逃出魔幻紀

既然版友又咁講，我就分享一下個人經歷。

這個講法，幾十年前都聽過。小學嗰陣讀天主教學校，條8婆先生都 ...
沙文 發表於 2023/2/4 10:06

雖然開始有智慧嘅人同暫時未有智慧嘅人係呢個話題上好難講得埋躝，但我都係想講下我嘅經驗同諗法，希望咁啱有啲開始有智慧嘅人睇到，以作參考。
我經常參加教友（絕大部份都係我唔識嘅）嘅殯葬彌撒，到領聖體嘅時候，經常遇到冇亡者家屬領聖體嘅情形，經解後，先知道好多亡者都係由神父喺醫院嘅癌症病房康寧中心引領信主嘅，好多時佢哋嘅屋企人冇人信主。有時我諗，呢啲臨終信主嘅人，究竟係咪真係明白基督信仰嘅真諦？佢係咪真心信靠耶穌基督？係咪真係得救咗呢？但諗深一層，佢哋嘅思想諗乜嘢，只有佢哋自己同天主知道，其他人冇能力判斷。所以每次彌撒我都會好認真咁為亡者祈禱。
記得有一次，一個亡者嘅家屬走過來同我講，話亡者臨死之前話要搵神父同佢授洗，佢屋企人冇人信天主，乜都唔識，唯有四處奔波問人，卒之搵到個神父去醫院，喺病人斷氣之前幫佢做晒成套認罪領洗堅振傳油。家屬話可能係因為佢細個時讀天主教學校，有所認識，所以最後關頭幡然悔悟。呢個人冇人向佢「囈下囈下」到自己決定領洗，我真心替佢高興，感謝天主！
雖然唔應該判斷人心，但就憑樓主「屌唔好再煩嘞，我信L咗佢就算嘞，當我欠妳嘅」呢一句，就知道你唔係真正相信耶穌，喺為咗應酬你老婆。但你講完呢句之後有冇後悔，內心有冇轉變成真心相信？只有你自己同天主知道。

逃出魔幻紀

甚麼開始有智慧唔智慧，如果你想表達信的人便是智慧，咁你係錯誤的。如果你想話神視愚拙為智慧，咁你同神 ...
昊暠昺 發表於 2023/2/4 13:27

天主說：「敬畏上主，是智慧的開始」（聖詠集111:10）