Alice

基督徒一向都係咁架啦, 佢地對眼同對耳用呢過濾既, 同神對立既信息, 全部不記得, 亦不會去思考.
以前我未確定耶教有問題果時, 見到"離教者之家" 就認為係魔鬼, 試探. 跟本唔會去睇.亦唔會去唸. 只覺得浪費時間. 其實唔睇, 被洗腦果時, 被浪費既係整個人生.  宗教表面上好似一個信仰, 其實係人生大事, 會影響你既一生!

某個網友講得岩, 當一個教徒對自己既宗教無懷疑既時候, 你同佢講再多都係廢既. 你比佢睇既證據 (例: 聖經動畫, 聖經入面真係有呢d變態故事),  擺明係真既, 教徒依然接受基督教, 你就會明白, 做再多既事都廢既.   直至有一日, 佢自己清醒, 自然會離教. 只有佢自己先救到自己.  又或者當佢對教會起疑既時候, 你所講既野先有作用.   

而且, 一直我都唔明, "神幫你安排既係最好!"  咁又有基督徒離婚?? 咁好明顯唔係最好啦!     
而自己搵既另一半, 唔係最好, 亦唔代表唔好 / 最差.  不過同個教徒咁講到無用架啦, 佢寧願老死都要等神安排.

唔使擔心d教徒架啦, 當佢地有朝一日對教會起疑心果時, 自然會來到"離教者之家" 睇離教見證.  自然會去 search 一d 反基既網頁.
不過, 當一個異性基督徒追你, 同你準備發展果時, 完全唔提一軛論就擺明欺騙啦!  籍口就係: "你都無問!"  呢d都係刻意隱瞞.
就係想得到你既感情之後, 留到你先再向你傳教.   有迫既成份.   點解唔一開始, 大家未有感情之前講明一軛論? 點解唔一開始講明: 如果你唔係基督徒就唔同你拍拖??

以後小心d異性基督徒啦!    我只接受同基督徒網上文字溝通.  每認識一個異性都問清楚佢係咪基督徒, 費事煩, 浪費時間.

Alice

回復 188# 抽刀斷水

果個錄音講到"呢個男人" 好似好怪異咁.  
教會亦可能係其中一種控制人口既方法, 多d單身人仕, 多d人結唔成婚, 自然減低出生率.
咁就應同果個 15歲殺人犯所講: "呢個世界少d人好d~"

Alice

逄係異性基督徒都好麻煩架啦, 就算你肯跟一個基督徒男/女朋友返團契 (間間教會都一樣咁既愛情觀),  佢都會用種種理由同你分手, 因為有人(可能係所謂屬靈長者/ 其他教友) 會同佢講: 因為你男/女朋友係佢未信主前識既, 所以你地拍拖並非係神安排.  而且, 大家信主既時間唔同, "靈程" 唔同, 你地屬靈既成長亦唔同......

而佢未信主前, 基督徒唔會對佢有感覺, 如果有感覺, 可能係撒旦或邪靈係背後運作.
導師甚至會將你地兩個, 本來一組, 將你既基督徒男/女朋友調去另一組, 而另一組會有另一個基督徒睇中你既基督徒 男/女朋友.    你地多數會被拆散.   而你既基督徒男/女朋友會對所謂既屬靈長者言聽計從, 佢話唔係神安排就唔係神安排.  仲會誤導埋你, 佢會同你講: "你既基督徒男/女朋友 只係神既僕人, 佢帶到你返來教會就完成佢既工作. 致於佢係咪你既另一半呢?  未必係, 可能神安排另一個姊妹/ 弟兄比佢. 你要耐心等待神既安排"

跟住, 你會發現你既基督徒男/女朋友 (或將近發展), 會疏遠你, 甚至當住你面, 同一個睇中佢既另一個基督徒好友好.  即使你既基督徒男/女朋友唔鍾意另一個基督徒, 都佢無 FEEL, 一樣會比機會佢.

既然係咁, 不如你一早將呢件異性基督徒一腳踢開, 唔使煩.   等佢自己係教會等運到好過啦.