深圳

抽刀斷水

這是深圳的一所教會的情形，可以了解到中國式教會的文化，究竟那裡最有趣？

內地教會不像香港那樣, 是需要國家規檢! 你應該替他們悲哀!

抽刀斷水

原帖由 Guest from 203.198.79.x 於 2007-7-23 14:50 發表
內地教會不像香港那樣, 是需要國家規檢! 你應該替他們悲哀!

無須悲哀吧，只要離教就ＯＫ了。   可能你已看到中間大字寫上「國慶聖樂讚美會」了吧，但這並非最有趣的。

各位猜猜看，哪些地方有趣呢？

earear

音樂會都完咗啦...

沙文

我唔明點解獻唱完唔鼓掌就是將一切榮耀歸於上帝。咁為上帝鼓掌唔得嘅咩？

沙文

原帖由 抽刀斷水 於 2007-7-23 01:13 發表

無須悲哀吧，只要離教就ＯＫ了。   可能你已看到中間大字寫上「國慶聖樂讚美會」了吧，但這並非最有趣的。

各位猜猜看，哪些地方有趣呢？ ...

個講台有Omega廣告

抽刀斷水

原帖由 沙文 於 2007-7-23 18:24 發表
我唔明點解獻唱完唔鼓掌就是將一切榮耀歸於上帝。咁為上帝鼓掌唔得嘅咩？

嘻～沙文似乎已看到這個有趣現象。

中國大陸人的文化就是如此，有甚麼都鼓掌通過、鼓掌讚成。一般外國、香港等其他地方的教會，唱完歌大都不會鼓掌。然而似乎是國內同胞獨有這種鼓掌慣性，因此在右上角特別吩咐大家唱完歌不要鼓掌。

其實，學沙文話齋，拍下手又有乜所謂呢？讚美主除左舉高雙手外，仲可以為上帝鼓掌架嘛。

其他在圖片中有富中國特色的，包括為國慶獻唱，這在香港教會似乎是找不到了。另外，就是在座的只有小貓三四隻，大家都不坐在一起，似乎亦暗示了基督教在中國也不太流行。

抽刀斷水

原帖由 沙文 於 2007-7-23 18:45 發表
個講台有Omega廣告

左邊有個拍到一半的A，似乎是代表這個：http://en.wikipedia.org/wiki/Alpha_and_Omega

沙文

原帖由 抽刀斷水 於 2007-7-23 02:48 發表

左邊有個拍到一半的A，似乎是代表這個：http://en.wikipedia.org/wiki/Alpha_and_Omega

下面有行中文字,睇唔到寫乜。

講起鼓掌，我都有一段往事。我第一次陪薏蘊去教會，不知就裡，為了表示欣賞，唱完詩我就拍掌。點知得我一個人拍........

事後，有個姊妹來話我知，佢地要將荣耀俾上帝，所以唔可以拍手掌。當時，我就係咁樣問佢。在一旁的牧師聽到我爭論，就加埋把嘴話，「其實我地唱詩並唔係唱俾你聽，係唱俾上帝聽，所以你唔駛鼓掌。」

我就問，「咁我『無意中』聽到，覺得好聽，拍下手都得卦？拿，好似頭先我夠唔係同你講野，你無意中聽到，都可以解釋俾我聽啦？」

抽刀斷水

原帖由 沙文 於 2007-7-23 19:05 發表
下面有行中文字,睇唔到寫乜。

為的是紀念我。

沙文

原帖由 抽刀斷水 於 2007-7-23 02:46 發表
另外，就是在座的只有小貓三四隻，大家都不坐在一起，似乎亦暗示了基督教在中國也不太流行。

係因為佢地建堂時過份高估了教徒人數。但係，其實都有得補救嘅。俾我做牧師，我就會咁：本來預備有幾十人獻唱的詩班，改為獨唱。其餘詩班成員坐到觀眾席充撐場面，咁，就唔駛咁難睇啦

抽刀斷水

原帖由 沙文 於 2007-7-23 21:22 發表
係因為佢地建堂時過份高估了教徒人數。但係，其實都有得補救嘅。俾我做牧師，我就會咁：本來預備有幾十人獻唱的詩班，改為獨唱。其餘詩班成員坐到觀眾席充撐場面，咁，就唔駛咁難睇啦 ...

你估個個詩班成員都可以獨當一面既咩？咪又係係度濫竽充數。如果有Ｄ成員走音走得太厲害的話，到時可能比依家更少人。

因此，都係唔好俾你做牧師了。

沙文

車，您都揾黎講茄，為了唔俾我做牧師，就淨係响度踩我，又冇提出建設性方案去幫人！

啲聖詩早在填詞之時就已經係走音嫁啦，關詩班成員咩事喎？

hund

以見過既內地教堂，無咩驚喜！

提醒唔好拍手，尤其亂咁拍，香港文化節目場地反而都應該教一下。

莫問教主

點解台前面放左咁多綠色植物?綠化教堂?