空間而得黎既,因為資源既短缺同超過度開發,己經完全否定咗同天地萬物共存既可能性,甚至人與人之間亦然.所謂環保各樣,簡單問一句,重有無方法令大部份人放棄用電?完會唔用膠袋?唔用紙?唔駛加人工?企業唔要求增長?唔好以為各大商號又話環保又盛,講到尾都係一個包裝俾佢地去cut costing之嘛.
...出黎其實好鬼簡單...

有個靚仔,溝溝埋埋好多女,咁D女開心既時候又影低d相,save咗落電腦.

後來個電腦壞咗攞去整,d相俾人copyt咗.跟手有人唔知為乜發咗出黎.廣泛流傳.哄動既原因係因為班女有d係明星,入面有人係sell清純形象,亦有人將作他人婦,亦有經已係人妻既.

班道德佬咪中出黎又話教壞細路又盛囉.
阿嬌姐重要搵食嘛,咁唔敢喊囉.重有呀,報假案果單野都重未有人出黎交待呀.呢個返而我重concern衙門阿一點解畫.

人地映咗相流咗出黎,各自既形象經已受咗影響.但衙門係呢次事件上,咁全力護航,係咪應該出黎交待吓官商勾結既可能性呢?瓜田李下,若果我無記錯,基本法中對公職人員既不信任條例係重未被刪改既.
唔啱,除非阿小蓮地都有出黎撈同埋係公眾人物啦...

佢要道歉係因為打爛咗人地個飯碗同好多宅男既幻想.成叉日話教壞細路,細路都未知係乜,知道既箇中真蒂既就經己唔係細路啦...多餘

回復 49# 沙文 的帖子

家吓無話佢有犯法,之前有人嘈佢係因為佢無出黎宣告持有版權之嘛,佢無論係道德上法律上都無犯事喎
原帖由 抽刀斷水 於 2008-2-23 02:26 發表
不能對其他版友做良好形象。(濫交、淫賤?)

但部分報紙分析,說他這樣做可給予「有錯就認」的正面訊息喎。


我叉你阿天父個姑啦,佢一早就自己報咗係賤男果個category,做乜銀要良好形象呀?要良好形象既去搵娶咗兩個老婆既阿摸西吧啦!

報紙??家吓有邊份報紙重有錢又有良心架?有邊份捉住衙門阿一亂咁幫人護航架??你搵到佢出黎先講吧啦 hahahahahha
阿陳生錯係邊呢?係呢個moment我又真係未睇到喎?

佢將唔將佢既下體post up同佢將唔將人地既上下體post up係兩件事黎既.因為係佢映既,而當時人又無反抗.如果你話有證據話佢係夾硬黎既,咁就入佢老刑非法禁箇同非甚至強姦啦.但如果當時人無反抗過既證據既,即係自願啦.自願...咪最多都係一個人將另一個人既私穩公開,告民事追錢就ok,呢d差人唔理果喎.

至放乜鬼發放淫照,證實到係佢先啦,如果無證據證實到係佢做既/主謀既,佢連疑犯都未係喎好似.香港都重算係行習慣法,要釘人果個攞證據架.攞唔出具體而不可論既證據之前,佢係無罪既.

我唔敢話一定係佢放定唔係佢放.但撫心自問,佢地閂埋門做乜關人Q事麼?映咗D相流咗出黎,成班人又呢又路又話教壞細路呀咁?簡單d,如果d細路問個細路點解當日阿胡仙無被起訴既原因係因為公眾利益既話你點答呀?哦,閂埋房門做既就教壞細路;打開門口做壞事既就係公眾利益.咁既教育之下既細路又點會唔乖吖?

老實講,我對阿陳生連少少好感都無,但就算件事發生咗,我都唔覺得對佢有反感.反而班狗唔去拉咗證實咗報假案既人我就依然非常在意;重有就係成日都話搵到源頭,但就時至今時都未搵到,重有個所謂既一哥亂九咁講野兇人呢單野實在又係耐人尋味喎.
返回列表
高級模式 | 發新話題
B Color Image Link Quote Code Smilies
換一個