返回列表 回覆 發帖

[轉載] 自從我啊哥信教後, 屋企變到家嘈屋閉

我哥哥四十多歲, 已婚十年, 育有一女一子, 兩年前佢因為情緒有問題, 經我女朋友介紹下, 佢參加左教會, 起初我地都好樂意佢返教會, 因為佢情緒真係有改善, 做人好正面, 好有力量,

但到近呢一年, 好多現象令到佢身邊的家人好難受, 因為佢月黎月黎投入教會生活, 每星期固定有兩天即星期六日一定會返教會搞活動, 平時閒日又差不多有一至兩天上教會活動, 例如街訪, 搞青年活動, 近來又為教會成立籃球隊, 所以月黎月忙,

佢放工就去打波, 打完波返到屋企食完飯幫仔女睇完功課, 好多時就係房聽詩歌或者睇聖經, 佢聽詩歌係無時無刻的, 坐車聽, 行街聽, 返工又聽, 回到家中又聽, 除左食飯會同我地傾幾句, 一靜洛黎就係聽詩歌,

影響最深當然係佢個老婆, 而且佢老婆又唔係一個信徒, 所以佢好唔鐘意佢咁投入, 成日都要自己一個係屋企照顧仔女, 有幾次都係為左佢唔係屋企而吵交, 在此之前, 佢地係唔會吵交, 而屋企其他成員好似我爸爸同我都唔贊成佢咁, 一來搞到佢老婆唔唔開心, 二來自私心作祟又會比較我啊哥好似關心教會多過自己屋企, 好似我爸爸話佢會去探訪教會老人家, 但係每天回家同自己老豆傾唔夠十句計,

其實佢所做的都係好事, 但係我地又唔俾認同佢因為覺得點解唔關心自己屋企人先, 我哥哥成日會話因為我地屋企已經好幸福, 要關心就先去關心D路宿者先......, 有時問佢點解唔多D關心個七十幾既老豆, 佢會話同佢傾幾句就講估票, 根本唔岩傾, 天上的父比地上的父重要......

其實係我女朋友介紹佢入教的, 佢一直都話係我地唔理解佢, 但係衣家連佢都話過火, 搞到家庭關係咁, 唔係基督徒應該做的

剛剛最令人煩惱的, 就係佢係教會籃球隊中識左個女仔讀F.6, 我地對佢個形象唔係幾好, 因為第一次見佢, 佢著得好性感, 又會玩得好顛, 但係佢就特別鐘恴同我啊哥傾計, 試過幾次夜晚9點幾叫我啊哥落街傾計, 而我啊哥又會為左佢即刻落街, 飯都唔食, 叫佢老婆唔好等佢返黎食, 跟住傾到十二點先會返,

咁我地好自然問佢個女仔咩事, 佢會話個女仔屋仔有問題, 情緒好差, 要人安慰, 所以佢要去幫佢, 作為佢細佬, 我係信佢無咩月軌, 但係佢唔關心佢老婆感受, 搞到佢老婆成日為呢d事喊, 我就好反感,

點解我地會搞到咁, 以前我同佢無事不傾, 衣家傾親就吵...........

http://www.uwants.com/viewthread.php?tid=9022303

抽按:看完心裡隱隱作痛,信基督教如斯,人倫都破壞了。尤其當喪禮和春秋二祭等,衝突會更加明顯。
支持鼓勵每位離教者 › 閹割神父 刻不容緩 ‹
我覺得教會根本冇解決到你哥哥的情緒問題...好有可能,教會對佢黎講,只係安慰/止痛劑,最初好似好有效,令佢好積極咁...之後,越食越冇效,就只有食更多更多先止到痛...

佢一直逃避緊,或者,一直以黎困擾緊佢,令佢情緒有問題的,sorry講句,我估計,好有可能,根本就係一班屋企人...好不幸,你女友好介唔介,介紹一班你阿哥彷彿好似好岩key的教會朋友,咪只有令佢一步一步遠離屋企去親近佢d所謂"弟兄姊妹"囉...

個F.6女仔,我估佢都係想搵個大年紀d黎"照"下,他日出現第二個更岩傾的而唔再啋你阿哥,佢一定會好hurt...到時屋企人一定要有心理準備佢情緒可能會比未返教會之前更差...但係,無論發生乜事,始終大家一家人,老套d都要講句,如果你阿哥他朝有日真係"回頭"的話,千祈咪講d "我地一早話左你架啦..."之類的說話,否則,樓都有得跳...

等啦,我直覺覺得,你阿哥總有日會"醒"的...
9# geekboy

以前我都有玩開 uwants, 不過自從公司將 uwants 過濾了以後就少上了.
這位朋友也有在U網吹水區發同一個帖,在下有一兩個網友與一個盲基玩了二十多版

http://www.uwants.com/viewthread.php?tid=9022743

Regards,

geekboy
鴉片是最厲害、最難戒除的毒品!
支持鼓勵每位離教者 › 閹割神父 刻不容緩 ‹
馬克思說宗教是人民的鴉片,是不是指其令人思想麻痺,而且上癮及不能自已的情況,像事主一樣?
Guest from 202.40.137.x 發表於 2009/11/18 11:32


不用說這麼多了 ,買本毛語錄看好過了
馬克思說宗教是人民的鴉片,是不是指其令人思想麻痺,而且上癮及不能自已的情況,像事主一樣?
原作者的回覆:

多謝各位俾意見先,
我其實間中都有返教會, 以前係陪女朋友, 衣家係陪啊哥
我啊嫂直情係唔信都會陪啊哥祟拜, 有咩大事, 例如球隊成立啊, 比賽啊, 都會全家出席支持

但係講真我同啊嫂都係未信的, 去教會活動全為支持佢,
但係佢就會覺得我地唔投入, 佢做咁多野, 我地都唔去認同佢, 反而一味叫佢留多D係屋企......

近日, 佢喜歡同球隊的年青人一起, 當中有個女的同佢好投緣,
佢成日都話要去開解呢個女仔, 因為佢情緒有問題
我地有徹言, 始終人地中六咁大個女, 你同佢單獨出街到晚上十一,二點, 好似唔係幾好

可能我地講得太多, 所以佢最近直情講大話, 話自己出街, 其實就係去陪個女仔游車河, 又係一兩點.....
為此我同佢吵大交, 因為我大佬好耐,好耐無同我講大話,
但係如今佢話呢個係善良的大話, 佢想我地唔好亂諗野.....

佢話對我地好失望, 因為我地對佢無信心,
佢話佢係基督徒, 聖靈係佢心目中會警示佢,

但係佢凡事以基督徒身分黎同我講, 好似佢係聖人咁,
一定唔會錯, 佢出去只係去幫佢, 係做神所喜歡的事.......

但係佢只係同人去遊車河...... 又何來咩神唔神啊..... 要老婆係屋企等到一兩點, 咁又算點啊.......

我對佢開口埋口聖經神語真係好反感......
我話你係基督徒, 咪又講大話.... 聖靈有無叫你唔好講大話啊......

我同佢吵左真係好多好多次交, 我地以前好好兄弟的, 佢真係好關心我, 好愛我架.....
但係佢衣家一講神乜神物, 我就好反感惡心..... 唉.......
支持鼓勵每位離教者 › 閹割神父 刻不容緩 ‹
天父要佢關心咩?天父無人理會死咩?露宿者是但一個義工去關心佢根本無分別,佢個七十歲阿爸可以是但搵個當做仔咩?不過,個性感中六妹又真係幾吸引,真係好人有好報囉,哈哈‧‧‧
一向基教的「事奉」也是好事
但是如果打著宗教的旗號, 尤其是基教這種急進, 激烈的宗教, 多好也會變壞...
你哥哥可能在基督教上得到安慰先會咁投入, 不過過火就唔好喇! 但係依本人在教時所感受到的, 教徒是會越來越投入, 什致過火, 會將成副精神時間都奉獻晒比主, 哩D就係基督教既洗腦功強之處, 而且, 信教既人大多心靈空虛受創, 所以要佢抽身出來, 唯一辨法是在教會以外都能豐富佢既生活
返回列表
高級模式 | 發新話題
B Color Image Link Quote Code Smilies
換一個