原帖由 小妹 於 2008-2-20 00:18 發表 
好吧. 今時今日的主流教會, 已經對聖經整體的理解有一定程度的共識. 你定要話他們有機會錯(而且是一齊)的話, 我也沒有甚麼話說.
另外, 你覺得那個淫婦真的是沒有為她的罪負上代價嗎? 她被人仇視, 背負了那些罪名, ...
妹妹仔,我都行過唔少教會.你所謂既主流教會"己經對聖經整體的理解有一定程度的共識"好似同我理解既有少少出入.
多既唔好講,就講新教入面"聖父聖子聖靈",我就見過聽過唔少既解釋.再講得大單D既,咁請問天主教同基督教有關新舊約既取捨,穌哥同佢老母阿馬利亞既定位,呢D分歧,可唔可以用"枝節"黎形容呢?我好似之前都講過,係班耶徒真係搞清楚自己個教既信條同教義係乜之前,收埋先,等搞清楚再出黎講都唔遲.一日有天主基督兩大派分庭抗勵,一日都未有耐到"主流教會己經對聖經整體的理解有一定程度的共識".佢地有共識既枝節,而唔係主菜.
個淫婦自在與否我就唔知啦,但個淫婦係行淫既時候,有無諗過會受眾人唾棄/責備呢你估?如果佢係唔知既,穌哥咁做就真係有番幾分男子氣概.但如果個淫婦係知道既,又要去做,做完又要希望人體諒,佢抵唔抵可憐就真係見仁見智.而且呢野阿穌哥中出黎並唔係話其他人都有犯罪而唔好定人死罪咁簡單,更重要既係話俾各位知,呢個世界人人都有原罪,而且係得老耶同佢自己可以免你班人既罪.好似唔單純係以人道出發喎.有時真係唔好斷章取義或者就咁照字面解.
如果套返番入現實生活,法律上雖然唔係每一個國家都判人死刑;但唔判人死刑既大都係因為一個理由:寧縱無枉.而唔係你所講到既無人可以定另一個人既死罪.現實社會,犯事俾人拉到,初犯而案情唔太嚴重,個官會輕手少少;但好少會因為初犯,而可以係定罪後判無罪釋放.
時代唔同對社會既價值觀會有好大既差別,而家你覺得合理並未必等如係以前都合理;以前重係農業社會既時候,人力係最大既資源,因為女性係負責生細路既,而細路將會係未來既生產力之一,所以以前既人對女性既去留會有好保守既諗法.而且亦因為女性要生同照顧細路,相對地直接生產力比起氣力比較大既男性為弱.而男性亦肩付起養妻活兒既責任,係大部份既男性眼中,佢地既妻子係一件消費品;呢個情況一直去到工業革命既後期先有變,重要係由英國地區開始,隨住機械外輸慢慢流向世界.
其實你可以諗吓如果你買支脣膏,個同事/同學日日借去用幾野,你個心都唔舒服.當然你可以好豪,俾咗佢算數;但若果你只係得一支咁點算?會唔會豪得起呢又?以前既資源無而家咁豐富,好多人一世都未必有一個老婆.如果個女性比較開放,今日呢家玩幾日,聽日果家玩一輪;到時係無乜避孕既情況底下,一個唔該有咗,個肚歸邊個呢?要記住,肚入面呢個唔係細路,係生產力.到時個個行出黎話自己既,唔通十五二十分猜咗佢咩?所以以前淫婦係會造成唔大唔細既社區騷動架.咁你話佢大罪唔大罪啦?
如果係討論耶經既時候能夠保持一個更宏觀而理性既觀點,放低"假定耶經為真"既諗法去討論,相信會更有效衝擊出新觀點. |
2008/2/20 01:38
|