返回列表 回覆 發帖

假如



因為工作關係,幾乎每日開工都需要不停鬧人寸人搵位入人,久而久之,原本自己既脾氣己經大,加埋果種咬住人唔放既態度,真係人唔鬧狗唔吠電都劈.就算自己既屋企人,好多時都十二分頂唔順.

以前我總係俾個藉口自己,咁呢個係工作需要,慣咗呢種表達方式無辦法.但老實講,自己知自己事,我係個唔鍾意將返工情緒帶返屋企既人,反之亦然.有時同屋企人既口角,或多或少都係因為我睇問題相當主觀;可能對自己殘忍慣,自不然對屋企人都好無情,無乜同情心,乜野都要一矢中的.野野都係理所當然咁技不如人死不足惜,如果你反駁既話,再難聽既說話我都講得出,根本上係邊個都無面俾.

但由開頭孖阿少奶一齊既時候到而家,我返到屋企發少咗好多脾氣.最少我唔係太敢再將呢一套加諸落去佢度.理由好簡單,因為阿少奶從來無將工作上既野帶返屋企.

我地有時都會講吓各自工作既野,但我而家就好少將情緒同手段都一齊帶返黎.最少我就算想返到屋企靜吓,唔想開聲講野,我都先會先知會阿少奶一聲.我諗真係人夾人,對住少奶,唔知點解好多時都發唔出脾氣,寧願花十分鐘解釋咗為乜咁無mood,咁佢通常都會好開心咁話:"我今晚唔煩你啦.,之後就由得我一個人上網好做乜都好.

我唔知,但以我耳聞目見既所有女士,無一個會覺得自己關心身邊果位會演變成煩.但亦好老實,我諗所有有拍過拖同過居結過婚既男人,都會或多或少咁面對過自己一頭煙就重要同對方解釋工作上既問題,我係一個絕對怕麻煩既人,一直以黎我都唔鐘意向身邊果位交待工作上既野.一來佢唔係我公司做,唔知個環境,要解釋又要組織過,非常麻煩;二來我既工作非常煩瑣,要應付已經相當煩,如果有事就更加煩,重要解釋就係煩上煩再加煩.

但阿則卷少奶呢一招"笑笑口話我唔煩你啦",開頭兩次我都真係享受呢一刻既寧靜,又或者自己諗吓野.但兩三次之後,唔知點解好唔想見到阿少奶好似好寂寞咁,總係放低自己既心情一陣,點都去撩吓佢同佢玩吓.

以我自己條命而言,呢個女人,我總覺得係一次過用晒成世人既運氣先換番黎.

我脾氣唔好唔係天生既,生命中既悲喜往還亦造成咗我殘酷無情既一面.但呢個並唔係真既我,為咗生活為咗生存,有時我己經妥協到將呢個性格面變成咗自己性格既一部份.好開心亦好慶幸,係自己既人生行咗一半既時候,有另外一個人唔單止幫我搵返自己,仲幫我預備一個地方保留住呢個自己.

正如我都話,而家係最需要專注工作既時候,但我專注既目的,都係想佢做一個開開心心,無憂無慮既少奶.但如果有一日要我係少奶同事業作出選擇既時候,我會毫不猶疑...又或者猶疑兩吓咁啦,無論點,少奶都係唯一既選擇.

希望將來某一日少奶就算對住發緊癲既我,無論我有幾胡言亂語,都可以記得呢隻歌.


假如 真的要我跟你分別 假如 真的要說分手
請求 把我愉快記憶都洗去 才能免我一生也在默默痛苦

假如 真的要我跟你分別 請求 不要讓我知道
假如 乾了淚水中的雙眼 可否 不再剩下我不顧

只求 再度尋獲你曾在心頭 留低的愛 跟那情深的維護
請容 我在期望有日在將來 能讓你會明白我仍在痛苦

假如 不許我再跟你生活 世上 不必存著有我
假如 天意讓我此生得不到你 不必 需要有天意

只求 再度尋獲你曾在心頭 燃燒的愛 跟那情深的維護
請容 我在期望有日在將來 能讓你會明白我仍在痛苦

假如 不許我再跟你生活 世上 不必存著有我
假如 天意讓我此生得不到你 不必 需要有天意

做好男人,是讓身邊所有人開心
做賤男人,只是不想自己太傷心
睇見都冤氣,就黎俾你痺死,快D拉埋佢啦。
支持鼓勵每位離教者

回復 1# Jom 的帖子

假如 不淮再到油尖旺場仔嘻戲
只求 直接送入青山打針算了
水>....拉埋係一件好大鑊既野,雖然事在必行,但係都係小心為上.

B>...經過上次既失敗,我決定保留做麻甩既權利,落場仔玩吓齋坐唔瞓我覺得係ok既.所以唔駛打針.
做好男人,是讓身邊所有人開心
做賤男人,只是不想自己太傷心
原帖由 Jom 於 2008-9-18 16:59 發表
水>....拉埋係一件好大鑊既野,雖然事在必行,但係都係小心為上.

B>...經過上次既失敗,我決定保留做麻甩既權利,落場仔玩吓齋坐唔瞓我覺得係ok既.所以唔駛打針. ...


我覺得落到場仔齋訓吾坐 會更適合你

回復 5# 訪客得得b 的帖子

瞓可以返屋企嘛...
做好男人,是讓身邊所有人開心
做賤男人,只是不想自己太傷心
2张图片能否翻译下。。。

回復 7# onlyaaaa 的帖子

圖一:
女:傻瓜,今期六合彩有否買?
男:沒有呀,認識你都已用了一生一大半的運氣了……遲些你就知道了。

圖二:
女:老公公呀,新聞報導說下個星期世界末日呢,嘻嘻……
男:這下就好了,用盡剩餘的少許運氣與你一起目睹世界末日吧。
支持鼓勵每位離教者
呵呵。。。
返回列表
高級模式 | 發新話題
B Color Image Link Quote Code Smilies
換一個