返回列表 回覆 發帖

健康既性感

各位弟兄,近日本市發生咗活色生香既"慾照風波".震驚全球,就連國際衙役都加入戰團.雖然本埠衙門曾大大聲發表搵到源頭,但觀乎呢幾日新春期間,蟻民碰面除咗恭喜發財,互道近況之外,然後就係問"你睇咗d新相未".到底本地衙門當初憑乜野話搵到源頭?實在係耐人尋味.雖然佢地都講過係陳某發放假消息話只得一間公司整過佢部禁果電腦;但班本地衙差一味靠聽,佢地憑乜去出糧呢?又係一個惱人既問題.

話返轉頭,呢件事到而家,似乎風頭最恆既都係阿嬌.上次俾人影佢更衣都喊到火車頭咁.反而呢次拍到咁仔細,又有動感又盛佢半滴眼淚都無,重要係人人都知佢功夫好好既情況下話"自己好天真".雖然講既時候表情有少少生硬同假,但相信要問鼎今屆奧斯卡都係太大問題.

但以後點呢?經過呢一次,我諗佢都可以俾佢原本果個清純健康既形象退休.再落黎其中一個佢幾適合既新路線可能會係"健康既性感路線".但各位弟兄,乜野為之係"性感得黎健康"咁呢?

要知道,情感既內在意義就係話俾人聽"我好好啅".當然,食色性也,"好好啅"本來就係一個身體狀況既指標,但點樣加上"健康"咁呢?同埋係大庭廣眾公然話俾人知"我好好啅",似乎唔係咁乎合所謂衛道之士既"精神健康"既要求喎.同埋有唔少耶徒女星,成日都用呢個terms,咁到底係唔係耶徒都可以容許週街話人知自己"好好啅"?如果係咁,咁點解佢地又要發起去取締班一樓一既廣告咁呢?

唔知各位弟兄有乜意見咁呢?

回復 3# 的帖子

係啦,我都唔明,一樓一賣廣告就話引起人無謂既邪念;

但耶教既女星就話係"健康既性感",我真係好唔明,"性感"就即係引起人家既性慾...咁乜野為之"健康既性感"呢?真係好鬼confuse喎又...

同埋乜野先係"唔健康既性感"呢又?
返回列表
高級模式 | 發新話題
B Color Image Link Quote Code Smilies
換一個