抽刀斷水

衣食足，然後知榮辱。食唔飽，有時真係同禽獸無異架。

抽刀斷水

「食色性也」丫嘛，花姨要是扮唔識，我都無計架。

抽刀斷水

回復 7# Jennifer


    其實「性」這環節，都有一定程度的重要性。離婚的其中一大原因，都是性生活不協調。沙文兄都是用這招，令老婆返唔到教會啦。

抽刀斷水

抽按：莫非又是上帝感召受孕？

馮仁昭四圍超
自稱婚前禁慾又有咗　周永恒、阿 Yu等賀四代同堂

2010年02月09日

由幕前走到幕後發展嘅趙頌茹現已改名趙梓淇（ Yu），佢同周永恒（ Roy）上月尾結束 6年愛情長跑拉埋天窗，估唔到隔咗冇耐又傳嚟喜訊，兩人已經有咗愛情結晶品，過多 8個月左右， Yu同 Roy就做爹哋媽咪嘞！聽到呢個消息後，馮仁昭噚日打電話畀準爹哋媽咪，原來阿 Yu唔係好舒服睇緊醫生， Roy聽到馮仁昭恭喜之後不知幾咁開心，語氣成個大細路。

身體弱陀 B見暈

問到阿 Yu有咗幾多個月？ Roy話：「結婚前我哋停咗（性生活）兩個月左右，我諗都係咁上下時間，今日先第一次睇醫生，之前用檢孕棒，結果係 positive（陽性），知道咗不知幾開心。我哋父母已經知晒，嫲嫲同婆婆就最開心，因為四代同堂嘛！」

阿 Yu身體有乜唔舒服？ Roy話阿 Yu除咗有嘔之外，仲好易覺得焗同埋頭暈，所以買咗把風扇仔畀佢通吓風。至於第一胎想生仔定女？ Roy話冇所謂，最緊要健康。


Yu日前出席模特兒公司講座，仲分享佢做 model嘅經驗。

想老婆全職湊仔

但阿 Yu家做形象顧問要成日四圍去， Roy好坦白話想佢轉做 freelance，生完 BB最好做全職主婦，由佢負責搵錢養家喎！臨收線阿 Yu都講咗幾句，佢話心情好矛盾同埋個人好虛弱，可能之前搞結婚太忙搞到身體弱咗。


上月尾周永恒同 Yu先結婚，噚日就聽到有ＢＢ嘅喜訊。
資料圖片

http://hk.apple.nextmedia.com/template/apple/art_main.php?iss_id=20100209&sec_id=462&subsec_id=830&art_id=13711844&cat_id=6802138&coln_id=6802139