Jom

妹妹仔,當你問穌哥乜事玩得到兩千年咁耐,有無同時問吓點解阿釋迦牟尼都屹立咗二千幾年咁耐呀?

http://tw.knowledge.yahoo.com/question/?qid=1005040908381

Jom

妹妹仔,我諗真係要好似你話"針對基督教"黎講既話,咁"5.社會的發展,並未能填補心靈的需要,基督教的神卻提供了這方面的滿足"就唔成立.因為並唔係每一個需要,亦唔只係得一個宗教做得到.如果真係每個人都需要既話,心理醫生相對地只係五餅三魚.同埋,又如果真係老耶提供到滿足,都唔會有呢個網甚至國內外咁多唔同既反耶/反宗教團體.

至於"2. fear of punishment after death, and the reward after-life",呢個反而完全hit到人類既弱點.但因為資訊同科技既發逹,人對生前死後既猜想會要求更加多具體而確實既證據.只係提供簡單如"死後上天堂/落地獄"等經已唔可以令人信服.

"3.人的奴性以及依賴性萬年不變"同"4.人從起初己經尋求一個神",回歸原點,呢兩個point其實都係由人既惰性引申出黎既.但並唔代表就因此要臣服於天地或任何未經證實既體位.簡單舉個例子,人同天氣搏鬥就已經有人類開始就一直存在,但以前人會見到龍捲風就話係神蹟;如果你今日重見到有人要攞個人去祭神求雨,你會話佢地痴線;正等如可能好多年之後,人見到耶教既教規都會莞爾一樣.

point1唔係太明白你既意思.

Jom

沙兄: 我既意思係因為人潛在既惰性令大部份人都會選擇單一(揀少樣煩少樣)服從(懶得去諗及做話事人,跟隊算數).你講既民族都未算,連諗都唔諗,求九其將附近地區既宗教炒個雜綿又話又原創又話獨家又盛咁.唔係點會有太陽神節變咗人家既聖子壽辰啦.

妹妹仔/弱雞兄: 收到,唔該晒.但呢個point我唔完全認同.如果只係指信既人我同意,但幾乎所有宗教入面都好多人只係利用人既弱點黎進行另類操控.好肯定呢班友唔係傻同天真.

[ 本帖最後由 Jom 於 2008-2-19 00:27 編輯 ]

Jom

車,我夠有提出佢有point hit中人性既弱點咯.落筆又中肯,你話邊個刻薄同過份呀你.你話你自己呀?快d約個時間出黎,我決定要出埋私伙架撐黎劈殘你.

水哥,下次用"你地班友"既同時唔該睇清楚吓有無其他人係側邊穩陣喎.咪一聽到人地係妹妹仔就衝出黎做盾至得架

弱雞兄: 我諗要將呢個point分拆做兩個,
1. controller係幫政府/當權者進行另類操控,從而得到某種政治/軍事特權;又或者係先進行另類操控,當得到一定程度既群眾認同之後就同政府/當權者進行bargaining,從而得到某種政治/軍事特權.
2. be-controller就好似你咁講,將其歸類入point4&5個catergiory

Jom

妹妹仔開咗呢個topic咁耐,我都有個猜想.天地萬物凡事都係有兩面既.咁會唔會兩千年來不繼將人性醜化,將神人化,將權力神化既教會,佢重未摺得既原因正正就係但丁提出既"人性七宗罪"既結果呢?

傲慢: 一日入教,即可享永生;要知每個人所要經歷既終結而你只要入教信耶就走得甩重可以與天地同壽喎.皇帝無既野你都有.個鼻重唔立刻向橫發展咩?而且教會入面重要唔係一個,係有一班人同你一樣,形成一種團體力量.對於人性中要求傲慢一環,中晒.

妒忌: 人生在世,能力各異,亦有高低之分.但教會入面則係提倡"人人耶前平等".能力多寡引致既階級地位分野立時消失.重唔引晒班能力無咁高既人入去咩.妒忌他人之心,去到教會將可以無限上綱到不能自己既地步.

暴怒: 對於生命中既唔公平,一種極怒而又無可奈何要接受既情況下.教會提供咗一個缺口,俾佢地去漠視其實重有可以用努力去改善眼下既情況,做少樣.而且係教會又可以選擇性咁用耶經教義去攻擊異己,何其快哉!

懶惰: 耶教講既係乜都交俾老耶,即人叫人唔駛諗咁多.教會亦俾佢地一個唔駛做乜野就可以有個叫老耶既位去緩和各種失落落感.教會實在係自信心唔夠,內在心靈空泛者既必然之選.

貪婪: 自己信都唔夠,重要身邊既人都陪埋你一齊,身邊既人都唔夠,要成條村一齊,重未夠,最好全個國家一齊,甚至全世界一齊信先開心,咁先可以完全消除人與人之間既唔公平.另外一樣野,用物質/服務黎吸引教眾,用精神上既慰藉留住教眾,亦係睇住人性既弱點黎打.另外,用教會牌頭搵食果班人,咪又係因為貪婪呢特性先會入教會.

貪食: 人最基本既兩種原始慾望之一,派米派奶粉教會做唔少.但你食佢米得番條命,但就要接受洗腦.有少少好似早兩年既一單新聞,有個大陸人自己挖眼呃保險金,為咗六萬蚊.就算佢無被人篤爆,六萬蚊就一世啦.

色欲: 人另外一項原始慾望,但因為生命中既唔公平,唔係每一每個人都會得到適當既慰藉.教會既一軛輪造就咗"係敎會入面搵到性伴侶",唔單止維持到教會既發展,亦可以留住教眾,吸收新人.

所以我開頭就講,妹妹仔你歸納既points似乎唔係每一個人都用得著.或者你可以從另一個角度去理解教會係"三流心理醫生有限公司",佢地做緊既事工,其實都只係頭痛醫頭腳痛醫腳既心理輔導,而且係無責任可言既.當人搵到自己或者另外既慰藉既時候,教會就真係可以末落啦.

[ 本帖最後由 Jom 於 2008-2-21 14:19 編輯 ]

Jom

原帖由 Paul_Bard 於 2008-2-21 14:52 發表
如果世界上沒有神, 人一開始的觀念就不應有"神"這詞彙/ 概念存在

咁就要問吓猶大當年係咪用手提電話向長官報串啦

[ 本帖最後由 Jom 於 2008-2-21 15:07 編輯 ]

Jom

原帖由 M2 於 2008-2-21 15:22 發表
如果我尋日俾一個自稱為無神論者既人打劫，我今日上黎呢處搵人問責道歉，會否被認為「好天真、好傻」？

尋日俾人打劫就應該尋日即刻去衙門搵衙差幫手,我上黎呢度問邊個責邊個?

打劫係犯法既,有神無神都應該拉去坐牢.唔通一個耶徒悍匪就可以去告場解或者禱告吓就算?呢個係現實社會,你屋企無人入去爆格,性命得到一定程度既保障都係因為法律.

咁似乎唔係傻同天真,一係你就對本埠現行衙門唔清楚/唔信任,一係你就認為除咗衙差同人民子弟兵之外重有人可以執行基本法所定立既法律.

Jom

P仔又唔好咁話佢,只係佢set個topic有少少tricky,可能佢自己都可能無alert到.

首先,佢個topic唔係judge耶教/老耶穌哥既真偽.

而係點解兩千年來耶教都重可以存在.佢用"屹立"其實係一個褒詞,會令人聯想"不倒",可能係佢既耶徒身份要咁講掛.用"存在"可能會好少少.因為宗教既存在既得益者,只係某一部份既教眾同跟住教會搵食既人,對於無乜同教會來往既人,教會只係社會上其中一個組織.對人而言一個組織做咗好事但又有做壞事既,我頂到盡只可以將其性質定為中性/具爭議性.但就斷可以將佢定性做"好"或者"傾向好"果一方面.

而佢提出既呢一個post另一個tricky之處,就係佢開宗明義話最好只針對耶教而論.但試問一個係社會存在既組織,可唔可以就只係講佢內部有幾好就可以解構到點解佢可以存在咁耐?我自己就覺得唔得囉.就好似好多人都知共產主義有幾好一樣,但亦有太多外在環境因素決定咗共產主義係實行同存在係具有難以解決既問題既,

但如果佢係有心咁set一個咁既topic,從而得到一d論據去反駁/反映事實既話,我係佢我會覺得不得要領囉.因為個問題set得狹義咗,但講緊既係一樣好大材料好豐富既野,係無可能三言兩語得到一個係人都駁唔返既論據既.

但當然,呢個topic既最後一destination係耶教奉緊既唔係"真理".只要係yes,咁就可以推返所有離教者既論據,但如果係no,即係耶教可以收皮.

妹妹仔係有心討論既,可能佢未handle好自己想問乜或者自己問呢個topid有乜目的啫.

Jom

係囉,咁等你地清理好門戶先再出黎講吧啦.

咁多人入咗你地個教之後,攞住老耶個名又玩細路又殺人又呃錢又盛.就算無話大奸大惡,做到包容呢一點都唔多啦.當唔當到天主教係弟兄呀?天主教果班呢?又有無話因為個學生信基督教而無將佢入學資格擺得同信天主教既咁高呀?

有無邊個無因為自己係耶徒既身份無驕傲過呀?有無因為阿邊個唔係信埋同你同一個宗派就話人教義有問題咁呀?個心有無諗過呀?

有無邊個係信咗老耶之後無妒忌過其他人,講過唔應該又或者聽番黎既消息出街呀?工作上家庭上朋友間有無分化過其他人咁呀?

有無邊個係信咗老耶之後無發過火呀?細路唔聽話伙夥唔聽話老婆老公唔聽話股樓金馬狗唔聽話有無又怨蒼天鬧祖先咁呀?

有無邊個係信咗老耶之後無懶過呀?有無為咗星期六日去玩樂而唔返團契唔返禮拜呀?有無去超過七日既旅行呀?

有無邊個係信咗老耶之後無買過股票無炒過樓無買過六合彩無搏命爭取更好既生活條件呀?強積金買進取型既都唔得果喎.有無貪戀過更多安全感而係咁儲錢而無攞去幫有需要既人呀?

有無邊個係信咗老耶之後無貪食過呀?享受都算喎.出街食飯有無落過order呀?定係等個待應俾乜你食就食乜呀?

有無邊個係信咗老耶之後無昅過d大大張係地鐵既瘦身廣告呀?有無覺得d耶徒女星性感得黎好健康呀?有無行過女裝內衣部既時候有尶介既感覺呀?有無試過去睇戲有情慾片段後就對心儀既女孩子有奇妙既諗法呀?

老耶俾機會你地禱告告解懺悔,係俾機會你地唔好再犯改過,但有邊個真係以後都無犯吖?時間唔夠?一日唔夠ok,一個月好未?唔得?fine,一年啦?重未得呀?一生吧啦...

人係無疑係好軟弱,但軟弱到"認錯就異常積極,改進就無能為力"既.咁就真係"士碌架",無得救.