返回列表 回覆 發帖

搞笑IQ題 (基督徒與離教者)

一個基督徒與一個離教者同在一個房間內,忽然衝進幾名槍手,槍手指著基督徒,說:「如果你不信神,我地就放過你。」
接著,槍手指著離教者,說:「如果你肯承認耶穌是神,我地就放過你。」你估最後邊個會死,邊個唔駛死?

上述並非真正IQ題,亦無「正確答案」(因為條題目係我作架嘛 ),至於答案,本人有以下愚見 (歡迎提供其他possible answers):

該基督徒一定會死,因為背叛神的人,今日唔死,他日都會俾上帝「丙鑊金」,不如而家死左佢,仲可以得到一個「殉道者」的美名。

相反,該離教者未必死梗,因為對他來說,「神」只是一個稱號而已。承認一個不存在的東西來換取寶貴的生命 (given 批槍手唔會
食言啦... ) ,對於思想比較open 嘅離教者,應該無問題。當然,離教者當中亦不乏與基督教誓不兩立之人士,就算死都唔肯咁做的。
但如果真係咁,就帶出下一條問題:離教者信的是什麼?是「相信」自己的「不信」?選擇死亡,是為著捍衛自己的「不信」,或是
為著「相信」自己的「不信」而犠牲?

以上種種,是小妹希望嘗試回應一下近來討論的挺熱烈嘅「離教之教」問題。小妹以為,但凡一批人共同相信、擁護一個信念,就有
產生一個宗教的可能。宗教除了「終極關懷」的「指定動作」以外,亦同時提供一個「身份認同」的功能。點解基督徒咁鐘意返團契?
就係因為團契俾到一個「家」嘅感覺,讓在外頭不被接納、不被認同的人一個機會,與其他同樣遭遇的人分享經歷、分擔壓力。這個
討論區的其中一個function,與基督徒的團契,亦有點「不謀而合」嘅feel...

弊啦,從「離教」加入左「離教之教」,咪即係俾人搵左笨?  咁又唔駛咁驚住...如果大家咁諗,同基教提倡嘅非黑即白世界觀又有
乜分別?我認為,人乃群體動物,實在冇人嘅思想、行為同其他人完全不同,亦冇一種思想係「騎呢」到完全冇人擁護嘅 (你睇法西斯、
法輪功都仲有大把人信就知啦... ) 離教者之所以聚集一齊,本意或許與團契一樣,但係內容呢?基督教的團契永遠只環繞一個中心點,
就是「三一真神」,但離教者呢?依本人愚見,真正的離教者,思想不應只環繞一個中心點 (反基?),而是可以接納「百花齊放」的理念
/ 思考模式,真正做到「和而不同」。「離教」並非终站,而只係漫長嘅思考之路嘅開始,而每個人嘅终站都唔會一樣嘅...

咁既然要做到「和而不同」,咁點解基督徒在此討論區會如此「不受歡迎」?我不知其他人的想法,但小妹的感受,是往往到此一遊的
「弟兄姊妹」,口說「神是愛」,但心想的只是如何將離教者及反基者辯倒,以期給自己的信仰/ 信念來個reinforcement,並非想
「造就」一眾「罪人」回轉,而只是「造就」自己「屬靈爭戰」的下一場「勝仗」而已...在世未信/ 不信的人如此多,為何這些到此一遊
的「弟兄姊妹」偏要向「高難度」挑戰,故意找離教/ 反基者「挑機」?或許,如果他們真的「贏」了,可能會挽救了他們對神的信心也
說不定?

以上純屬小妹無聊之作,如有得罪,望各位多多包涵!!

回復 1# Jennifer 的帖子

以小弟愚見,教徒以此為受逼害,要捍衛自己的價值觀等等。就算臨時離教,其後亦會大力宣揚自己曾是受害者的角色。

離教者曾經是過來人,可能亦曾經宗教狂熱過,因此都理解槍手的行為。他們會反抗的機會不大,情況類似正常人面對瘋人的要求時作的反應,都選擇不要刺激對方為主。當然啦,之後亦可能會宣揚基督教危害人們心智等的禍害。

離教者不一定反基。我開的分區「原創作品‧興趣討論」的原意,亦是希望各離教者能在離開基督教後,能發揮自己的創意和培養各種興趣,用以替代本來消耗在基督教的時間,包括讀經、返教會、祈禱等。
支持鼓勵每位離教者

回復 2# 抽刀斷水 的帖子

網主意思係,兩個都唔會死?不過,跟住上演嘅可能就係互劈lor

回復 3# Jennifer 的帖子

我的回答沒有「非黑即白」的模式,想表達的是:教徒受死的機會較離教者高得多,但當然有例外。前文是分析為何機會較高、和兩者僥倖不死後的心態。
支持鼓勵每位離教者

回復 4# 抽刀斷水 的帖子

哦...明白了
原帖由 Jennifer 於 2008-7-8 11:37 發表
一個基督徒與一個離教者同在一個房間內,忽然衝進幾名槍手,槍手指著基督徒,說:「如果你不信神,我地就放過你。」
接著,槍手指著離教者,說:「如果你肯承認耶穌是神,我地就放過你。」你估最後邊個會死,邊個唔駛死?

上述並非真正IQ ...

小妹的感受,是往往到此一遊的
「弟兄姊妹」,口說「神是愛」,但心想的只是如何將離教者及反基者辯倒,以期給自己的信仰/ 信念來個reinforcement,並非想
「造就」一眾「罪人」回轉,而只是「造就」自己「屬靈爭戰」的下一場「勝仗」而已...在世未信/ 不信的人如此多,為何這些到此一遊
的「弟兄姊妹」偏要向「高難度」挑戰,故意找離教/ 反基者「挑機」?或許,如果他們真的「贏」了,可能會挽救了他們對神的信心也
說不定?


sorry dis-agree


可能是,教會 叫來的,

可能是,受薪的,

ThANK ye
exChristian.info前基督徒,主力:淚儿/泪儿,WEIYAN,龙井树。。。。。。。。。。。。。。。。。。。。。。。。警告 基督徒:你们一定不够他们玩
realChristianities.com雪龙坛

回復 6# prussianz 的帖子

「可能是,教會 叫來的...」
受薪人士上黎離教論壇提倡護教理論?教會錢多都未至於咁「徙」...
上黎離教論壇撩交嗌嘅弟兄姊妹,喺自己教會地位都唔荒高,唔係駛乜成日黎呢到
扮權威黎平衡下心理?

回復 7# Jennifer 的帖子

他們可能在教會有一定地位呢...某某劇集都有講啦: "一心想做武林盟主; 做到武林盟主, 便要做皇帝老子; 待他做到皇帝時, 又要長生不老..."人的慾望可以無窮無盡嘛...聞說本網有個"君子劍", 他應該甚為了解這種心理...
基督教的團契永遠只環繞一個中心點,
就是「三一真神」???
我想是"名為上帝, 實為教會"吧!
事實上, 有不少教會的理性派因為渴望尋求真理,
更了解神而批判教會與及無理教條的,
他們自然會被排擠......
團契只環繞教會,
甚至單是教會領袖......
該基督徒一定會死?
未必 wor, 可能佢信心唔夠,
就好似彼得三次不認主一樣,
又可能係上帝突然大顯神通救返佢呢!  
原帖由 peterchansuper 於 2008-7-10 04:14 發表
基督教的團契永遠只環繞一個中心點,
就是「三一真神」???
我想是"名為上帝, 實為教會"吧!
事實上, 有不少教會的理性派因為渴望尋求真理,
更了解神而批判教會與及無理教條的,
他們自然會被排擠......
團契只環繞教會,
甚至單是教會領袖......

在我當青年團契團長期間,發生過一幕迫宮事件。由一個有號召力的團友牽頭,大概有四至五人左右(團契經常參與者其實都不過十人),相約我和團契導師到麥當勞表達他們對團契的不滿。他們不滿團契缺乏凝聚力,聚會形式太過刻板,導師只會一味用家長式訓話,團友間表現冷漠,打電話來都只會關心團友是否返教會聚會,沒有被愛的感覺。其實我亦向導師反映過團友的意見,認為應該放手給團友去搞聚會,導師不要經常以教會代表的身分去否決團友的提議。我更在一個教會聚會中以耶經「信徒皆祭師」的話向導師詰難。導師雖然在會上表現得像有點懺悔的,認為自己有不足之處和可以改善的空間,但在迫宮事件擾攘過後,教會決定取消團契職員會,團契運作交由導師全權主理。最後那個牽頭的團友轉到了附近的宣道會繼續教徒生活,而我亦漸漸淡出這個教會。

http://exchristian.hk/home/article/show/140

回復 10# peterchansuper 的帖子

當然可能最後警察出現左,大家都唔駛死嘅...

回復 11# peterchansuper 的帖子

我以前在國外住的時候,也聽聞過教會執事會聯手迫走牧師的事...不過該教會至今仍然
存在,我想,決定留低而不跟隨牧師走佬的,是不論發生何事都會力撐教會架啦...真係
「打死都唔走」...
玩針對?
一個基督徒與一個離教者同在一個房間內,忽然衝進幾名槍手,槍手指著基督徒,說:「如果你不信神,我地就放過你。」
接著,槍手指著離教者,說:「如果你肯承認耶穌是神,我地就放過你。」

基督徒:「信又係死,唔信又係死...」
槍手:「點解?」
基督徒:「咁...我唔會唔信!!!」
槍手:「咩呀?」
象棋裡面每隻棋都重要
基督徒走呢討論係想帶領呢度既人信主, 將呢度變成基督教網站.
係度散播 基督教既野, 只要越來越來基督徒係度留言, 寫經, 咁呢度就可以成為傳教既網站.  利用人海戰術.
教會錢多都未至於咁「徙」...   <---- 基督徒一向不合邏輯, 你見佢地花咁多時間返教會, 讀經, 聽詩歌, 你都知佢地唔覺得咁係浪費.   好難用正常人既角度猜測佢地架.

佢地仲會覺得呢度既人唔識唸, 愚頑. 利用人既智慧去背叛神.
基督徒表面上好似中立咁, 咩不反對進化論, 如果真係不反對就唔會信神.  只要信神既都會認同神做呢個世界出來.   佢地扮中立, 係等其他讀者唔抗拒基督徒, 認為佢地都係理智既.  但係無論一個基督徒表現得幾理智, 幾正常. 骨子裏都係堅持"傳教", 只要同佢地相處耐左, 會發現佢地既思想異常.
毅力並非長跑, 而是一次接一次的短跑
「但如果真係咁,就帶出下一條問題:離教者信的是什麼?是「相信」自己的「不信」?選擇死亡,是為著捍衛自己的「不信」,或是為著「相信」自己的「不信」而犠牲?」

也可是為了維護不信的自由
也可是對槍手的不仁作出死亡的控訴

------------
相反,選了不死,也可是為槍手。殺人對槍手也有很不良的後果。作為人,也可相信槍手的良知。只有活着的人才有機會令世界更美好
離教者信的是什麼?   <--- 一定要搵d野呢信架咩?
是「相信」自己的「不信」?   <---- 假既野緊係唔信啦, 你通街同人講, 人地都當你痴線.

也可是為了維護不信的自由  <--- 我地跟本就係有不信既自由, 唔需要維護.
毅力並非長跑, 而是一次接一次的短跑
也可是為了維護不信的自由,對基督徒是有幫助的.
返回列表
高級模式 | 發新話題
B Color Image Link Quote Code Smilies
換一個