返回列表 回覆 發帖

[轉載] 共渡時艱詩一首

失業半年返職場,湯雞還神燒炮仗,開工本應喜洋洋,誰知世態變炎涼·  
    掃地阿嬸識雞腸,看更得過文學獎,學士碩士唔馨香,皆因博士也在場·  
    助理一職百人搶,人工一定唔理想,五六千蚊算中上,十二個月無雙糧·  
    萬人之下一人上,簽約兩年要裝香,資源增值假現象,強逼發揮你所長·  
    冷氣滴水修故障,電腦中毒你當殃,修理馬桶最平常,老細座架要保養·  
    打字影印寫文章,有空送信兼抹窗,早場做到午夜場,七天工作真無良·  
    週一驗貨到南昌,週二見客在新疆,週三蒙古收爛賬,週四重慶釘木箱·  
    週五東莞曬臘腸,週六返港天已亮,週日加班無補賞,晚上終於胃潰瘍·  
    對住老板要讚賞,對應上司扮羔羊,對付下屬要表揚,對待同事要禮讓·  
    公司文化漸端詳,不懂都要頂硬上,同事有功必定搶,下屬有錯不原諒·  
    老細鬧我正粉腸,開會猶如打靶場,比人插到胃氣脹,鬧完仲要拍手掌·  
    返工慘過去當娼,皆因形勢比人強,無奈只有扮智障,只為月底那份糧·  
    笑臉迎人裝模樣,像是置身於歡場,這種壓力無法想,長此下去會缺氧·  
    打算請假來休養,老細面孔像晚娘,再講除非嫌命長,返回座位暗神傷·  
    妻兒少見無印象,晚餐白飯豆瓣醬,家裡只有四面牆,卡啦OK 廁所唱·
    身心疲累自惆悵,真想回鄉去插秧,或是少林當和尚,不知不覺進夢鄉·  
    夢裡見到文天祥,廟前幫人看面相,招手要我捧個場,端詳面相看手掌·  
    贈言我來日方長,各行各業可多嘗,虛心學習要忍讓,只要奮發心向上·  
    挖角升職薪水漲,有家有樓有車輛,撥開雲霧見太陽,天空海闊任飛翔·  
    臨行美金作打賞,天祥雙眼直發亮,睜眼還是四面牆,身旁還是孩子娘·  
    擦牙洗面打開窗,早餐多士凍鴛鴦,以上所講無誇張,全是打工眾生相
de omnibus dubitandum
英美敗家累全球,崇洋眉外正豬頭,獅行九七流外洋,傷心事故一場場·   
股東本來戴金勞,結果搞到無野撈,痛定思痛去打工,提早退休落個空·
回首半生繁華夢 , 德意美日盡看好 , 貝爾斯登撘美銀 , 買齊兩辦週身痕.
投資顧問好溫文 , 開口流利講英文 , 介紹我去買LAHMAN ,爆煲示威兩頭TUN
本帖最後由 Jom 於 2009/3/19 16:18 編輯

去花旗 搵老細 偷雞唔到蝕咋米
有買錯 無買貴 獅子欏柚任人砌
暴利年代無王管 大條道理諗毒計
打開電視見金山 排隊買樓似擠提
歐美銀紙多過米 用完又印無問題
佢無錢時但有鎗 話知國債似崩堤
對住咁既大老細 賺佢錢要唔怕滯
何況向來雙獅猛 食飽一隻第隻黎
調動資源去番邦 點都唔係咁好睇
一句向股東交待 聽落健脾又開胃
本地銀行多婆仔 雞碎做埋都無謂
維港未見有石油 諗起增長就閉翳
樓價早已到晒頂 睇落無得點發圍
開得銀行非善堂 飲水思源係痴肺
一於執埋尐分行 得番一間至實際
話知週圍幾條村 又有老人又有細
各位存戶請記得 結餘唔夠就收費
須知人工舖租貴 招呼閒人無閒米
開戶前衡量是否 入得銀行咁專貴
唔係第時要攞錢 無車都要坐轎黎
你知一行幾個鐘 出咗人命就無謂
所以各位死窮鬼 唔馱諗可以入黎
除非官府照住你 攞到綜援咁有計
終於埋好個老本 伙拍花旗好兄弟
搭穚舖路去番邦 賺賺埋埋夠幾世
到埗買檔二叔公 貪佢養埋咋債仔
一去到就有錢收 年尾報告夠好睇
重有一班合作開 專收爛數古惑仔
萬事俱備就開始 張開大口吞咬噬
買賣按揭不必提 私人貸放供問題
無錢都重有間屋 話知要供幾多世
循環借完按上按 收入唔夠無問題
場市咁大回報高 少少壞帳無得計
而且一話無錢還 親切經理變打仔
收你屋時拆你骨 舂你心口舂你肺
呢頭花旗咁好搵 有人上門送錢黎
雷曼回報夠水頭 逄人都當係兄弟
推出迷債各產品 退休收息啱各位
獅子心知有鑊氣 利潤行先無所謂
迷債基金代理制 出事爆鑊無關係
總之出事客自負 搵個狀棍寫狀題
銀行兩邊收入旺 派息派紅樣樣齊
終於長升烋會爆 雷曼一野就瞓低
A記又話爆大鑊 幾間大行要歸西
花旗要出盈警報 歐洲又話況堪危
獅子知道呢鑊杰 笠水封咀扮烏龜
一路捱到過埋年 火燒春袋先度計
最後唯有要供股 十二供五攤到細
眼見唔少老友記 魂飛九宵魄唔齊
百四八十都要溝 最後五十都唔抵
重要撲錢陪蝕水 一手千六夾硬黎
仆佢臭街一大班 死都唔認屎忽鬼
又話大圍咁環境 又話美市唔聽駛
唔知以為阿布殊 係佢老豆刷鞋仔
政府出手好地地 扮晒有型話唔駛
大班個個有頭面 你死你事無低威
重要搵埋兩大賊 強質股東食山葵
供股俾人夾爆波 三十上落有眼睇
嚇到官府飛彈起 菁姨都要哭啼啼
最後大家無晒計 怕咗你先怕米貴
即時唔俾競價錢 輸打贏要好實例
而家重有一單野 中咗騙局被氹雞
唔知幾時先入帳 唔知幾時先會提
咁叉大間老銀號 出事唔聲正契弟
政府本來要睇實 任總剩識呢枱底
唔通要到閻王殿 至肯承認**錯西
恐怕五爺查一查 知佢糧準兼唔低
都會一時忍唔住 拖去凌遲墊屍底
香港奇景驚曠世 賤絕人寰五號仔
做好男人,是讓身邊所有人開心
做賤男人,只是不想自己太傷心
本帖最後由 lamdragon 於 2009/3/20 17:00 編輯

其實,
共渡時艱 此腔 只是既得利益者 要我地做奴隸的藉口.


點解我地要辛辛苦苦做奴隸  ... 2  lamdragon

正如他地有事時就會講:同坐一條船,
但事實係佢地坐頭等,而我地要幫佢撐般...
當冇事時佢地就會過橋抽板!
林龍 http://hk.groups.yahoo.com/group/lamdragon/
4# lamdragon
係呀。
不過冇人唔俾您跳海逃生
de omnibus dubitandum
5# 沙文

沙兄之言道出了資本主義的自由性

然而龍兄亦確實說出了極大部份人的現況 要輪班的8 12便利店 每日十幾個鐘 工資只有五千幾 美帝快餐才二十塊錢一個鐘  ........工人是可以選擇  可惜能夠選擇的不太多
從前英帝國教育系統 刻意不讓殖民地掌握高新技術  種下今天禍根
6# 訪客得得b 冇錯,資本主義自由性就係咁。理論上人人都有權做既得利益階層,若然您做唔到的話,既得利益階層亦會負責提供一個平臺/空間讓您抱怨:「我做唔到既得利益階層」,咁,您就會覺得:「真相被我發現了」而覺得資本主義也算待您不薄
de omnibus dubitandum
有否提供平臺去讓人抱怨 是無關資本主義的
8# 訪客得得b
本來就係茄,不過若您真係頂唔順資本主義,可移民北韓/古巴,睇下其提供俾您抱怨的平臺/空間是否足夠。
de omnibus dubitandum
9# 沙文

好多鬼佬移左民去上海 北京啦
一二百年前的歐洲 都係有資本主義 而無民主啦
10# 訪客得得b
係呀,移民去上海北京嘅鬼佬若鼓吹在雪山上舞獅,仲可獲接待在秦城賓館包食住
de omnibus dubitandum
11# 沙文

你說得對 正正說明撤頭撤尾的資本主義 不一定就設有抱怨的平台
12# 訪客得得b
咁又唔係。秦城賓館係俾您用雪山舞獅圖案當被冚嘅。
唔信您去注冊入住啦
de omnibus dubitandum
13# 沙文

胡說八道 我身為國會議員兼珠三角關注博彩事諠聨委會召集人
都從未聴聞過有這件事情
您的部門都唔係處理有關事宜就梗係唔知啦。而我就係主理中華人民共和國國立尖端科技語理分析研究所,故由我負責。

實則國家常發表不合邏輯言論但大家都詐聽唔到。例如:"某地係中華人民共和國不可分割的領土。"
其實世上那有不可分割的領土呢?所有領土都係可以分割的。從前心情好,送過領土俾緬甸、越南、前蘇联、高句麗。

但偏偏而家心情不好,故不准在雪山上舞獅。您如參予有關討論,下次去深圳出火時就会被招待去秦城賓館免費食宿,我身居海外無此福份
de omnibus dubitandum
沙哥 你都可以宣稱口袋裡的十塊錢 是不容侵損的財產
點解中國吾得?
唔係唔得,而係廢話。
我宣稱口袋裡的十塊錢 是不容侵損的財產,但一個屈尾10,您兜後尾枕1嘢扑濕我搶咗去,咁就侵損咗去啦。報警都必拉到人

而撞著我心情好,或者仲會打賞俾您添

正如我國都試過將領土打賞俾緬甸、越南、前蘇联、高句麗,係容嘅

今次祖國成了美帝最大債主,温總驚到晚晚要老婆暗先瞓得著,事關佢深明呢個世界其實最大債仔係惡過最大僓主嘅。但係有1個關鍵佢都係未明,而我就一眼睇穿:

所謂金融海嘯,其實係美國佬的苦肉計,目的就是要貴國成為佢最大債主 --- 他日有乜東瓜豆腐,例如嚴打雪山舞獅之類,佢就可以話,若然您不准雪山舞獅,我就唔還錢,您估我做唔出呀?
de omnibus dubitandum
4# lamdragon
係呀。
不過冇人唔俾您跳海逃生
沙文 發表於 2009/3/20 20:11


要跳海餵鯊食,
佢做初一,不如我做十五,
整沉隻船,一齊下海!
咁先至係 渡時艱.
林龍 http://hk.groups.yahoo.com/group/lamdragon/
本帖最後由 lamdragon 於 2009/3/26 14:13 編輯
5# 沙文  

沙兄之言道出了資本主義的自由性

然而龍兄亦確實說出了極大部份人的現況 要輪班的8 12便利店 每日十幾個鐘 工資只有五千幾 美帝快餐才二十塊錢一個鐘  ........工人是可以選擇  可惜能夠選擇的不太多
...
訪客得得b 發表於 2009/3/21 23:45


對....英國佬係唔好!
但董賤華本身都係衰到冇影.
林龍 http://hk.groups.yahoo.com/group/lamdragon/
本帖最後由 lamdragon 於 2009/3/31 16:00 編輯
正如我國都試過將領土打賞俾緬甸、越南、前蘇联、高句麗,
...
但偏偏而家心情不好,故不准在雪山上舞獅。
沙文 發表於 2009/3/26 02:42

backup to
http://www.daydaytalk.com/viewthread.php?tid=34589&pid=334874&page=19&extra=page%3D1
第19頁帖 第#184樓
更新原因:有要求不宜直接貼出來,故用backup hyperlink.
林龍 http://hk.groups.yahoo.com/group/lamdragon/
返回列表
高級模式 | 發新話題
B Color Image Link Quote Code Smilies
換一個