......舊時香港發生過件咁既事......
話說有一年,某小島發生瘟疫,死咗好多人.有神棍行出黎話:"不如我地打堂齋,希望天后娘娘會救一救我地."大家苦無對策,當然就只好求救鬼神啦.咁一時間大家都洗淨地方,又預備好多食物去進行儀式.又因為大家想起香爐灰可以醫病,所以重預備咗一條插滿香既"火龍",預備到時舞吓趕走瘟神.
儀式過後,瘟疫果然散退,以後,呢個小島就年年都舉行一次"太平清醮"酬謝神恩,呢個亦成為咗長洲其中一個富有漁村特色既節日.
據一位教我係天穚底執報紙既師傳話,當然瘟疫之所以係儀式後逐漸消退絕非偶然,原因有幾個:
- 為咗儀式,打理同清理地方令家居甚至社區都乾淨咗.人自然都比較精神同埋無咁易病;
- 預備咗大量既食物,亦同時分發咗俾所有人,人食得飽,身體既抵抗力自然好D;
- 火龍係最重要既一環,因條火龍係走均成個島咁舞,火龍身上點著既香會放出大量含硫黃既煙,呢D煙係有殺作用;
- 個節日係農曆四月進行,即係梅雨期既尾聲,天氣無咁濕,人相對扺抗力亦會好D;
有時神棍既野都唔一定棍得晒.
但祈禱清毒(淨化???!!)...會唔會係祈禱時發生腦電波,腦電波又化成能量,令食物中有毒份子進行份子重組,變成無毒咁呢?...係就發啦,一間醫院放幾個耶徒幫手做消毒工作,醫管局立即可以將所有消毒器材同人員取消...年中慳唔少喎....唉....作為牧師咁都講得出,無中生有之能可見一斑,真係勁! |