如果無神論係正確，那麼，世界實在太有秩序，太美妙
如果有神論係正確，那麼，世界實在太亂，太噁心
演
如果宇宙由神創造，但係以「遊戲」形式運作，似乎最合理，最接近真相，最難找到跟現實世界有衝突的地方

抽刀斷水

無神論難以解釋宇宙和生命的秩序。
Guest from 203.145.89.x 發表於 2023/7/3 13:57

    推薦閣下閱讀：

• 霍金「宇宙的起源」講座全文
• 科學、進化與神創論

1) 演化論只係跟「聖經創造論」有衝突，並沒有跟廣義的神造論發生衝突。
2）宇宙大爆炸的奇點，係指宇宙由一個比螞蟻更細，但重量達到宇宙一樣咁重（10^51 KG以上）的「奇點」「爆炸」而形成，在非常短的時間已形成大量的基本粒子，而且宇宙仍膨脹中。宇宙大爆炸不是endorse無神論，更沒有否定廣義上的神造論，但肯定與聖經的創造論有所衝突。
3）西方世界所指的創造論，大多數係指基於聖經及伊斯蘭教所講的神創造。智設論表面不是聖經，但實情上滲入很多聖經的文化背景。

抽刀斷水

請教一下，「聖經創造論」跟廣義神造論主要分別在哪裡？為何後者沒跟演化論發生衝突？

無神論主要用途是嘗試說明神的不存在的理論，不是用來解釋宇宙和生命的秩序的；解釋這些都是交給科學吧。

beebeechan

解釋這些都是交給科學吧。
抽刀斷水 發表於 2023/7/4 09:53

咁對科學現有既解釋尚未滿意呢?

抽刀斷水

咁對科學現有既解釋尚未滿意呢?
beebeechan 發表於 2023/7/4 10:43

    相比起宗教，現代科學唔係發展咗好耐啫，梗有野唔滿意架，盡做啦，搏盡無悔。

請教一下，「聖經創造論」跟廣義神造論主要分別在哪裡？為何後者沒跟演化論發生衝突？

您好
演化論，如果係講緊宏觀演化，或生命起源之類，係講緊所有生命都有共同祖先，所有生命都係由單細胞生命演化而成。

問題係單細胞生命點黎？單細胞生命可以係化學進化，但化學分子又係點黎？可以係由原子演化而成？咁原子由係點黎？由基本粒子演化而成？

問題係，點解世界會有咁大量的基本粒子出現？而基本粒子又點解會懂得自我合成和重組？

呢個問題，宇宙爆炸論可能係答案，但宇宙燝炸論的奇點又點黎？雖知道，奇點雖小，但奇點質量係重到同宇宙一樣咁重，即係超過10^51公斤以上，咁點解會有咁重的奇點出現？

所以可以解釋係，起初，神創造奇點，讓它自行演化。

但如果基督教神學觀，問題就黎啦。

問題源於「七天創造論」，由於演化論講緊，由生命到人，只需七天，但演化論話要經過億年以上，先可以由簡單的生命演化成人，呢點咪就係衝突囉。於是有些人就強肯自由解釋經文，話七日中的七日不是七日，而係神的七日，神的一日可以係代表十幾億年，呢個就係神導演化論。

但神導演化論，雖不與科學衝突，但又令基督信仰「走樣」，所以好多教徒都無法接受了。很多教徒認為，七日就是七日，不接受強肯釋經成幾十億年。

更正：

問題源於「七天創造論」，由於基督教的創造論，或一般係西方世界簡稱的「創造論」，講緊，由簡單生命到人，只需七天。但演化論話要經過億年以上，先可以由簡單的生命演化成人，呢點咪就係衝突囉。於是有些人就強肯自由解釋經文，話七日中的七日不是七日，而係神的七日，神的一日可以係代表十幾億年，呢個就係神導演化論。個就係神導演化論。但神導演化論，雖不與科學衝突，但又令基督信仰「走樣」，所以好多教徒都無法接受了。

簡單來說，神創造論（泛指基督教版本），違反現代科學。神導演化論，則乎合科學，但又有曲解聖經之嫌。

至於非基督教的創造論，由於西方主流信仰是基督教和伊斯蘭教，非兩教的創造論均不是主流，西方世界同主流哲學界好少探討。

另外，有位著名生物學家講咗句名句
Nothing in biology makes sense except in the light of evolution

而呢位著名生物學家，係天主教徒，他提倡神導演化論，認為神導演化最合理。

抽刀斷水

你沒講廣義神造論，是等於神導演化論嗎？

你對演化論及宇宙爆炸論的演譯蠻準確。至於奇點，一些人認為是難解的，於是就說那就是神創造宇宙的一刻。

按現代物理學和天文學理論，「時空」是密不可分的，因此爆炸前時間根本不存在，神也沒有空間存在，也沒有時間創世。

有關解說霍金已盡量用簡明言語講出來，見：留給世人的十個大哉問與解答

抽刀斷水

另外，有位著名生物學家講咗句名句
Nothing in biology makes sense except in the light of evolution

而呢位著名生物學家，係天主教徒，他提倡神導演化論，認為神導演化最合理。
Guest from 203.145.89.x 發表於 2023/7/4 13:13

    呢位俄裔生物學家叫Theodosius Dobzhansky，係東正教徒。