Jom

珍妮花,提議吓你班鄰居搵衙差幫手先係皇道,唔好再要你地個管理員叔叔為難啦,月薪六七千重要受埋尐咁既閒氣,何必呢? 噪音管制條例入面既第五條幫到你地.

Anyway,我自己都有曾經玩過吓樂器,以前都試過成日被人拍門,但正如香港既沙灘唔可以玩沙灘波一樣,樂器唔係屋企練,唔通去派出所練咩?

住用處所及公眾地方發出的噪音(第4及5條) 住用處所或公眾地方發出的噪音，包括源自住用處所內的電視機、冷氣機或狗隻等的噪音，以及源自公眾地方的收音機、小販或揚聲器等的噪音。這類噪音統稱為鄰舍噪音。 第4及5條的規定均由1989年11月1日開始生效。 條例第4條為一般規定，用以管制在晚上十一時至翌日上午七時，或在公眾假期發出而屬這類性質的擾人噪音。 條例第5條賦權當局管制於日間或夜間任何時間在住用處所或公眾地方內發出的某些噪音。這類噪音源包括動物、雀鳥、樂器、揚聲器、遊戲、經營生意或業務和冷氣機等噪音。 「住用處所」一詞指獨立住所或住戶單位，而並非指整幢大廈，因大廈可能商住兩用，低層甚至可能作為工業用途。大廈非住宅部分發出的噪音受條例第13條管制。 條例第4及5條所管制的噪音來源，因有其特性，故不適宜用具體確定的可接受噪音聲級或量度程序來評估其程度。一如其他國家，住用處所及公眾地方發出的噪音是由警方根據當時情況，認為噪音構成滋擾時，才加以處理。

Jom

以我既經驗搵衙差係最好既方法,因為無論係想拍人門定被拍門果個都唔敢用太猖狂既態度對付衙差.而且條例就講明樂器係不分日夜都受監管既,所以一玩樂器就己經理虧咗一半,但一而言家吓既衙差都係好好老脾,段估你位鄰居都唔會夠薑叫阿衙差當場拉佢同佢個仔,反而更大耭會係叫個仔細聲尐;咁如果佢唔合作,你估阿衙差會放過佢咩?

以我自已而言,當日玩木結他既時候就無乜人投訴...但一開紿玩管樂就領晒野,幾乎未裝竹片就會有人拍門...當我俾人拍過幾次門,又俾衙差的返去衙門被警誡後,我就自己用咗三差樓下自建咗個小型band"櫃",自此就一收工吹到半夜都無乜問題.你都可以俾你個鄰居參詳吓:
- 一個四呎乘六呎乘兩呎半推門衣櫃       HK$1,800.00
- 一支光管                             HK$80.00
- 一把抽氣扇                           HK$200.00
- 一條抽油煙機用鍚紙氣喉               HK$20.00
- 魚缸濾水器用厚身海綿大量             HK$350.00
- 工業萬能膠一罐                       HK$35.00
- 大門用隔音膠邊一卷                   HK$60.00
- ikea鑼絲組合一包                     HK$10.00
- 四呎乘二點五呎月租(共十平方呎)           HK$120.00
----------------------------------------------------------------
                                                   合計:HK$2675.00

Jom

有抽扇架...再覺熱既咪攞把風扇入去就ok架啦...

Jom

好...不過你估會唔會有老豆咁忍心屈個仔入衣櫃練樂器呢？
Jennifer 發表於 2009/2/25 18:49

以我肥屍大隻黎計,四呎乘兩呎半己經唔可以叫做"屈"架啦,咁如果佢裝修一間studio房俾個仔既就更好啦.

但當日我無老豆提供呢尐野過我,咪要自己諗計用最少既資源做最多既野囉.你位鄰居既然做得人老豆既,除咗向門外吠之外,係咪都應該自己做尐野撐吓個仔咁呢?要全世界就佢一家人,點解先?

再唔係既,咪叫佢個仔唔好學囉..佢個仔係咪天生有殘障呀?驚第日學唔到一門手藝搵唔到食呀?

Jom

12# Jom

講開又講，家陣d細路學嘅野又真係越來越「另類」...可能同報學校有關就真，
當人人都學琴，學violin，就唔「矜貴」啦...
Jennifer 發表於 2009/2/26 15:46

我有個行家,個仔入名校,就話要搵樣樂器學,走黎問我有乜好介紹,咁我都係唔係琴就係violin架啦.點知我個行家一句話:"都無talking point既...".

我見個行家咁有品味,最後就提議佢個仔吹嗩吶,日後書讀得唔好都可以去大禮堂做音樂家吖嘛.

Jom

16# Jennifer  
咁學乜好呀？學吹簫？
龍井樹 發表於 2009/2/26 16:09

唔好,學一自吹蕭一自吹口琴好....

Jom

>樹 呵呵...我得既就去咗表現啦.....

>水 學豎琴又或者管風琴好喎,又少人學,實唔怕做唔成大音樂家啦咁...