返回列表 回覆 發帖

[轉載] 精神病人?!

有個人,他常常聲稱:我乜野都識,乜都做到。

我問佢下期六合彩開乜野號碼,佢答我天機不可洩漏。

我問佢知唔知我銀包有幾多錢,佢話唔多過一百萬。

我問佢識唔識量子力學,佢話識,但唔想講,因為唔想炫耀。

我問佢3845673392536既6次方係幾多,佢話:你自己用計算機咪計到囉,使乜問我。

我問佢識唔識飛,佢話識,但唔會飛比人睇。

我問佢我有幾多條頭髮,佢話有17246條,唔信就逐條拔出黎數下。

我問佢知唔知我會唔會食左面前個蘋果,佢話知,但現在唔可以透露,要等我食左或走左,先可以透露。

我擲銀仔,問佢公定字,佢話公背後就係字。

我問佢有無聖經所講既天堂地獄,佢話信則有,不信則無。

我問佢耶神本意,究竟信者得救,抑或信者都不一定得救,佢話兩個都O岩,兩個都無錯。


佢真係樣樣都答到

之後,佢無端端話:只要有把口,人人都可以係食神。

佢真係樣樣都答到喎,樣樣都識答喎,樣樣都做到喎。
究竟佢係精神病,係耶穌,定係耶徒,我真係唔識分。

(轉載自三基walker)
機車懂嗎?
這樣也能說好?
來自黑暗,受光明枷鎖
返回列表
高級模式 | 發新話題
B Color Image Link Quote Code Smilies
換一個