感恩

酒井明

為什麼要存有[恨]呢？
為什麼分手後，要想著他當初對自己怎樣怎樣的不好？為什麼要恨他呢？
何不反過來，想著他的好，感激他曾經愛過你？
這才是真正的[凡事感恩]。[凡事感恩]不是如那些瘋子說的，事無大小，不論死人塌樓、殺人毆鬥也感恩一遍；而是，即使他離開了你，你仍抱著樂觀的心，面對他，面對自己。
那些心存歹毒的人，總喜歡在你的感情有阻礙，甚至失戀的時候，跑過來跟你說[不要把感情放在男友身上吧]、[全心全意放在教會吧，將愛奉戲給神吧]，甚至說[神安排你們分手，一定對你有益處]之類的說話。這絕不是什麼[凡事感恩]。這些人，不過是想多一個人，跟他一起跳[忠字舞]，將雙手比劃在胸前，擺出心形圖案，唱著[親愛的上帝啊，我們有多少知心的話兒要跟你說]。他們只是一群瘋子，不要理會他們。
不要只想著，他當初是如何跟另一個女孩搭上了，如何移情別戀，如何決絕地提出分手；你要想著，那天一起在一部夾毛娃娃機面前，他夾到那個你一直很喜歡的毛娃娃的時候，將[戰利品]送給你，那時的興奮、雀躍。你要想著，那年的聖誕夜，纏綿過後，他緊擁著赤裸的你，在你耳邊情深低訴一句[我愛你]；與及那天在教員室的走廊裡，他故意在那個四十歲仍沒有男朋友、據說是[明光社]會員的訓導主任 Miss Leung 背後，緊擁著你，送你情深的一吻。因為，你是曾經被一個男人，如斯真心地愛著。
這才是真正的[凡事感恩]。

酒井明

喂喂..........兩位，唔好咁啦，阿李生佢一向都係咁多愁善感，所以咪成日借酒澆愁囉。如果係要煩，乜都煩得一餐架啦，唔理而家、過去定係將來。聽詩人o既說話，有時斷章取義就算啦。

酒井明

沙文兄，或者你講得o岩，失戀o既感覺就係令我寫得出好似[那一年夏天，那一場戀愛]咁樣意境o既文章出黎，如果你覺得咁樣係好o既，咪就當係好囉。
[失戀]對我黎講，就好似斷o左一隻手，或者一隻腳咁；我而家係習慣緊點樣單手食飯，或者適應緊隻假腳黎行路、沖涼。係，我係比你地呢D健全人士識多o左一樣野；但係，真o既，我寧願好似你地咁，仲有雙手雙腳可以用。有得揀，邊個會揀做傷殘人士？
哈，話時話，唔知沙文兄你鐘唔鐘意我呢篇戀愛文章呢又？
抽刀兄，你咁講即係踩我定係讚我呢？過去o既我，好痛苦；而家o既我，好窮；將來o既，我唔想諗，亦唔敢諗。或者，你就當我係白痴啦。

酒井明

原帖由 抽刀斷水 於 2007-7-24 10:08 發表

噢，就利用你的文章，慢慢地讓我們了解你多一點吧。

咁，直到而家，你理解到我有幾多呢？可唔可以講下？

酒井明

或者咁啦.........我冇覺得懷才不遇，因為我都唔覺得自己有乜才可言。我只係想一心一意，去寫好自己想寫o既文章、小說。
用[曾經滄海]黎形容呢..........或者咁，我用一個比喻問你：你有冇試過俾親人出賣？假設，你一直都幫你個舅父，由大陸帶D毒品落黎香港賣；你知道係毒品，但係你一心諗住佢係你舅父，唔會唔照顧你。點知，就響你唔好彩俾人拉o左o個晚，你篤佢出黎，佢竟然話唔關佢事；OK，佢要自保，算，但係佢竟然響其他人面前同你講，[哎呀，好人好者，做乜學人帶毒品呀？讀唔到書咩？]、[下？我同你好耐冇聯絡咯喎，點會仲叫你做呢D野呀？]咁樣。呢個時候，你會點諗？
我就係曾經俾親人出賣過。
遲下我開篇文章，講下我o既童年陰影。

酒井明

我唔覺得[忘記]係可以解決問題。可能因為我係獅子座，所以我好多時都係選擇面對多過逃避，紀念多過忘記。當然，如果我個腦係一舊harddisk，我早就將呢段往事delete o左啦；但係，唔係嘛，佢係一個有血有肉o既腦袋嘛。當然，我都知道心理學裡面有一種叫做[選擇性失憶]o既機能，係用黎保護個腦o既(詳情請睇[沉默的羔羊前傳])，但係，我冇呢個功能嘛。