辛苦

抽刀斷水

辛苦晒你地啦!辛苦你地啦！知道你地最近好煩，煩呢樣煩個樣，好辛苦，又知道你地好忙，忙呢樣忙個樣，搞到冇晒心機！如果可以的話，我願意為你地承擔一切！

相信你地最花心力同時間就係忙教會生活同事奉(補習班，MI，崇拜，敬拜，伴奏，開組帶組，開會，飯聚，洗禮班，sing con，嘩！咁多野既？），搞到冇晒時間，冇晒時間溫習，冇晒時間陪屋企人，冇晒時間追番老師所教的，冇晒時間陪同學陪朋友，冇晒時間休息，冇晒時間做自己野，

我相信你地會不時地反問自己：點解我會咁？我唔甘於做一個聰明人，因為聰明人總是遠離我，我好想做一個無知的人，因為可以自由自在，但似乎又不上帝的心意，所以我好辛苦好辛苦啊！如聖經所講，立志為善由得我！只事行出來由不得我！點算呢？

或許我地又不斷反問：點解我會咁辛苦，點解佢地可以咁輕鬆？點解我事奉咁冇力？點解我成績大倒退？係咪因為我忙於事奉，忙於MI，忙於返教會，所以成績遠離我！朋友遠離我！同學仔遠離我！家人遠離我！快樂遠離我！甚至乎上帝遠離我！

親愛的弟兄姊妹，我看著你們的辛苦，實在感到心痛！因我不知可以講些甚麼？若我能講一些說話或做一些事可以減輕你們的痛苦，我願意！即使要我短幾年命，我也願意！即使冇得休息，我也願意！即使得我一人承擔，我也願意，只要你們活得快樂，只要你們生活得健康，只要你們膊頭感到輕省，只要你地唔好離開神，唔好離開教會，我情願為你地付上一切！

親愛的弟兄姊妹：


事奉不是要放低你的溫習──反之事奉是要更專心溫習！
事奉不是要你放低同學朋友或家人不理──反之事奉是要你更愛惜他們！
事奉不是要你放低你的娛樂──反之事奉是要你得著安息，要好好休息！
事奉不是要你放下自己不理──反之事奉是要你因著神的緣故，更愛惜自己！
事奉不是要你死做爛做──反之事奉是教曉你要好好安排時間！
事奉不是要打沉你──反之事奉是要提升你的生命力！
事奉不是令你失望──反之事奉是要增加你的信心及盼望！
事奉不是要你憂憂愁愁唔開心──反之事奉是要你得著喜樂！
事奉不是要你感到失敗──反之事奉是要你得著成功感！
事奉不是要你榮耀自己──反之事奉是要榮耀上帝！
事奉不是要你單打獨鬥──反之事奉是要你建立團隊精神！
事奉不是要你筋疲力竭──反之事奉是要你得著無限的力量！
事奉不是要你任勞任怨──反之事奉是教曉我們凡事感恩！
事奉不是令你感到無奈沮喪──反之事奉是要你精神飽本；充滿生命力！
事奉不是要你認叻──反之事奉是要你認知自己的能力不足，需要依靠上帝！



親愛的弟兄姊妹，事奉乃是要你們生命得著釋放！


親愛的弟兄姊妹，事奉乃是要你們生命得著釋放！因為當你們事奉的同時，上帝的能力就能在你們身上顯得更完全！

大家試想想，若我們不事奉，上帝的工作是否會停頓？當然不會，因為祂的工作其實不需要我們參與亦可以成就，只是祂給我們機會，讓我們成為祂的同工，並在事奉過程中享受祂的同在與能力，亦能真正明白事奉的意義：就是生命全然得著釋放！你們明白麼？事奉乃是上帝給與我們的恩典！千奇唔好放棄啊！只要堅持到底，神必開路！

所以弟兄們，我以　神的慈悲勸你們，將身體獻上，當作活祭，是聖潔的，是　神所喜悅的；你們如此事奉乃是理所當然的。(羅 12:1)

作為協和堂的牧者，作為你地屬靈的爸爸，我願意獨個兒承擔你地的痛苦！只管向我導出你的需要，我願意承擔，不必為我粗心！

親愛的弟兄姊妹，我至愛的同行者：

我在基督裏講實話，並不是謊言，因為我的良心被聖靈感動，給我作見證；我係大有憂愁，心裏時常傷痛；為著你地，因你地係我骨肉之親，就係自己被咒詛，同基督分離，我都願意。

親愛的弟兄姊妹，我係好愛你地，為著你地能享受基督的愛，為著你地能經歷信仰的真實，能明白事奉的真義！我Kingo甚至連自己既性命亦都願意俾你地，點解？因為你地係我所疼愛既！

每當看見或聽見你地無奈的聲音或者消沉的心態，我就感到無限的痛心！我心裡實在萬般焦急，為的是希望你們的成長，為的是你們的經歷，為的是希望你們明白，上帝的恩典夠我地用，佢會係我地呢班軟弱的人身上顯得更完全！

為著能減輕你地的痛苦，為著你地能專心尋求上帝心意，為著你地能有一個硬碀的生命，為著你地能夠開開心心的成長及事奉！我願意為你們禁食禱告三天（或許更多，我也不知！）

保羅話：靠著那加給我力量的，凡事都能作！

我不求甚麼！只求你地唔好放棄，唔好放棄！亦希望你地明白同埋能夠經歷上帝得而且確是真實的！
無論點，因著主，我對你們仍然充滿信心！我絕對唔會放棄你地每一個！因為你地係我心裡面，一個也不能少！放心，kingo全力支持你地！

再者，請原諒我未能完全能明你地的感受！
請原諒我未能適時給予你們肯定！
請原諒我未能減輕你地的辛勞！
請原諒我未能站在你們的處境看你們的心聲！
請原諒我未能好好關心你們！
請原諒我未能給你們適切的支援！
請原諒我未能做一個好好的牧者！
請原諒我的限制，原諒我的無知及恩賜才幹不多的人，以致讓你們在事奉上倍感吃力！
請原諒我未能在你地的學業上幫上一把！
請原諒我未能幫你們得著釋放，只增加你們的痛苦！

願上主好好教導我，讓我能明白；體會你們的感受！也給我智慧可以適時回應你地的需要！

為你們切切禱告的流淚牧者

http://www.xanga.com/kingo_ho/552695997/367633351026194203202232021862.html

抽按：真係「真誠」！看來他旗下的很多基基，都荒廢學業，家人都開始投訴呢。

酒井明

咦？呢個 Kingo，我好似識得個喎.......當年返教會o個個好大隻，肥肥地，話自己係做保安公司經理o既，係咪就係佢呢？
不過話時話，你呢段野真係好無聊喎，講黎講去，都不過係要佢地繼續返教會；只不過就要向佢地洗腦，輸入o既資料就係[事奉的目的]，呢種洗腦宣傳，同文革時期o既反右鬥爭咪又差唔多。