返回列表 回覆 發帖

唔知點算好...

1# Guest from 219.78.114.x

你家姐以為自己識「扮讀書」好叻,但係其實「扮」都唔會「扮」得好耐..我估計佢係初中?(因為你剛剛升中) 會考 (或者係你地第日要考嗰個新嘅DSE) 成績,攞幾多分冇得「扮」嘅,就算你家姐而家可能靠小聰明 (或者其他野例如問同學仔抄功課,考試攞tips 等等...),一到公開考,高下立見。

有句英文諺語,"The person who laughs last, laughs best",只要你而家決定唔「想死」,努力做好自己,唔好理家姐/老豆up 乜,最後做到自己滿意嘅成就,你就會係「笑到最後」嗰個啦!
本帖最後由 Jennifer 於 2009/8/24 09:49 編輯

仲有,你「沉迷打機」,的確係浪費時間嘅舉動,其實你第時出左黎做野,大把時間打機/上網啦 (問下呢到返緊工嘅哥哥姐姐,包括我,就知啦...) 讀書冇固定 office hours,你讀幾多/幾少,真係好睇個人 keep 唔keep到專注力嘅...不如你諗下點解你會咁鍾意打機?係咪遊戲裡面有好多現實當中想做但係做唔到嘅野,所以情願打機都唔想面對現實?定係有其他原因?

至於上帝存唔存在,其實唔係問題核心所在,佢存在與否,你9月1日都要開學架啦係咪?就算你相信「上帝唔會離棄人」,你都要先學識唔好「離棄自己」,因為,你真係想「去死」的話,「上帝」係唔會派天使係地下接住你唔俾你死架。我地每個人都要對自己嘅生命負責。
6# 撻Q猛男

係就係,不過呢d公司多數唔喺香港bor...
咁要出外謀生的話,基本知識 (語文,數理等等),點都要有d基礎卦...
返回列表
高級模式 | 發新話題
B Color Image Link Quote Code Smilies
換一個