各位兄弟,對住一個錯唔認打唔企定既細路仔,你地踢得佢越多就害得佢越多,佢明係要將一個大話講成事實,越係俾正反面佢睇到,就越係令佢本來已經唔清晰既思路更亂.
歸根究底,係科技越黎越先進既今日,己經係無可能去證實到老耶既存在.
以前科技比較落後,人會將好多當時科技解釋又或者解決唔到既事,用神黎解釋,為既就係去舒緩人/群眾係唔理解既情況下,所產生既不安同負面情緒.但當時代進步,好多野已經可以用科技黎解釋正前因後果/一部份既前因後果,呢尐幾千幾百年前既所謂神,作用可以講已越黎越少,因為一尐佢地以前以為係神既作為,今時今日都己經有咗確實既答案,亦即係話唔關所謂神既事,甚至更帶出咗一個問既元點- 根本就無神呢科野.
呢個問題,係近一百年引起好多既爭議,但時間一路逐漸證明,神既存在根本提供唔到足夠既數據同不可抗辨既物證,試睇吓近年幾多人離教就知.
基督教也好天主教也好,都只不過係一堆係人世間得唔到方向搵唔到自己既人既一個迴旋處.所謂既神,亦不過係人為咗令自己係逆境又或者係唔順意既時候好受尐而作既大話.如果唔係,幾千年來都有人嘗試證實方舟既存在,最後都係落得被人踢爆既收場.
早前我轉載咗一篇文章,有關方舟既數據.裡面提出既正反考證,實在係點駁都駁唔返一條如耶經所講既方舟出黎.係咁既情況下都要去信既,唔係別有用心就係掩耳盜鈴.
另一方面,我相信唔少耶徒自己都知乜野事,起碼所謂既滅世洪水,耶經上信誓旦旦咁話係滅世,但而家大部份既護教者都轉晒口風話當時尐人"以為"係滅世,其實只不過係一個地區性既洪水而已.點解呢?會唔會係己經發現咗呢個講幾千人既大話,因科技既先進而講到落去呢?既然確定咗呢一個係大話,咁為乜仲要走出黎向人推銷,要監人信呢?係咪因為教徒越黎越少,收入同埋性對象相對不足,要做promotion咁呢?
一本書,由第一頁開始己經講大話,咁既書,我真係唔知當佢係小說睇定當佢係漫畫睇.
所有寓言,都好清楚咁講明,呢個係寓言,以虛搆既人物情節去帶出一尐道理.係個咁既condition下,我諗耶經都可以當一本寓言集,不過呢本咁既寓言集,所謂既道理都只不過係榥子,講到尾都係為咗帶出一個訊息:你要信老耶,聽老耶話,幫老耶辦事,重要養埋我班人.即係話要養埋班神棍.咁睇黎,呢本寓言似係老千道具多過寓言喎.
其實有無老耶,人既本性都會識孝順父母有錯要認等等既道理,做唔做又或者做唔做得到就睇自己,根本有無神,人都係要咁生存落去.咁點解無啦啦要去信一個老千神棍作出黎既大話呢?係為咗情緒無咁負面定係有位可以去逃避?而且自己信不特止,重要無所不用其極咁要身邊既人都信埋一份,何苦呢?在生既事都未攪得掂,死後既野你估有辦法可以預算到咩?如果咁都信,實在愧生為人.
至於阿bbchan,麻煩你就#108所述而道歉.
阿水,麻煩你report當日既IP,我會做野. |
2010/5/7 12:31
| 
2010/5/7 19:01
| 