返回列表 回覆 發帖

決志的陰影

大家好,

本人離教大約兩個多月(之前返左約兩年), 因事而令我了解到"雞篤桃"冇人性之處, 以及呢個宗教之廢, 令本人大開眼界;

不過呢兩年的確有過快樂, 我都同自己講當去左次旅行, 體會過所謂"雞篤桃"既生活, 不過最後發現原來係搵笨團, 最後發生意外後幸運生還;

但令我最唔開心既, 除左為過班cheap 友付出過感情之外, 就係我決左志;

我想問係咪我一世就係"雞篤"既人??? 有冇出會既儀式??

仲有有冇過來人士可以分享一下點可消除陰影??? 因為而家我見到d "雞篤" 野都好反感, 謝謝!!!
實兄的反應正常到不得了。

聽人講過信教就好似入咗一個abusive relationship裏面一樣,呢條友成日呃你,但你卻處處維護佢,到你有一日醒番,發覺呢條友嘅真面目,唔火滾至奇。

我想問係咪我一世就係"雞篤"既人??? 有冇出會既儀式??

相信實兄最後踏出教會,唔肯再入番去嘅時候,已經完成了出會儀式。
有沒有宗教,好人都會做好事, 壞人都會做壞事。但要好人做壞事, 那需要宗教。-- 史蒂文·溫伯格(Steven Weinberg)
我想問係咪我一世就係"雞篤"既人??? 有冇出會既儀式??
實 發表於 22-3-2009 01:59

非常十分之極度遺憾地,十字教並不設"洗底"機制.
所以,的確如你所言,一旦"入會"就成世.
1#
有邊個細路仔時冇做 d幼稚野丫,一笑置之就可以啦。

我何止決志,仲受洗加入教會添。咁又點呀?
我細個夠玩神打放飛劍啦,唔通又要當真去請牧師驅魔咩?
呢 d美好回憶,笑下咪算囉,都過左去啦。
1# 實  
有邊個細路仔時冇做 d幼稚野丫,一笑置之就可以啦。

我何止決志,仲受洗加入教會添。咁又點呀?
我細個夠玩神打放飛劍啦,唔通又要當真去請牧師驅魔咩?
呢 d美好回憶,笑下咪算囉,都過左去啦。 ...
龍井樹 發表於 2009/3/23 11:00

龍兄走得早走得快,所以說得容易。呢樣嘢唔係聖誕老人或bigfoot,話唔信就唔信,sung吓笨笑吓起身拍兩吓拍走身塵就冇事冇幹,一切回復正常。小弟走出嚟要睇番D書,問好多人嘢,查番自已點解咁戇居信,咁個腦唸嘢先順番,前後攪咗半年。掂番之後唸番重猶有餘悸,先知道呢樣嘢唔係咁簡單,先知道咩係洗腦。

呢樣嘢邪得可以,唔係就唔需要呢個網站啦!
有沒有宗教,好人都會做好事, 壞人都會做壞事。但要好人做壞事, 那需要宗教。-- 史蒂文·溫伯格(Steven Weinberg)
5# 撻Q猛男
你肯定冇睇我篇離教見證啦。
我返左廿多年教會都叫走得快呀?咁係咪要返上三四十年以上先叫做正路?

睇書呢家野,就係我響教會果陣負責圖書閣,
又因為護教心切所以先睇埋睇埋好多神學哲學書。
我對哲學既興趣都係咁樣培養出黎。(我本身係理科生)
1#
實在是不用甚麼儀式的。

假如真的要離教儀式,如果無的話就不安樂,那就「燒‧聖‧經」吧。
支持鼓勵每位離教者 › 閹割神父 刻不容緩 ‹
撻Q:
我都好想快快正常返, 想起當初離開, 個腦成日出現D "奀句", 好似提住我要返去咁, 攪到我每次唔返, 都好內疚, 又好似累左我D FD 返唔到, 苦不堪言, 後來慢慢先好返, 唔知你當時係睇D 咩書, 可以介紹下嘛

無神:
聽到你咁寫時, 我隻眼差D 跌左出來

樹:
果真每個離教既人背後都有一段故事, 想唔到你信左咁多年, 相信最後一定都受左唔少苦, 我雖然返左只係兩年, 但我當中實在投入過(到走左時受左內傷先知), 都令我好難頂, 何況你, 咁你最後仲同D 人有冇聯絡呀??

斷水:
嘩哈哈哈哈~~~~~ 你既提議實在太正, 就咁決定, THX
龍井樹兄> 本人的確冇睇過老哥的離教見證,見到#4的回應就只可以咁樣答你,實乃無心之失請見諒。

實兄>以前冇咁多好書,呢幾年嘅 secular movement 出咗好多好書,老哥你有福啦﹕
Letter to a christian nation - Sam Harris 精、簡、一針見血,本書夠薄,用嚟止痛最好。
Why I became an atheist - John Loftus 反護教書,作者做足功課但有些地方太學術性,略為難明,但就箅明十分一都獲益良多。
Take back your life - Janja Lalich 講洗腦,睇完你會明耶教(及其他教)嘅操控洗腦手法。
李天命的思考藝術 - 李天命 教你點唸嘢,睇完會識得分辦咩係 bull shit。
另外有幾點想提一提﹕
1. 唔好急,因為急唔嚟,本人見過有D要掙扎好幾年。
2. 離教其實是 de-program 自已,你要 take up 一D新嘅自已嘅價值觀,同培養自已能獨立思考。
3. 嗰D唔返教會就唔舒服嘅感覺,係邪教嘅 programming 嚟,包括容易自責、內疚。如果理性地去分析,呢條「神」都係假嘅,guilty to whom? 空氣?
希望幫到你!
有沒有宗教,好人都會做好事, 壞人都會做壞事。但要好人做壞事, 那需要宗教。-- 史蒂文·溫伯格(Steven Weinberg)
8#
我冇辦法唔同教會 d人聯絡喎,因為我父母兄姊都係教徒,哈哈‧‧‧

除左家人,其他教會人已經冇再聯絡。離開教會以後,都只因有教友借左我錢,我先迫住要主動聯絡佢地。依家錢已經追番,就算佢再約我我都唔會理佢(搵我都唔荒會有好野)。

信教返教會主要唔係咩神學哲學論理折服人,同理離教亦一樣唔係咩信仰破產。你只要能夠靜落黎,你就會發現人際關係先係教會既傳教絕招。當你既生活被其他教徒和教會節目所佔據,信教只係一種得到別人認同的手段。只要你認真去諗,邊會有全知全善全能既神存在丫?根本就矛盾重重,狗屁不通。你想信都欲信無從啦!
撻Q 兄,

"3. 嗰D唔返教會就唔舒服嘅感覺,係邪教嘅 programming 嚟,包括容易自責、內疚。如果理性地去分析,呢條「神」都係假嘅,guilty to whom? 空氣?"

如果係咁, 耶教咪係邪教?? 可唔可以再講多D??

樹兄,

我真係好同意你講佢地既絕招係人際關係, 同埋教會節目, 到而家我到時到候都會想起, 真真折墮, 我渣架14座, 嘿~~~~~~~
本帖最後由 撻Q猛男 於 2009/3/25 12:26 編輯

11#
實兄,本人唔係咩專家,但就所知嘅嘗試講解吓。Programming 其實唔係咩恐怖嘢,只不過係話一個人接受咗一個 idea,呢個 idea 成為佢思想嘅一部分,從而影響佢嘅行為。這不一定是壞事,好似一個老師教學生話人與人應互相幫助,學生接受咗便去幫人。但如果你接受咗一D看似無害或似是而非的 idea,如耶教的﹕
1. 耶教的神是真的。
2. 神是聖潔的。
你俾呢兩個 iideas 成為你思想嘅一部分,你做嘢便時時唸住有個「神」睇住你,便會驚自已做錯和「犯罪」,慢慢便培養出一種罪疚感,所以覺得唔返教會,好似唔舒服得罪咗「某」D嘢。但如果你睇返吓書問吓人,從各方面去查明耶教的神是否是真,你便知這些理據都站不住腳,這樣既然 1 是假的,2 是否聖潔也無關重要,根本就冇咩「神」成日睇住你,咁你就 de-program 咗呢兩個 ideas,罪疚感亦會慢慢消失。

至於耶教是否邪教,本人覺得任何宗教將一D未經驗証嘅嘢當係事實咁話俾人聽,牢籠人哋思想,都係邪教。耶教附合這定義,所以係邪教。
有沒有宗教,好人都會做好事, 壞人都會做壞事。但要好人做壞事, 那需要宗教。-- 史蒂文·溫伯格(Steven Weinberg)
真係要好好睇多d 書黎向人証明耶教係邪野黎, 因為我英文唔好, 所以明天會去買李天命本睇左先, 謝謝Q兄
13#
李天命本書很好,希望對你有用。中文書方面,實兄可以去公共圖書館找批評耶教的書,它們都會放在一起,你找關於 religion(宗教), atheism(無神論), secularism(世俗主義)的書架便會找到。如果實兄不怕麻煩,甚至可以去港大、中大、或其他大學的圖書館,那裏的書會更有料到,而且很多都准外借的。

... 明天會去買李天命本睇左先, 謝謝Q兄

冇問題,幫到你最好。
有沒有宗教,好人都會做好事, 壞人都會做壞事。但要好人做壞事, 那需要宗教。-- 史蒂文·溫伯格(Steven Weinberg)
10# 龍井樹
龍井樹,人際關係既然能夠成為教會的殺手鐧,何不將他們的招式吸為己用,以其人之道還治其人之身呢?
我有一個夢。
離教者之家能夠成為一個讓基督徒認識愛和學習愛的群體,大家言歸於好,主內主外一家,四海皆兄弟。
一切爭戰和怨恨,都是浪費氣力的無聊動作。
大家省回這些寶貴的力氣,便可以為世界作出更美好的建設。

親愛的朋友,有心聲無處傾訴?
主夫人願意成為您的聆聽者。
1#
你好,第一次回覆你,希望我的想法只會為你開路,不會為你帶來任何困擾。

我是一個曾經堅信基督的離教者,所以我才有資格代表所有對信仰認真過的離教者講說話。
當然,我的意思不代表我的感受等同所有人的感受,而是,以離教者之家的立場,這個網最主要是為了我們這一類因投入感情和信任而受傷的離教者而設。

我想你投入教會並不是一段很長的時間,已經拆穿了他們的友善偽裝,這實在是你的本事。
許多像我一樣愚眛的人,在教會裏泥足深陷,還樂在其中,根本不會意識到自己的無知和危險處境,對旁觀者的勸告充耳不聞不止,還會作出惡意的反擊。
回想自己過去的想法和行為,曾經令自己無地自容,那等同你所指的「陰影」。

相比之下,你實在比我有智慧得多,免了走上許多的冤枉路。
若是講仇恨,講報復,我想自己所失去的絕不比你少,所受的傷害也絕不比你輕,加上我作為一個處於弱勢的女性,離教者之家現時怒火最盛,對基督教最凶狠的,應該非我莫屬。

記起早些時候我教導我的小兒甥女施慈,一個真正的惡人,是不會表現得張牙舞爪的。
張牙舞爪的人其實是弱者,他們的內心空空如也,沒有任何力量,才需要打腫臉充胖子。
那麼一個真正的惡人是怎樣的呢?他們應該與平常人無異,笑罵由人,不動聲色,心如止水,無論旁人企圖如何翻動這池水,這池水也泛不起半點漣漪。
你也許會問,這如何見得是惡?
我想終有一天,你會明白這種能夠將自己控制自如,想自己怎樣就變成怎麼的惡,是怎樣的一回事。
我有一個夢。
離教者之家能夠成為一個讓基督徒認識愛和學習愛的群體,大家言歸於好,主內主外一家,四海皆兄弟。
一切爭戰和怨恨,都是浪費氣力的無聊動作。
大家省回這些寶貴的力氣,便可以為世界作出更美好的建設。

親愛的朋友,有心聲無處傾訴?
主夫人願意成為您的聆聽者。
15# 潔瑩
即係點?我未有打算成立一個龍井教喎‧‧‧
你咁聰明,無理由要畫公仔畫出腸既……
我有一個夢。
離教者之家能夠成為一個讓基督徒認識愛和學習愛的群體,大家言歸於好,主內主外一家,四海皆兄弟。
一切爭戰和怨恨,都是浪費氣力的無聊動作。
大家省回這些寶貴的力氣,便可以為世界作出更美好的建設。

親愛的朋友,有心聲無處傾訴?
主夫人願意成為您的聆聽者。
"他們應該與平常人無異,笑罵由人,不動聲色,心如止水,無論旁人企圖如何翻動這池水,這池水也泛不起半點漣漪。"

潔瑩, 施慈有你教佢呢個道理佢就已經很幸福了, 我都係近呢排才開始領悟呢個道理, 想當年我16-7歲時剛回教會, 那時個導師同我查經, 我竟然幼稚到問佢如果將來政治力量影響宗教, 會否就算犧牲性命堅持信仰, 現在回想, 呢個問題十分幼稚, 試問在一個太平盛世, 他答什麼有何所謂, 反正他怎樣答也不代表他會怎樣做罷!
1# 實  
我想終有一天,你會明白這種能夠將自己控制自如,想自己怎樣就變成怎麼的惡,是怎樣的一回事。
潔瑩 發表於 2009/3/26 10:47


瑩,

雖然我呢次花係耶教既時間比較短, 但相信時間同傷害未必成正比, 而呢次對我既傷害亦係極深, 深至我自己亦始料不及, 我想我講出黎, 亦會嚇大家一跳, 所以都係算了吧, 只望大家能互相支持, 更能將離教者之家發揚光大, 我想為左耶教認真過, 而後來受傷既真係大有人在

很欣賞你話呢度係希望讓 "雞篤桃" 了解咩野係愛, 就算係唔同界別, 都係兄弟也

我真係好高興搵到呢一個可以讓大家療傷既地方, 有時大家傾下講下, 相信比起所謂充滿愛, 實際滿是人性陰暗面既教會, 溫暖得多
返回列表
高級模式 | 發新話題
B Color Image Link Quote Code Smilies
換一個